Oteya 1:4 - Ala Wone Peenok Peebi Mbanak

⁴ Ndake mbareegi, at Aliku ALA nen Oteya yoge logonet, “At aap Yeku nen o Yiteren time aakumi kaliirubu pup eerogo inoorogo piyareegerak me, an nen at Yeku paga wiganak nogo aaninggin inoba kwippiige logonet, it Iterali wonogwe me wone lengganogo yorogo menggam nogo, lek eerogo pikit nduk eeke me, wulaga ti, endage Yiteren aret toonu o.

Oteya 1:4 ပူးပေါင်းရင်းမြစ်များ

2 Endagembogut 10:1

Aap Akap paga wiganak ombowologwe aap mban ineebe 70 o Tamariya time wonogogwaarak me, at Yeku nen it aap o kota Yiteren arum wonogwe Iterali inoweewi inom, it Akap ombowologwe 70 inarum menggaarak inom, it paga nappiya woraakit nduk, liiru mbangge logonet,

2 Endagembogut 10:17

Wonok o Tamariya unggwi wage nagagerik, at Akap paga wiganak o Tamariya ando piyareegwaarak wonogwe nogo inoorogo piyareegerak. Inoorogo piyareegerak nogo ti, at Aliku ALA nen Eliya yoreegerak nogo ndak-ndak, it abok tigitogon aret lek eerogo piyareegerak.

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Endagembogut 15:8

At Atariya nogo Yekura inowe endagembogut wonage kagak, tahun 37 eeppunuk, ambi age paga at Yerobeyam aput Takariya nogo, Iterali inowe endagembogut a'nuk, o Tamariya logonet, wone lengganogo yorage kagak, tut 6 peneneegerak.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yetaya 8:3

Yo'nege mbareegi, an nakwe nimbirak lambungge nagagirik, abila a'nuk, naput aap aret ndareegerak. Ndake mbareegi, Aliku ALA nen an yo'nege logonet, “Kaput endage ti, Mondok Alilaakwi Aakumi Inagugun Wagangga, toonumunggun o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.

Yeremiya 20:3

Yoragagerak mambogo mbareegwa, ko'lu at Patikut nen keele piinogo wumbi wage mbareegi, at Yeremiya nen at yoge, “Aliku ALA nen ari logonet, At Patikut ti, eerit namenggerak paga amineeri ne agan noorak mendek eerogo pake, ndi, at oreewi kunduk, inamineeri ne agan noorak mendek eerogo piige, eerigin me, at endage yogo logorak Naliku ALA nen koonggirak nogo ti, Patikut, lek o. Endage ti, Yi Aap Ndi Aap Inamineeri Ne Agan Naga o, yinuk, yogo logorak koonggirak o. At oreewi lombok iigak kwe, inom wim mbanak nen inawooluwak paga inooremenggaarak at enegen kagak kanggwi iyaagin o. Ndi, it Yekura mendek abok aret aap Mbaben inowe endagembogut eenggime piminggirak ando wooluwak paga inoorogo piige, eegu apit aret kugun wogoren o Mbaben piya nage, eerigin o.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yeremiya 3:8

Ogonggelo mbo punuk ugun-ugun eerit nage kenok, Kwe yi mbo pigi o, yinuk, liiru mbanogo wogo'nuk nappogo mengga kwak, it ugun eerit nugwi Iterali nogo togop aret mbo piyareegirak o. Iterali ugun eerit nugwi inawuluk Yekura nogo nen enegen iyareegerak kwe, agabiti mbaka'lek wundi nanuk, togop aret ugun-ugun eerit nege kagagirak o.

Yetikiyen 23:10

Pege mbareegi, it nen kwe ti, agali nggoorogo mbo pugwi, aagalogwe wologwe-komologwe nogo keele maageren nogwe, ndi, at eebe wooluwak paga warogo pugwi, eereegwaarak. Kwe ti, togop eerit nege nagagerak paga onggo eerogo pega o, yinuk, at abok kumi inenggela'me wiganinuk nagagerak.

Yetikiyen 23:31

At oweeluk maluk eerit nage nagagerak nogo awuluk aret eerit nage me, oweeluk eeke nagagerak onggo niyoowa'na toolak kwak wogoreegirak nogo aret awuluk nawak nduk, eenggime pigin o,” yinuk, yegerak o.

Oteya 1:6

Ti'nuk, at Oteya akwe Nggomet nogo abila age nagagerik, kwe aret ndareegerak. Ndake mbareegi, at Aliku ALA nen Oteya yoge logonet, “An nen it aakumi Iterali mendek ti, ambinom inabuwa mbake, inomaluk lek eerogo piige, eerigin lek aret me, kolaga ti, endage, Abuwa Lek, toonu o.

Oteya 1:9

Ndake mbareegi, at Aliku ALA nen Oteya yoge logonet, “Kit Iterali ti, an napuri lek aret. Ndi, an kit kinogoba Ala lek mban me, wulaga ti, endage, Napuri Lek, toonu o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.

Oteya 2:22

Mayu wuppi wage neenok, nggween miin eerogo pege, Nggween miin eerak paga gandum yarak anggen kole eerogo pege, Anggur yarak amburu ngget tooluwak nduk eerogo pege, Tayitun amburu tooluwak nduk, eyo amburu eerogo pege, Eerigin me, Yi mendek ndi mendek yarak abok aret, Ala nen aret yakerak me, Yiteren yi aret o, yinuk, inale'nggen kogo logogun o.

Oteya 9:17

Ndi, kit nogo ti, Ala wone konembunuk liirogon eekwi lek me, Nogoba Ala nen kit mbo pinagamenggerak yi aakumi ndi aakumi inenggela'me yagak-ndagak nugu logomunggup nduk, Mak eerogo pinagagin o, yinuk, yokkiragi o,” yoragagirak.

Amot 9:8

“Aakumi inowe endagembogut abu'me menggam maluk mban eekwi yi, Naliku Nitok Minggirak an ALA nen abet aret nenegen wogonake minggirak o. It togop eekwi paga o nggween paga yime nen inenggaawak lek eerogo piyaagin kwe, It Yakup paga wiganak perak, mondok lek eerogo piyaagin lek o,” yinuk, Aliku ALA nen aret yegerak o.

Matiyut 1:21

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yinuk, yoge kagagerak.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:31

kabila aret age logomenggendik, aap aret ndarumunggun o. Ndappunuk, at endage Yetut aret toonenu o.

Lukat 1:63

Yogo mbareegwa, Takariya nen batu tulis ambi ngginoorage nagagerik, wogogo mbareegwa, “At endage Yaya aret o,” yinuk, liiru mbaneegerak. Mbangge mbareegi, aakumi apit nen, “Wi!” yinuk, pi wareegwaarak.

Yaya 1:42

Yoge nagagerik, wonok Yetut owagam nage mbareegi, Yetut enegen kage nagagerik, at yoge logonet, “Yaya aput kat Timon aret kwe, kendage Kepat aret yokkogo logogun o,” yinuk, yoreegerak. (Endage Kepat yoreegerak nogo ti, it aap Yunani inoone paga, “Peterut o,” yoreegerak.)

Yotuwa 19:18

Ari nage mbareegi, it Itakat inanggween mbanogo wogorage logonet, kota-kota inom wogoragagerak ando endage ti, Yiteren, Ketulot, Tunem,