Oroma 9:4 - Ala Wone Peenok Peebi Mbanak

⁴ It Iterali mendek nogo Ala nen miirinake nagagerik, at apuri logowak nduk, wogonake, at tiyanak menggerak, “Wi,” yuwak nduk eeginake, peebi eeriyak wone abuk nggaruk togon yorage, wone, “Yogop ee'nu, ndogop ee'nu,” yugu liiru mbanak nogo wogorage, Ala alut eeko logonet, eeko logorak wone nogo mamunirage, “Yogop eerigin o. Ndogop eerigin o,” yinuk, wone yorage, eereegerak.

Oroma 9:4 ပူးပေါင်းရင်းမြစ်များ

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 17:10

Kat inom, kat kombowologwe ndaganabemenggaarak inom, mondok-mondok eeko logorak wone ambi abuk nggaruk togon yokkiri o. Kinapuri wologwe nda'nogwe iinok, tigitogon aret inagabolo mbanggo logonu o.

Wakkagagerak 17:2

Yoge nagagerik, “Wone nimbirak abuk nggaruk togon mbaneegurak nogo yogondak yi paga aret kombowologwe ambik lombok agago piyaagin o.”

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

1 Endagembogut 8:11

Ndugwi ti, Aliku ALA abinak aret me, at awi wurik me yagabit aago mbareegi, it aap Ala unde nogo nen Ala awi wurik me yabu eeriyak meek aret agagerak.

Nekemiya 13:29

“Ai, nogoba Ala o. It aap ti nen kat keebe unde logonet, ineyabu eeko menggaarak inom, it aap kat keebe unde eege, aap Lewi mendek eege, ‘Ndogop eeko logowak o,’ yinuk, wone koonogo piyareegindak inom, yit tarip eerogo piigaarak me, inoba aberak mban logot o,” yinuk, tamban eereegirak.

Ndawi 147:19

At oone nogo Yakup yoge, At wone lengganak inom, eeko logorak wone inom, Iterali yoge,

Ndawi 63:2

Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Ndawi 73:1

Ala nen at apuri Iterali nogo Iniki kikak naka'lek wonogwe iinok, Abet aret obeelom eeppiige menggerak o.

Ndawi 78:61

Ala omaawi ineenu agak At oone yugu yonggolak aloobut mbanak nogo, Ndininuk nawak nduk mbo pege, At endage abu tiyanak ineenu agak aloobut mbanak nogo, Inawim ineenggime piige,

Ndawi 89:3

Kat nen ari logonet, “Aap an nen leenogo pereegirak nogo, Wone nimbirak abuk nggaruk togon koonogo pege, Ndi, an nayeloman Ndawut nogo yoge logonet, Kat kobaane'me kombowologwe nda'narit wundi wogwe, Kat wone lengganogo yorage menggenom mondok-mondok nu'lek wonage, Eeke logowak nduk koonogo pigin o, yoge, Eereegirak o,” Yinuk, yereegindak.

Ndawi 89:34

Wone at nimbirak koonogo pigirak lalenogo pege, Noone paga, Yogop eeppagagin o, yogirak nogo Eeppega'lek alik yoge, Eerigin lek o.

Ndawi 90:16

Kat eeke menggendak nogo Kayeloman mini nineenu aruwok nduk, kin eerogo pege, Kendage abu tiyanak, “Wi!” kugwi nogo Ninapurilogwe kunduk inigen keyaawak nduk eeppiige, Eeru o.

Wundeegwaarak 12:25

Ndi, at Aliku ALA nen nggween wokkiroorak abuk nggaruk togon yokkiragagim nogome unggwi nogo logomonggotik, Obagambo Noorak laago yi, lako logomunggup o.

Wundeegwaarak 34:27

Yoge nagagerik, Aliku ALA nen Muta ambinom yoge logonet, “An wone yokkigirak yi paga kat inom, it aakumi Iterali inom, eeriyak wone abuk nggaruk togon mbanggirak yi, kat nen apit aret liiru mbanu o,” yinuk, yoreegerak.

Wundeegwaarak 4:22

Iniki omaawi age kenok, kat nen wone Pirawun yoge, At Aliku ALA nen ari logonet, Iterali ti, naput manggu ndarak kwak aret me, naput manggu nogo an nalut eeri nawak nduk, teppuwak, yegerak o, yinuk, wone yoremenggendak kwe, teppega'lek kenok, an nen, At Pirawun aput manggu ndarak ti, wari wambi woraagin, yegerak o, yinuk, yori nak o,” yoreegerak.

