Oroma 9:21 - Ala Wone Peenok Peebi Mbanak

²¹ Togolowak ogobakkigika nogo nen iniki mba'nuk ogobakkigike logonet, nggween nggabok ambit mendek aret waganogo togolowak ambi iya negen eekak yuurak nduk ogobakkigike, ndi, ambi we ugun eekak yuurak nduk, ogobakkigike, eeke menggerak nogo ti, at obaalombok eeriyak koombunuk, eeke logorak ti, meek me nduk, yogo ogotik?

Oroma 9:21 ပူးပေါင်းရင်းမြစ်များ

Kini Wuppiige 16:4

Yi mendek ndi mendek eeriyak koonggwi nogo abok aret aakumi nen, “Ti yogop nduk eeruwok o,” mba'nuk eerit nogwe nogo Aliku ALA nen waganogo at eeriyak mbaketak mban eerit nage, Ndi, it aap maluk mendek kunduk, aakumi aaninggin inoba eeppiyoorak eyom paga, it maluk mendek ti inake eeppiyoorak nduk, pipuk eerogo piige, eeke menggerak.

Yetaya 10:15

Aap ambi aye paga eyo muuke kagak, ye ti nen, “At aap yi, iya lek o. An perak iya o,” yinuk, wogoppake, Ndi, aap ambi anggege paga eyo mbangge kagak, nggege nogo nen, “At yi lek o. An mban iya o,” yinuk, tiyappake, Eeko menggaarak mbakop? Aap ambi owaanggun wagangge kenok, waanggun nogo nen, “An nen kat wokkabi o,” yinuk, yoge, Ndi, yawi mbanak nen, “Yogop eeru,” yinuk, aap nogo yoge, Eekulik o.

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 22:28

Niyoowak nggween nggabok paga ogobakkigirik telenak kenok aakumi ineebi mbakwi kwak, At Yoyakin togop aret wonage nogo lek a? At inom, at apuri inom, o ambik me it ineenggo'lek me time nonggop nduk mbo piya noorak mbakop?

Oteya 8:8

Yi mendek ndi mendek maluk agaatak kenok, Yi an uugwe lek o, yinuk, mbo pogo mengga kwak, It Iterali nogo inawim nen inambeme yonggorinakwi, It aakumi inambik inenggela'me logowak nduk mak eerogo piigwi, Eereegwaarak Wonogo agaarik o.

Nappiigak 9:15

Yoreegerak kwe, ninogoba nen at Ananiyat yoge logonet, “Aap ti, it endekem konenggulik mendek inom, it inoweewi inendagembogut inom, Iterali abok aret inom, an eeke minggirak ineenu agago yorage logowak nduk nayeloman leenogo pigirak me, yori nak mban.

Oroma 9:11

Inogoba ambit aret kwe, “At Ala nen it eekwi paga lek o. Ata, iniki nen mban koombunuk, ambi miike, ambi teppiige, eeke menggerak,” mbako logowak nduk, it wologwe nogo awo nda'nogwe, ndi, maluk eeriyak obeelom eeriyak awo ineenggo'lek wonogwe, eekwi iigak, Ala nen kwe Iribeka yoge logonet, “Kaagalogwe ndaganabemenggendak nogo owe nen awuluk abu'me logogin o,” yinuk, yoreegerak.

Oroma 9:18

at Ala nen aap ambi abuwa mba'nuk teppikit mbake kenok, teppege, ndi, ambi iniki omaawi eerogo pikit mbake kenok, iniki omaawi eerogo pege, eeke kogo monggoorak o, yinuk, yokkirage agarik o.

Oroma 9:20

wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?