Oroma 9:16 - Ala Wone Peenok Peebi Mbanak

¹⁶ Togop me, Ala nen mbo pinanege a, obeelom eeppinanege a, ti, nit aakumi nen, “Eeppinanuwak,” mbakwi, “Eeppinanuwak nduk, ambi eekkola o,” yinuk, yogwe, eekwi paga eeppinanigin lek o. Ata, iniki mba'nuk nen mban ninabuwa mbake logonet, obeelom eeppinanege menggerak kogo ogoorik o.

Oroma 9:16 ပူးပေါင်းရင်းမြစ်များ

Ndawi 110:3

Kat komaawi tiyak ari eyom paga It kawuri wim eeka nen inobaanggi-inobaangge abe lombok li'luk eekko'nok Inale'nggen paga kinom wim eeri unggwogwe, Kubondendok konaananggen luuri wage menggi kwak, “Ninom wim eeruwi o,” yinuk, kawuri aap tawe nogo kiyo'me ari wogwe, Eerugun o.

Yetaya 65:1

Aliku ALA nen ari logonet, “It aap nen, Ala nonggop menggendak o, yinuk, yo'nugulik nogo, neebe nigiige, It aap an mu'neren noorak mbakulik nogo, ninom lambungge, Ndi, it aakumi nendage kunogo yo'nugulik nogo, Yi an aret o. Yi an aret o, yinuk, yorage, Eereegirak o.

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Matiyut 4:8

Yoge mbareegi, at Ibilit nogo nen Yetut wonok puurom mondok nggorek paga lagangge nagagerik, nggween paga yime yi aap ndi aap inendagembogut inabu'me piigo menggam mondok obeelom aret me, aakumi, “Wi!” ugwi nogo abok aret titigege nagagerik, yoge logonet,

Lukat 10:21

Ne ti eyom paga Aberiniki Yetut inikime mondok lik ari mbareegi, ale'nggen nen keyage wake logonet, “Mbogut nggween unde kat nogoba wa yokkege agarik o. Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, mbuulogwe ngget ndarak pogom paganogo yoragagindak me wa. Kinikilom mba'nuk eereegindak me, nogoba wa, yokkigi o.”

Yaya 3:8

O wiya iniki nen aret warit nage kagak, oonebu ari mban karuk konengge kwe, alom ngga nen warit wage, nggeeme warit nage, nogo ti, kat keenggo'lek ugun kobak menggendak nogo ndak-ndak, it aakumi Aberiniki nen ndaganake nogo ti, ti pogom aret o.”

Oroma 9:11

Inogoba ambit aret kwe, “At Ala nen it eekwi paga lek o. Ata, iniki nen mban koombunuk, ambi miike, ambi teppiige, eeke menggerak,” mbako logowak nduk, it wologwe nogo awo nda'nogwe, ndi, maluk eeriyak obeelom eeriyak awo ineenggo'lek wonogwe, eekwi iigak, Ala nen kwe Iribeka yoge logonet, “Kaagalogwe ndaganabemenggendak nogo owe nen awuluk abu'me logogin o,” yinuk, yoreegerak.

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.