Wundeegwaarak 40:34

Eerogo pege mbareegi, ndugwi nogo wambi wage nagagerik, Ala inom lambungge logowam awooliya wurik nogo paga apit eerogo punuk, at Aliku ALA abinak nogo Ala awooliya wurik o magame inikime nogome eya kwindagala eerogo pereegerak.

Yetaya 41:8

“Togop eerugun kwe, kat nayeloman Iterali yi wae. Kat an leenogo pagareegirak Yakup yi wae. At niniki kunik Abarakam paga wiganak yi wae.

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Yetaya 5:2

Yarikit nduk nggween kabungge, yugum nggiginogo nappege, Anggur awi obeelom mendek mban leenogo yake, Arum logorak oolo time eyo ndoonogo pi lagangge, Anggur anggen aambiranggo logowam yugum nenaarogo pege, Eerogo punuk, Anggen abe yuwak nduk tokkage nagagerak kwe, anggen abe mendek yuulik ale mendek mban yereegerak o.

Yetaya 60:19

At enggela'me eya eerak mondok-mondok logorak ti, at ogoba Naliku ALA an aret o. Ndi, endage tiyanak kenok, Wi! yogo logorak ti, at ogoba Ala an mban aret me, Oonegen o liingge eya eeke nogo ambinom eya eerogo pege, Tut oonikiya eya eeke nogo ambinom eya eerogo pege, Eeke logogin lek o.

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Yetikiyen 1:28

O mayu wage logonet, ndugwi lenggenak wonage paga mbulu nagabak menggi kwak, eya abinak at enaagan-ambokan wanggerak wonage kagagirak. Kage nagagirik, “Aliku ALA tiyanak lombok eya eerak negen aret kagi,” yinuk, ngginna'nuk, nena nggween paga wandunik wonage me, at ambi nen oone ari naruk koneneegirak o.

Oteya 11:1

Aliku ALA nen ari logonet, “It Iterali ti, wologwe mbuulogwe kwak wonogwe iigak, an niniki kunik eeginake, An naput me, O Metit nen wundi omok o, yinuk, endage kunogo wiige, Eereegirak o.

Linggineegwaarak 7:89

Abu aret eeko mbareegwa, at Muta nogo at Aliku ALA imbirak wone mbaniyak nduk, Ala inom lambungge menggim ooliya wurik me time unggwi nanuk wonage kenok, Ala wone yugu aloobut mbanak me yonggolak abiringga narak irimbaga Ala inom lambungge menggim malayikat pogom kerub mbere aru-ogwe wonogwe iigak, Aliku ALA nogo oolo taati wambi wage nagaatik, wone Muta yoge nogo at Muta konengge nagagerak.

Matiyut 21:33

Yorage nagagerik, ambinom yorage logonet, “Wone eegu laarak ambi yokkirage me, kinaruk liirogon konenggo logonip o. Aap ambi nggween unde nen anggur awi yappunuk, yagat wuke, amburu mburunogo wuraburak tenggap mendaake, ndi, tum wakak eyo tiyarogon ndoongge, eeke nagagerik, anggen mbanak nogo ando it kologwe, ando at wogogwi, eeko logowak nduk, aap at eyabu aago me arum piinok, o alik me nagagerak.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 1:47

Yoge mbareegi, Yetut nen aap Natanayen at owagam wage enegen kage nagagerik, at abok ari logonet, “Aap Iterali mondok abe oone mbere ariilik yi kaanip o.”

Nappiigak 2:39

Ala nen, Wokkiraagin o, yinuk, abok yokkiragagerak nogo ti, kit inom, kit kinapurilogwe inom, it aap nda menggaarak inom, peebi ninogoba Ala nen wiigiraagin nogo abok kinake aret yokkiragagerak o,” yinuk, yoragagerak.

Oroma 3:2

Lek o. It eeko logowak nduk leenogo piyareegerak nogo ti, wone ambik wonage me, yokkira o. Ambi ti, at Ala nen, “An noone it porogo logowak,” mba'nuk, unde eeppiyareegerak.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Oroma 9:6

It aakumi Iterali mendek nda'nogogwaarak nogo abok aret Iterali mendek lek o. “Iterali mendek lek,” yokkirage ti, “Ala nen Abarakam abok yoreegerak nogo, mbeyok yereegerak o,” yinuk, an yokkirage lek o.

2 Korindut 11:22

It wogoppako logonet, “Nit Iberani mendek o,” yinuk, yogwe me, an kunduk Iberani mendek aret o. It nen, “Iterali mendek nit aret o,” yogwe me, an togon Iterali mendek aret. It nen yogo logonet, “Abarakam ombo wologwe nit aret o,” yogwe nogo, an togon Abarakam ombooluk aret o.

