Oroma 9:27 - Ala Wone Peenok Peebi Mbanak

^27-28 At Yetaya nen ari logonet, “It aakumi Iterali mendek ineebe mbini niyo aa'nggi paga menggi kwak wonogwe kwe, Ineebe mbuuluk mban inagap ndarigin o. It aakumi o nggween paga yime wonogwe lek eerogo piyoorak koonogo pugu nogo, At ninogoba nen abera'lek me mondok nggwik togon aret inoorigin me,” yinuk, yereegerak nogo ti, it Iterali aret eeppiyoorak nduk yereegerak o.

Oroma 9:27 ပူးပေါင်းရင်းမြစ်များ

Wakkagagerak 22:17

an nen abet aret nale'nggen nggwok togon oba pege logonet, ombowologwe laaluguragan mbogut paga wonage inom, mbini kale'ngga niyo aa'nggi paga wonage inom, ti pogom abu ngginu-ngginu eerogo wogorigin o. Ombowologwe nda'naremenggaarak nogo nen inawim tebenogo piinok, inawi time aret unde a'nuk logogun o.

Etara 9:14

Togop aret eeppinanggendak me, wone, Yogop ee'nu ndogop ee'nu, yereegindak nogo ambinom taganogo punuk, it aakumi maluk ogole warak mendek eeko menggaarak yi, inapuri nit wogonakwi, nit ninapuri it wogonakwi, eeriyak op mbaken? Eekwi niigak, kat kanini nen pup eerogo pinanege logonet, ando iluk ninooka'lek yumbunogo teppinanege, ando mbuuluk iluk mbaganuwok nduk, mbo pinanege, eeriyak mbaken?

Etara 9:8

Ne yogondak yi paga iluk Kaliku ninogoba Ala ninabuwa nen obeelom eeppinanege logonet, nineebe ando yumbunik mban wondet eerogo pinanuwak nduk, koonogo piige, ndi, kat leenogo pateeginom yime ninakom kwippinanege, eereegindak paga nit tebeppinanogo wonogwe me, ninigen pirak ari, niniki tayok ari, eeko ogoorik o.

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 24:13

Eyo tayitun anggen yawi lombak mbanggwi iinok, ambitak kagak nggaru-nggaru wambit wage menggi kwak, Anggur anggen yegetak mbanit nogo logonet, ambitak teppogo mengga kwak, O nggween paga yime yi aakumi ndi aakumi inenggela'me togop aret eerogo piyaagin o.

Yeremiya 44:14

it aakumi Yekura mendek eegu yumbunik o Metit ari wa'nuk wonogwe nogo, abok aret inagap ndakko'nok kole mbaganggwi, ndi, Niname niniyokan nogo logomonggoorik, ye mbambatinuk logowok lak, ao, yinuk, mbaremenggam nogome teppiyamenggaarak iniyokan nogwe, eerugun lek aret o. Ata, it ambitak mban inagap ndakko'nok iniyokan o time ari nagun, yegerak me, yokkiragi o,” yinuk, yoragagerak.

Yeremiya 5:10

It inawim nogo nen napuri ineyabu anggur yarak me lagi nogo logomenggaarik, Maluk eerogo pit noorak op aret kwe, abu lek eerogo pugwaarik o. It aakumi yi, Naliku an ALA napuri lek negen iigirak me, Eno'mbak mbanogo mbo nappit nogo mengga kwak it togop aret eeppiinet nogo logowak o.

Yetikiyen 6:8

Togop aret eerogo piyoorak kwe, it ando wooluwak ambeme nen nggigi-nggigi mbaganemenggaarak nogo, yi aakumi ndi aakumi inenggela'me ineenik logowak nduk, eeppiige neenok, it yi o ndi o time aret ma'narit nagun o.

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Yowen 2:32

Eeke mbaremenggi, aap ambi nen, Kaliku ALA wae, yinuk, an nendage kunogo yo'neremenggerak kenok, agap ndarigin o. It ando teppiyamenggaarak puut Tiyon wonogwe inom, o Yerutalem wonogwe inom, Naliku ALA nen leenogo piyaagin o, Yinuk, Naliku ALA nen yereegirak nogo ndak-ndak agap ndarigin o, yinuk, yegerak me, yokkiragi o.