Oroma 9:14 - Ala Wone Peenok Peebi Mbanak

¹⁴ Ti eereegerak kenok, nit nonggop yuwok mbakop? “Ala a'me nggelok eekeelik ugun eeke menggerak yuwok, mbakop?” Ti mondok lek o.

Oroma 9:14 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Ayup 35:2

“Kat nen ari logonet, Ala nen, An aap maluk eeka'lek neege agaarik o, Yinuk, ari menggendak nogo ti, Op aret ari agarik, mbake agandik?

Ayup 8:3

Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Ndawi 92:15

“At Aliku ALA ti, iniki abe koonak mban wonage, Ninayugum lunik kwak wonage, Eeke menggerak me, Inikime maluk wonage abu lek aret o,” yinuk, yogo logogun o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Lukat 20:16

Lek o. Wage logomenggerik, it eyabu arum wonogwe nogo inoorogo piinok, inobaane'me it aap alik arum logowak nduk, mippiya woraagin o,” yinuk, yoragagerak. Yorage nogo it aakumi konenggo nogogwaarik, “Togop eeriyak mage o, ninogoba.”

Oroma 2:11

At Ala ti, aakumi ineebe obeelom kero mban maleninakeelik me, togop aret eeppiyaagin o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 3:1

Ti kenok, it Yakuri mendek ti, we aret leenogo piyareegerak mbakop? Ndi, inagabolo mbanggwi ti, we aret mbaniyak yoragagerak mbakop?

Oroma 9:30

Ti kenok, nit wone ngge yuwok o. It endekem konenggulik mendek nogo at Ala nen obeelom agago piyaawak nduk eekkologo logolik o. It abet mbareegwaarak paga obeelom agago piyareegerak kwe,

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.