Nggalatiya 3:16

at Abarakam ombowologwe inom peebi eeriyak wone Ala nen Abarakam yoge logonet, ombowologwe ineebe ambik kenok, “Kombowologwe o,” yinuk, ti yoroolik. Ata, eebe ambit Keritut aret me, “Kombooluk o,” yoreegerak.

Epetut 2:12

Nogo ne ti eyom paga, it aakumi Iterali mendek mban Ala apuri leenak wonogwe iigak, kit Keritut kinom ogoorak logonet, we aakumi nggiru negen aret wonogogutak me, at apuri iinok, wone abok yoragagerak nogo, kit koloorak meek aret wonogogutak. Kit aa'nduk kinogoba Ala lek me, kiniki lunik ambi lek

Pelaareegerak 14:1

Yorage nagagerik, ambi yorage logonet, “It yi aakumi ndi aakumi o nggween paga yime menggaarak abok aret inenggela'me nen kit at apuri iniki kundugu logobagip nduk, Aliku ALA nen miirogo pinagage nagagerik, kit at ake leenak Aliku kinogoba Ala apuri aret me, aakumi kanggwi iinok, kinagabolo paga nggawi penek eerogo pakwi, kinenggaawak paga kineeruwak puluk ko eerogo mbanggwi, eeriyak mage o,” yinuk, yoragagerak.

Pelaareegerak 29:1

Puut Korep paga at Aliku ALA nen eeko logorak wone abuk nggaruk togon Iterali yoragagerak nogo inom lambumbunuk, eeko logorak wone ambi it aakumi Iterali o Mowap wonogwe me, Muta inom koonogo puwak nduk, at Aliku ALA nen yi wone ndi wone Muta yoge mbareegi, yoragagerak yi aret.

Pelaareegerak 29:14

Wone abuk nggaruk togon koonogo kumbuk mbanggwi yi, kit kinalik mban kinake eeriyak lek o.

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.

Pelaareegerak 4:13

Kit eeko logomunggup nduk, Yogop ee'nu ndogop ee'nu, yinuk, kinom eeko logorak wone 10 abuk nggaruk togon koonogo punuk yokkirage nagagerik, yugum tabak mbere'ndak paga liiru mbambunuk,

Pelaareegerak 7:6

Aakumi inanebunu lombok o nggween paga yime menggaarak abok aret wonogwe iigak, at Aliku kinogoba Ala nen kinalik aret iniki kundugu logobagip nduk, miirogo pinagareegerak me, kit at Aliku kinogoba Ala apuri ake leenak aret ogotik o.

Iberani 9:1

Wone aa'nduk koonogo yoragagerak nogo eeko logonet, Ala alut eeko logorak kenok, “Togop aret eeko logonip o,” yinuk, yoragagerak wone yugu inom, eeko menggam aakumi nen wureegwam nogo inom, wonagagerak.

Iberani 9:10

It yi mendek ndi mendek Ala wogori wogo nogogwaarak nogo ti, ineebe op logowok nduk, “Mbi inom, niyo inom, ndogop eerogo punuk nunggwi, kinabin ndogop eerogo kookwi, eeko logonip o,” yinuk, wone yugu kagak alik eeko nagaatik, onggo pi wagak eeko nogogwaarak me, peebi wone ngget mendek kin ari wage kenok, lek eerogo puwak nduk, eeko nogogwaarak kwe,

Iberani 9:3

Ndi, yum endekem tugunik kagak ko oolo akenggwe ogoorak me tugunik nogo ti, “Mage Lombok Menggim o,” yogo nogogwaarak me,

Iberani 9:5

Ndi, malayikat negen aakumi, “Wi,” irogwe kerub mbere inogut nogo, aakumi inomaluk lek eerogo punuk, Ala inom lambungge menggim aloobut mbanak irimbaga ina'naabit wiganogo punuk, nobapporogo wonogogwaarak. Wone ti mendek ando apit mbininogo yokkiroorak kwe, meek me, ando kagak nggaruk togon ti aret yokkiragi o.

Iberani 9:6

Ooliya wurik ko ogoorak nogome togop aret ndigik-ndegek aago wonagagerak me, it Ala unde nogo, Ala ayuk wuko logonet eeko menggaarak nogo nen, eeko logowok nduk, ko endekenggwe nogome ko'lu-kii'me unggwi nogo nogogwaarak kwe,