Oteya 11:11 - Ala Wone Peenok Peebi Mbanak

¹¹ Towe wiga agan nugu mengga kwak, it Metit nen inaganak nugiranet wogwe, Towe puume kwak, o Atiyut nen inaganak warit wogwe, Eekwi iinok, An nen it iname lombok logowak nduk piinet nagin o, yinuk, at Aliku ALA nen aret yegerak me, yokkiragi o,” yoragagirak.

Oteya 11:11 ပူးပေါင်းရင်းမြစ်များ

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 60:8

O wiya nen ndugwi wonok nggarek ari, Towe puume wiga agan awina unggwi nage, Eeke menggi kwak, It aap togop eerit nugwi ti, taani o?

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yetikiyen 34:27

Mayu wuppi woraminggirak ti paga yi eyo ndi eyo ineyabume wonage nogo anggen yit nage, yi mendek ndi mendek nggween ti paga yaremenggaarak nogo ka'let eerogo pege, eerigin me, it nandomba ti, iniki ugun tayenak inanggween ti paga wonogo logogun o. Ndi, eyo aaninggin tapi uut paga pugu kalenogo pogo mengga kwak, it aaninggin inoba wonage nogo, lek eerogo piige logonet, it aakumi nen inayeloman eeppiinok wonogwe ineenggime nen wondet eerogo piige neenok, Naliku ALA an aret ineenu arugun o.

Yetikiyen 34:28

Ti eeke neenok, yi aakumi ndi aakumi nen inooko logonet, kugun wogoren nogwe, mba'ngge inanini warak mendek nen ineebe nibinogo nunggwi, eeka'lek iniki ugun tayenak obeelom aret wonogwe me, it aakumi ambi nen iniki ma'naruwak nduk, eerogo piyaagun lek o.

Yetikiyen 37:21

Aliku Itok Menggerak ALA nen yegerak nogo yi aret. An nen it Iterali mendek yi aakumi ndi aakumi inenggela'me ma'nogogwaarak wonogwe me nen kuwak eerogo wogonake, yi o ndi o wonogwe me nen kuwak eerogo piya wage, eeke logominggirik, wogoren it inanggween paga piya nagin o.

Yetikiyen 37:25

Ti eeko logonet, nggween it inombomini wonogogwam nayeloman Yakup wogoreegim nogome wonogo logogun o. It inom, inapuri inom, inombowologwe inom, mondok-mondok time aret wonogwe iigak, nayeloman Ndawut nen inowe endagembogut mondok-mondok aret logogin o.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.

Obaya 1:17

“Togop eerugun kwe, puut Tiyon paga wonogwe nogo perak, inagap ndarak wonogwe, Puut ti, abu leenak wonage, Ndi, it Yakup paga wiganak nen ineyate kwak inanggween nogo unde eeppatinuk wonogwe, Eeko logogun o.

Takariya 10:10

O Metit nen iniyokan wogoren wage, O Atiyut nen kuwak eerogo piya wage, Eeke logominggirik, O Nggileyat inom, o Libanon inom, time piinet nagin me, It o time logorak tenak ambi lek yagabit aret arigin o.

Takariya 8:7

At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Takariya 8:8

o Yerutalem logowak nduk, iniyokan piya woraagin o. Piya wage logominggirik, it an napuri ogwe, ndi, an it inogoba age, eeko logomonggoorik, eeppiyoorak yoragagirak nogo liirogon eeppiige, abe koonak mban eeppiige, eeke logogin,” yo'nege,