Oroma 8:38 - Ala Wone Peenok Peebi Mbanak

^38-39 Nit ninowe Keritut Yetut mondok ninom kunik wonogwe niinok, Ala iniki kunik lombok ee'ninake menggerak me, nineenik wonogwe paga nen, kanggwi paga nen, it malayikat paga nen, yi kugi ndi kugi inomaawi warak menggaarak paga nen, yogondak wonage paga nen, peebi eerigin paga nen, mbogut paga mendek paga nen, nggween paga yime mendek paga nen, yi mendek ndi mendek ogobakkigirik ti abok aret nen Ala ninom ogoorogo pinanigin mondok lek o, yinuk, abet aret yokkirage agarik o.

Oroma 8:38 ပူးပေါင်းရင်းမြစ်များ

Yaya 10:28

Mu'neren wogwe iinok, an mondok-mondok ineenik eeginake minggirak me, it kobak arugun mondok lek o. Ndi, aakumi nen kunduk, an neenggi me ndininabugun mondok lek mban.

Oroma 14:7

Nit ninake nen nineenik wonogwe, nit ninake nen kanggwi, eekulik o.

Oroma 14:8

Ata, nineenik logorak kenok ti, ninowe ake aret wonogwe, ndi, kambuurak kenok ti, at ake mban kanggwi, eeko monggoorak me, nineenik wonogwe kenok, kanggwi kenok, ti ninowe ake mban aret o.

Oroma 4:21

“At Ala omaawi ambik me yo'negerak nogo ti, abet aret eerigin,” mba'nuk, iniki mondok wone ti paga panggombunuk wonagagerak ti paga,

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

1 Korindut 15:24

Mippinanege kenok, o age yobok paga ariyak nogo aret ari woraagin me, at Ala nen, “It ninom ogoorak wonogwe nogo tebenogo piiga'lek kagak, Keritut mban tiyanak logowak o,” yinuk, kooneegerak me, yi kugi ndi kugi inom, aap yo'nggok aakumi inarum menggaarak inom, inayuk warak menggaarak inom, it Ala inom ogoorak menggaarak mendek abok aret tebenogo piige logomenggerik, nit at Ala abu'me logowok nduk, at apuri ee'ninabeegerak nogo mban wo'niren Ala abu'me pinani nagin o.

2 Korindut 11:14

At Ibilit kunduk, malayikat etenggen abinak kwindagala aago menggerak nogo ndak-ndak kumbunuk, eerit nage menggerak me, it ti eekwi iinok, “Wi!” yugup o.

2 Korindut 4:13

Togop ee'ninake tit kagak, at ambi nen ari logonet, “Niniki koba panggombunuk abet kombake me, yagarak o,” yinuk, yereegerak liiru mbanak nogo, at abet mba'nuk yereegerak ndak-ndak, nit togon obeelom wone abet mbako logonet, yogo ogoorik o.

Kolote 1:16

Ala nen eeriyak yoge kagak, mbogut paga mendek inom, nggween paga mendek inom, ninigen kogwe mendek inom, ninigen kaga'lek mendek inom, yi mendek ndi mendek abok aret aput nen mban wakkagagerak. Wakkage logonet, kugi nggween abu'na mendek inom, eyonggaame mendek inom, mbogut abu'na mendek inom, yi kugi ndi kugi yi mendek ndi mendek abok aret, at mban endage tiyappogo logowak nduk, ogobakkigirogo piyareegerak.

Kolote 2:15

Ti eereegerak nogo ti, it wim nambuppunuk, “Nit nineegin tiyak yigi o,” yinuk, “Wi!” iraawak nduk, aakumi ineebe kugun wogoren wogo mengga kwak, at Keritut nen, “An neegin tiyak yegerak neyaawak o,” yinuk, at Tile inom, at awuri yi kugi ndi kugi inom, abok aret inomaawi lek eerogo piinok, inenggali aruwak nduk, ineebe nggwok paga o oolo yayi wogoren nege nagagerak.

2 Timotiyut 1:12

Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.

Iberani 11:13

It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.