Oteya 11:12 - Ala Wone Peenok Peebi Mbanak

¹² Wim eeriyak o panggerak mengga kwak, it Eparayim inoone pilit-pilit yogwe mban an wanggeppaninuk wonogwe, It Iterali mendek ti, nambokan laganggak mban eekwi, Ndi, it aakumi Yekura mendek nen inogoba Ala at yorage nogo, Eeriyak, ineebi mban mbakwi, At Kikak Nakeelik Alik Leenak nogo inom ogoorak mban wonogwe, Eeko agaarik o.

Oteya 11:12 ပူးပေါင်းရင်းမြစ်များ

Wakkagagerak 2:11

Niyo elaganggen aa'nduk kinogo nappereegerak endage Pitom aret. Niyo Pitom nogo o Kawila pa'nggwe time abok aret aanunggut yelok-nggolok nage menggerak. Ndi, nage menggim o Kawila nogome mbuti emas wonage.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Ndawi 78:36

Iniki laakot logonet, Inoone paga nen mban, “Kat iya o,” yogwi, Inoone pilit-pilit at yogwi,

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 44:20

It aap ti nen, “An neenggi amburu paga ogut eeke yi, eebe abet aret me nduk, eeke ilik, eebe lek kagak we ogut mban eeke a?” yinuk, yogwe, “Yi paga nen nagap ndarigin me, eeke ilik?” mbakwi, Eeka'lek pilit kagak neenu mbakak eekwi ti paga tu alik paga nogwe, Wun nunggulik kagak nunggwi kwak eekwi, Eeko agaarik o.

Oteya 10:13

Togop aret eeko logowak mbakirak kwe, it nen awi yumbunggwi kwak maluk eerit nugwi, Anggen mbanggwi kwak, maluk eekkologwe, Eeko agaarik o. It pilit pugunit nogo nogogwaarak ti, anggen mbanak kwak nenet nogo agaarik o. It inomaawi paga, inawuri ineegin warak ineebe ambik paga, iniki panggombunuk wonogwe me,

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Oteya 12:7

It aap yi mendek ndi mendek kungga nogo nen aaninggin wakkaanuk ndak-ndak aga'lek kagak, “Ndak-ndak aga o,” Yinuk, aakumi wi-wi aganaburak inikilom mba'nuk eerit nugu mengga kwak,

Oteya 4:15

It Iterali ti, kumi ya wuginakak kwak eerit nugwi kwe, it Yekura perak, togop eerugwaarik o. It o Nggiligan paga kugi alut eerit nogwe, O Mbet-Awen lagi nogwe, An neenik minggirak Naliku ALA nendage kumbunuk, kumbuk mbanggwi, Eerugwaarik o.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Mika 6:12

It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me,

1 Korindut 6:2

Nit Ala apuri alik leenak nogo nen it aakumi nggween paga mendek peebi inowak looninaburak nogo kit kobak ogotik? Ndi, peebi inowak looninaburak nit aret unde eeppinaneegerak kagak, yogondak yime logonet, wone mbuuluk age kenok, kooniyak meek me nduk, wonogo ogotik?

Wayu 1:6

“An kinowe endagembogut aret o,” yinuk, abu'me pinanege, at ogoba Ala unde logonet ake eeko logowok nduk, leenogo mippinanege, eereegerak me, nit yi abok aret at endage mban tiyappugwi, abu'me tebe yinuk, at oone mban konengggwi, mondok-mondok eeko logowok o, yinuk, amin!

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.