Oteya 1:6 - Ala Wone Peenok Peebi Mbanak

⁶ Ti'nuk, at Oteya akwe Nggomet nogo abila age nagagerik, kwe aret ndareegerak. Ndake mbareegi, at Aliku ALA nen Oteya yoge logonet, “An nen it aakumi Iterali mendek ti, ambinom inabuwa mbake, inomaluk lek eerogo piige, eerigin lek aret me, kolaga ti, endage, Abuwa Lek, toonu o.

Oteya 1:6 ပူးပေါင်းရင်းမြစ်များ

2 Endagembogut 17:20

Ti eekwi iinok, Aliku ALA nen it inanebunu Iterali mendek wiganak abok aret aaninggin inoba piige logonet, aap inanini ambik aap inooka ineenggime piigak mban eereegi-eereegi peebi inoba abera'lek mbo tek eerogo piyareegerak.

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Oteya 1:8

At kwe Nggomet nogo kolaga endage, Abuwa Lek, nogo yilak mbanogo punuk, peebi abila age nagagerik, aagaluk aap aret ndareegerak.

Oteya 2:23

Eerit nage paga nale'nggen kaakit nduk, an napuluk ti, Anggween paga time aret logowak nduk eerogo pege logominggirik, Aa'nduk endage, Abuwa lek, tooneegirak nogo, abuwa nen niniki kunik eeke, Ndi, aa'nduk endage, Napuri Lek, tooninabeegirak nogo, Napuri aret, yorage, Eeke neenok, It nen, Kat ninogoba Ala aret, yo'nogo logogun o,” yinuk, yereegerak o.

Oteya 2:4

At aagalogwe kunduk, terak eeginaka aret wonogwe me, an nen it inabuwa mbarigin mondok lek aret o.

Amot 7:8

Kage mbareegi, at Aliku ALA nen an yo'nege logonet, “Amot wae. Kat nano mendek kenegen kagan o?” Yo'nege mbareegi, an nen, “Keele wakkagak paga yugum pugunik keenggime wonage kagi o.” Yoge mbareegi, at nogoba nen an yo'nege logonet, “An napuri Iterali ti, keele wakkagak paga yugum pugunik nogo inenggela'me wuppiminggirak ndak-ndak lek kenok, an nen it teppiyaagin lek, aaninggin inoba kwippiyaagin o.

Amot 9:8

“Aakumi inowe endagembogut abu'me menggam maluk mban eekwi yi, Naliku Nitok Minggirak an ALA nen abet aret nenegen wogonake minggirak o. It togop eekwi paga o nggween paga yime nen inenggaawak lek eerogo piyaagin kwe, It Yakup paga wiganak perak, mondok lek eerogo piyaagin lek o,” yinuk, Aliku ALA nen aret yegerak o.

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.