Oteya 10:2 - Ala Wone Peenok Peebi Mbanak

² It ti, inoone abe yogwe kwe, iniki alik koombunuk yogwe me, It maluk eekwi onggo inobaalombok aret nggelenogo pako agaarik o. It inayuk wukwi inake warogo wogoragak ogobakkigirogo pit nogogwaarak nogo, Aliku ALA nen yinik-minik eerogo pit nage, inagugiwak ogobakkigirogo mippit nogogwaarak nogo, yigirik-noonom eerogo pit nage, Eerigin o.

Oteya 10:2 ပူးပေါင်းရင်းမြစ်များ

1 Endagembogut 18:21

wonogwe me, aap Eliya nogo inowagam panggo yi nage nagagerik, yorage logonet, “Kiniki mbere niyo kom engga paga yenggenak negen wonogwe kiigak, ne mande logomunggup o. At Aliku ti, kinogoba Ala aret kenok, at aret mugurok nogwe, ndi, kugi Mba'an ti, kinogoba Ala kenok, at aret mugurok nogwe, ee'nip o.” Yorage mbareegi, it aakumi nogo inoone ambiriluk ambi yaga'lek puk aret ogogwaarak.

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Kini Wuppiige 11:18

It aap maluk mendek eerit nogwe onggo kologwe ti, lek ariyak mendek kologo menggaarak kwe, It aap awi yumbunit nogo mengga kwak, obeelom mban eerit nogwe onggo ti perak, mondok logorak mendek aret kologo menggaarak.

Yetaya 44:18

It aap ti, ineenu ogwe, liippugwi, eekulik kobak aret wonogwe, Inigen purok lenggenak kwak me, kaga'lek wonogwe, Iniki apit kwak me, liippega'lek wonogwe, Eeko agaarik o.

Yetikiyen 14:5

Ti eerigin nogo ti, it aakumi Iterali mendek nen yi kugi ndi kugi ambik mugurok nogo logonet, an mbo paneegwaarak nogo, iniki yungguk togon nowagam woraawak nduk, eerigin o.

Oteya 12:11

O Nggileyat time maluk eeko menggam aret me, it aakumi ti, we aanom warogo kagak eerit nugu menggaarak. Ndi, o Nggiligan time tapi ngguunok warogo inagugi ake wogorogwe me, Inagugi warogo wogoragak ogobakkigirik nogo ti, yugum yabume kalo logonogo pit nogo mengga kwak aret wonage agaarik o.

Oteya 3:4

Ti yoreegirak nogo ti, it Iterali inoweewi inendagembogut inom, inoweewi nagawan-nagawan inom, nen wone lengganogo yoraga'lek aret wonogwe, Ala ake warogo wogoga'lek aret wonogwe, kugiwak ayuk wuppunuk aanggo waka'lek wonogwe, kugi ake nggomoorak inenggaanok me yika'lek wonogwe, kugi ogut aago mippunuk, alut eeka'lek wonogwe, eekwi iigak, nogo ambik yi'nogo logomenggaarik,

Oteya 7:8

“It Eparayim mendek nen yi aakumi ndi aakumi inom kunggologwe, Mbi worako logonet, peenok abut lagangga'lek mengga kwak wonogwe, Eeko agaarik o.

Ala Unde 26:30

Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o.

Mika 5:13

Inenggela'me inagugi arelen yinogo pugu nogo, kinogo mbo pege, Inawi kota-kota wurik nogo yinik-minik eerogo pege, Eerigin o.

Takariya 13:2

Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Lukat 16:13

Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi lombok mbake logonet, ambi iniki kunik mbake, ndi, ambi nen eeriyak yoge nogo yanggorogon eeke logonet, ambi nen eeriyak yoge nogo eebi lombok mbake, eerigin o. Kit nen at Ala inom, nggween paga mendek kineenggi warak eekkologwe nogo mendek inom, imbirak lambumbunuk, mugurok noorak ti, meek o,” yinuk, yoragagerak.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

1 Yaya 2:15

It aap nggween paga mendek nen iniki koombunuk eeko menggaarak inom, yi mendek ndi mendek nggween paga mendek inom, abok aret kiniki kunik eerugup o. It aap nggween paga mendek nen iniki koombunuk eekwi nogo kinikilom mbakwi kiinok, ninogoba kiniki kunik eeko logomunggup lek aret o.

1 Tamuwen 5:4

nogo yinuk, ko'lu kuubondendok pekka wogo nogogwaarik, Aliku ALA aloobut mbanak enaame ambinom enete wanduk nggween paga ngginnage logonet, eebe longgo warak mban taati kagak, eenggi anobak kalenogo tunggambe paga mbo nappi wagagerak kogogwaarak.