Oroma 8:5 - Ala Wone Peenok Peebi Mbanak

⁵ It aakumi iniki maan mendek nen yorage nogo eeko logonet, iniki nen nengge kenok eeriyak mban koonit nugu menggaarak kwe, Aberiniki nen yorage kagak, eekwi iinok perak, “At eeriyak mbake mban eeko logowok,” mbako menggaarak.

Oroma 8:5 ပူးပေါင်းရင်းမြစ်များ

Marakut 8:33

Yetut nen at oone waganggwi nogo ena logurogon pegiige nagagerik, Peterut mberege logonet, “Kat Ibilit yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake menggendak me, mondok nak o,” yinuk, mberereegerak.

Yaya 3:6

It aakumi nen ndaganakwi ti, it mendek aret o. Ndi, Aberiniki nen ndaganake nogo ti, at mendek aret o.

Oroma 8:9

Togop kwe, kit yi perak, kiniki maan mendek nen eeriyak eekkinake kenok eekwi lek o. Ata, Ala Aberiniki kinikime wonage kenok, Aberiniki nen yokkirage nogo mban eeko monggotak kiigi o. Ndi, Keritut nen Aberiniki nappi wagagerak nogo kinikime wonage lek kenok, kit Keritut apuri lek o.

1 Korindut 15:48

Aap aa'nduk nggween mendek wakkagagerak me, nit at apuri nggween paga mendek aret ogoorik o. Ndi, aap mbogut paga nen wagagerak nogo, apuri aganabeegerak kenok ti, mbogut paga mendek aret o.

1 Korindut 2:14

Ala Aberiniki nen koonogo yo'nirage nogo ti, Aberiniki ninikime wonage kenok mban yelok kogo monggoorak me, it aakumi nggween paga mendek nogo, Aberiniki inikime wonage lek me, wone ti, konembunuk, ugun kobak logonet, “Yi wi wone negen aret kogo,” yinuk, mbo pogo menggaarak kwe,

2 Korindut 10:3

Nit nggween paga yime nugu monggoorak ti abet aret kwe, it nggween paga mendek eeko menggaarak nogo kokwak, nit ambi kolaawok nduk, eerit nogwe abu lek o.

Nggalatiya 5:17

Niniki maan mendek nen Aberiniki warikit mbake, ndi, Aberiniki nogo nen niniki maan mendek warikit mbake, eeko logonet, imbirak wim negen ogoorak togon wonogwe me, kit eeriyak mbarumonggotak nogo, eeriyak meek aret kaamunggup o.

Epetut 5:9

It eya paga logonet eerit nogo menggaarak anggen yugu nogo ti, aakumi obeelom eeppiinet nugwi, maluk eeka'lek Ala ari menggerak nogo ndak-ndak eerit nugwi, iniki mbere lek ambit logonet, inoone abet mban agan nugwi, eeko menggaarak me,

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.