Oroma 9:20 - Ala Wone Peenok Peebi Mbanak

²⁰ wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?

Oroma 9:20 ပူးပေါင်းရင်းမြစ်များ

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

Ayup 16:3

Kit wone ugun agan nugwi ti, Lek aga'lek kunik aret agan nugwi ya? Nano eekkinake kenok, ninom wone wariyak eekkinake agaarik?

Ayup 33:13

Ala yogitak kwe, onggo yo'nega'lek agaarik o, Yinuk, nonggop nduk keebi mbake agandik?

Ayup 36:23

Ala eerit nage logowak nduk, aru ta nen koonogo pege, Kat maluk eekendak o, yinuk, ta nen at yoge, Eeriyak mbaken?

Ayup 40:2

“Ayup wae. At Omaawi Lombok Menggerak nen niniki koonogo paniyak, mbakendak nogo, Abu yogirak mbake agandik ilik, ambinom yorikit mbake agandik a? Ala nen maluk eeppanegerak o, At ari nogo nen aret an Ala eekirak ti, Ndogop eeppanggendak, yo'niruwak o,” yinuk, yoreegerak.

Ayup 40:5

Ne ambi paga noone ari, ne mbere paga wone mbangge, Eekirak nogo ti, Mbuuluk yuurak kagak ambik yagarak me, ambinom yigin lek o,”

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 9:32

At Ala ti, aap kwak logo me an nen wone onggo yoge, Owak loonggo menggam time ninowak loolon yogwe, Eeruwok lak, Aap kwak lek me, meek o.

Yetaya 10:15

Aap ambi aye paga eyo muuke kagak, ye ti nen, “At aap yi, iya lek o. An perak iya o,” yinuk, wogoppake, Ndi, aap ambi anggege paga eyo mbangge kagak, nggege nogo nen, “At yi lek o. An mban iya o,” yinuk, tiyappake, Eeko menggaarak mbakop? Aap ambi owaanggun wagangge kenok, waanggun nogo nen, “An nen kat wokkabi o,” yinuk, yoge, Ndi, yawi mbanak nen, “Yogop eeru,” yinuk, aap nogo yoge, Eekulik o.

Yetaya 29:16

Yi wone ndi wone abut laganggo monggotak kit yi, Nggween nggabok ti, aap nggween nggabok paga ogobakkigika imbirak ndak-ndak mbakop? Nggween ogobakkigirik nogo nen aap ogobakkigika nogo yoge logonet, “Kat nen an ogobakkigi'nabulik o,” yinuk, yoge, Ndi, at togolowak ogobakkigirik nogo nen at ogobakkigika nogo yoge logonet, “Kat yi, yi eeriyak ndi eeriyak keenggo'lek o,” yinuk, yoge, Eeriyak op mbakop? Lek aret o!

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 18:6

“It Iterali paga wiganak ti, aap nggween nggabok paga niyoowak ogobakkigikerak yi kokwak, an nen togop aganaburak lek mbaken? It Iterali paga wiganak ti, aap niyoowak ogobakkigika nggabok eenggime wonage menggi kwak it togop aret an neenggime wonogo agaarik o,” yinuk, Aliku ALA nen aret yegerak o.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Lukat 12:14

Yoge mbareegi, at Yetut nen, “Wulaga! Kinowak loonogo kineyate tumbukkiragak yuwak nduk, an aret mippaneegerak mbaken?”

Oroma 14:4

Kat ta me nduk, aap alik ambi ayeloman kagak, “Kat maluk o,” yinuk, yoriyak op mbake agandik? Ayeloman obeelom eeke kenok teppege, ndi, maluk eeke kenok wumbege, eeke nogo ti, at ogoba nen mban aret eeke menggerak kwe, at ninowe yeenggwaage kenok perak, obeelom eeremenggerak me, eeke logogin aret mbaki o.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Oroma 2:3

Nineenu aret me, wologwe! Kit togon togop aret eeko logonet kwe, it ambi eekwi iinok mban maluk agago piigwi kiinok ti, kit kunduk, Ala nen onggo maluk eekkinabigin lek nduk yogo ogotik ya?

Oroma 9:21

Togolowak ogobakkigika nogo nen iniki mba'nuk ogobakkigike logonet, nggween nggabok ambit mendek aret waganogo togolowak ambi iya negen eekak yuurak nduk ogobakkigike, ndi, ambi we ugun eekak yuurak nduk, ogobakkigike, eeke menggerak nogo ti, at obaalombok eeriyak koombunuk, eeke logorak ti, meek me nduk, yogo ogotik?

Oroma 9:22

Iniki mba'nuk aret eeke menggerak ti kokwak, Ala ti ndak-ndak aret eeke menggerak me, at nen ari logonet, “Nanini eeppiige, ndi, nomaawi paga eerit nage, eeke neyaawak o,” yinuk, it at anini eeppiige logonet, ineebe pup eerogo piyaakit mbaketak mendek iniki kwippunuk mondok liirogon eeppiige logorak koongge kenok ti, nonggop mbarumunggup?

1 Korindut 1:20

it aakumi iniki warak nogo ti, taani mbakop? It Ala wone unde ti, taani iigo ogotik? Ndi, wone alom kibingga ambi wonage nduk, yogo ogotik? Abu lek aret o. It nggween paga mendek nen, “Niniki warak logonet, koonggo o,” yinuk, yogo menggaarak nogo, at Ala nen, “It wi negen koombunuk, eekwi,” inombake kagak, yogo menggaarak nogo lek a?

1 Korindut 7:16

Kwe Ala aput yi wae. Kogonggelo kimbirak logonet, kat eeremenggendak paga Ala nen kat kore agap ndarigin keenu me nduk, ari agandik? Ndi, aap Ala aput yi wae. Kat togop eeremenggendak paga Ala nen kakwe agap ndarigin keenu logonet, ari agandik? Lek me, inalitak logorak op aret o.

2 Timotiyut 2:20

O nggwok wurik inikime ti, mbuti emas paga inom, mbuti perak paga inom, togolowak ti mendek mban ogobakkigirik menggerak lek o. Ata, ando eyo paga inom, ando nggween paga inom, ogobakkigirik menggerak. Togolowak abe kigirikwe kenok ti, iya mendek ambi eeriyak nduk, leenak menggerak. Ndi, maluk negen kenok perak, we ugun eekak yuurak nduk menggerak.

Titut 2:9

It aakumi inayeloman nogo ti, inogobamini lombok nen yorogwe nogo, inoone konembunuk, wone onggo yoraga'lek iinok, inogobamini inikilom logowak nduk, yorage logot o.

Yakobut 2:20

Nowe-nawot o. Kit wi negen agan nugwi kiigi o. Eebe eeka'lek kagak abet mban mba'nuk, puk wonogwe kiinok ti, “Yi aanom warogo aret abet mbakwi o,” yinuk, mbaka'lek ogotik ya?