Oteya 1:7 - Ala Wone Peenok Peebi Mbanak

⁷ It Iterali mendek togop aret eerogo piyaagin kwe, it aakumi Yekura mendek perak, inabuwa mbake, inagap ndake, eeke logogin o. Ti eeke logogin nogo ti, yigin paga, wooluwak paga, wim eekwi paga, kuda paga, it aap kuda paga kwi'na'nuk wim eeka paga, inagap ndarigin lek o. Ata, inogoba Naliku an ALA nen aret inagap ndake logogin o,” yinuk, yoreegerak.

Oteya 1:7 ပူးပေါင်းရင်းမြစ်များ

2 Endagembogut 19:29

Ndi, kat Kitikiya wae. Ti eeriyak yegerak nogo keenu a'nok nduk, ambi yegerak nogo yi o. Tahun yi paga ti, alik nen wungge nogo nunggwi, Tahun peebi paga ti, alik nen laganemenggerak nogo anggen yemenggerak nunggwi, Eerumunggup kwe, Tahun ambi peebi paga perak, awi yappunuk, mbanogo nunggwi, Anggur awi yappunuk, anggen yemenggerak mbanogo nunggwi, Eeko logomunggup o.

2 Endagembogut 19:34

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

2 Endagembogut 19:35

Yoreegerak oonikiya ti eyom paga it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

2 Endagembogut 6:18

Ndi, ne ti eyom paga it aap Aram mendek nogo Elita pigaawok nduk, wambi wogwe iigak, at Elita nen Aliku ALA yoge logonet, “Nogoba o. It aap Aram mendek wogwe yi, inigen ogut eerogo piyet o!” yinuk, Elita tamban eereegerak nogo ndak-ndak aret it aap nogo inigen ogut eerogo piyareegerak.

Ndawi 33:16

Aap endagembogut ambi nen Awuri apit aago paga agap ndakkolage, Aap yigin unde ambi nen At wakaa'ngget paga ili eekko'nok mbagangge, Eekulik o.

Ndawi 44:7

Kat perak, Ninawim tebenogo piinok nineegin tiyappinanege, It aap ineebi ninombako menggaarak nogo Inenggali aruwak nduk eeppiige, Eeke menggendak o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Wundeegwaarak 14:30

Ne ti eyom paga at Aliku ALA nen aakumi Iterali nogo it Metit mendek ineenggime nen inagap ndarogo piyareegerak wonogo logonet, it Metit mendek ineebe kambit nogogwaarak niyo aa'nggi paga wumbiinet wagagerak wonogwe iyareegwaarak.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yeremiya 25:5

Aliku ALA nen yorage kagak kit yokkirogo logonet, Aliku ALA nen yegerak nogo yi aret o. Inalitik-inalitak inobaabut maluk logonet eerit nugwi, maluk mban eerit nugwi, eeko menggaarak nogo mbo punuk, yungguk togon an nowagam wogwe iinok, an nen it inombomini inom inanggween wogoragagim time mondok-mondok logowak nduk, teppiyaagin o.

Yeremiya 25:6

An nen maluk inoba piyookwak, an wonage neegak kugiwak ayuk wuko logonet mugurok nogwe, ineenggi paga ogobakkigippunuk alut eekwi paga nanini eerogo panugwi, eerugwaarik, yegerak o,” yinuk, yokkiragak mban eeko nogogwaarak o.

Yeremiya 33:26

at Yakup paga wiganak ninom wone koonogo piige, nayeloman Ndawut nimbirak koonogo pege, eereegirak nogo mbo punuk, at Abarakam inom, Itak inom, Yakup inom, paga wiganak nogo at Ndawut ombooluk wiganak ambi nen wone lengganogo yorage logorak an nen leenogo pereegirak nogo, mbo pigin meek aret o. Togop eeriyak meek me, inabuwa nen aa'nduk wonogogwa kwak, obeelom eerogo piyaagin o,” yinuk, yoreegerak.

Oteya 1:8

At kwe Nggomet nogo kolaga endage, Abuwa Lek, nogo yilak mbanogo punuk, peebi abila age nagagerik, aagaluk aap aret ndareegerak.

Oteya 11:12

Wim eeriyak o panggerak mengga kwak, it Eparayim inoone pilit-pilit yogwe mban an wanggeppaninuk wonogwe, It Iterali mendek ti, nambokan laganggak mban eekwi, Ndi, it aakumi Yekura mendek nen inogoba Ala at yorage nogo, Eeriyak, ineebi mban mbakwi, At Kikak Nakeelik Alik Leenak nogo inom ogoorak mban wonogwe, Eeko agaarik o.

Takariya 4:6

Yoge mbaki, at nen an yo'nege logonet, “At Aliku ALA nen at Terubaben yoriyak yo'negerak nogo yi aret. At alilaakwi paga, at omaawi paga, eerigin lek o. Ata, an Naberiniki paga eeppege neegak eerigin o, yinuk, at Omaawi Lombok Menggerak Aliku ALA nen aret yegerak, yoru o.

1 Tamuwen 17:47

Ndi, ineegin tiyak ari, tebek ari, eeruwak nduk, koongge menggerak nogo ti, at Aliku ALA aret me, kit kineebe apit aret nit nineenggime pinanigin ti paga it aakumi apit ya'i kuwak eeri wagaarak wonogwe yi, at Aliku ALA nen paloowi paga inom, wooluwak paga inom, inagap ndakeelik ineenu arugun o,” yinuk, yoreegerak.