Oroma 8:36 - Ala Wone Peenok Peebi Mbanak

³⁶ “Nit kapuri ogogurak paga Kubondendok nen nok oonikiya ari nage kagak, Ninooremengga ilik? mbarit nugu monggoorak. Ndomba wariyak wonok nogo mengga kwak, Togop aret eeppiyaawok, ninombako menggaarak o,” yinuk, liiru mbanak nogo ndak-ndak eeppinanit wogo agaarik o.

Oroma 8:36 ပူးပေါင်းရင်းမြစ်များ

Ndawi 44:11

Ndomba waruwok nduk wonok nogo mengga kwak, Nineebe ninawim ineenggime piige, Yi aakumi ndi aakumi inenggela'me yumbunogo mbo pinanit nage,

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Yetaya 53:7

At aaninggin oba pugwi, andi-pandi eerogo pugwi, eekwi iigak, “Eeppaniyak op aret o,” mba'nuk, puk aret agagerak. Ndomba aagaluk waruwok nduk wonok nogwe iigak, puk menggi kwak, at oone lek kagak wonok nogwe, Ndi, ndomba iyagalo eeruwak mbanggwi iigak, oone lek puk menggi kwak, at oone lek puk aret wonage, Eereegerak o.

Yeremiya 12:3

Togop aret kwe, Kaliku ALA wae. Kat an liippanege menggendak o! An eeke minggirak nogo kenegen neege, An kat paga nonggop kombake neyaamun? yinuk, nabut mbangge, Eeke menggendak o. Ndomba inooruwok nduk, wogoren wundi wogo mengga kwak, it aap ti, togop aret nigiren nage, Inooriyak eyom ari wage kenok, inooruwak nduk, leenogo piige, Eeke logot o.

Yeremiya 51:40

Ndomba aagalogwe inooriyak nduk wogoren wogwe kwak, Ndomba-kambin ngguunok inooruwak nduk, piya wogo mengga kwak, It togop eeppiyaawak nduk, wogoren piya woraagin o,” yinuk, at Aliku ALA nen aret yegerak o.

Yaya 16:2

It Yakuri tamban eeko menggam nen endekem wumbinagagun o. Ndi, it kinoorugun nogo nen, Nit Ala obaalombok aret eekwi o, yinuk, mbariyak eyom panggoni woraagin.

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Nappiigak 8:32

Liiru mbanak maleneegerak nogo eebe yi aret o. “Ndomba aagaluk waruwak nduk, wonok nogwe iigak, puk menggi kwak, At oone lek kagak wonok nogwe, Ndi, ndomba iyagalo eeruwak mbanggwi iigak, Oone lek puk wonage menggi kwak, At oone lek puk aret wonage, Eereegerak o. Miyuk-meya eerogo pogo logonet, eekerak ndak-ndak eeppega'lek inoone yimbu-lambu eerogo wonok nogogwaarak. Ndi, at paga wiganak nogo, taani o? Lek aret me, at awone mbanulik aret o. It aakumi wonogo menggam o nggween paga yime enggaawak lek aret agagerak o,” yinuk, liiru mbanak nogo malengge me, kwi'nari laganeegerak.

1 Korindut 15:30

Ndi, nit togon nonggop mbakop? Ala nen nineenik agago mippinanigin lek kenok, nit ko'lu-kii'me ninooriyak eekwi iigak, ninogogumbuk puk aret logorak mbakop?

1 Korindut 15:31

Lek o. “At kambuwak o,” yinuk, ko'lu-kii'me nooriyak eekwi iigak, nagabiti lek logonet, eeke minggirak kit pilit nombarugup o. Ninowe Keritut Yetut kinom kunik logonet, eekwi paga an nale'nggen mbake logonet, Ala wogoppege kit abet aret nombako monggotak nogo kwak, “At kambuwak o,” yinuk, ko'lu-kii'me nooriyak eeko menggaarak abet aret nombako logobagip nduk, yokkiragi o, noreewi.

1 Korindut 4:9

It Ala yonggo mbogut paga nugu menggaarak inom, aakumi nggween paga mendek inom, abok aret inigen iigak, eeppinanugwi me, aakumi abok inenggaanom paga aap kambuwak nduk, inooko logonet, inendage tebenak lombok kenok irip paga lombok mbigimbiinok, inooko mengga kwak, at Ala nen nit nappiigak nogo, mondok irip paga lombok mippinaneegerak kagi o, obak!

2 Korindut 1:9

“It kambuwak o,” yinuk, Ala nen abet aret ninoba lenggenogo pinanege mbareegurak kwe, ti ninoba agagerak nogo ti, “Nit ninomaawi paga panggombunuk eerit noorak lek o. Ata, aakumi kambunuk nogo menggam nen ineenik agago mippiige menggerak Ala nogo, niniki at oba panggombunuk, eerit nugu logorak,” mbaruwok nduk, togop aret ninoba agagerak.

2 Korindut 11:23

“Keritut ayeloman logonet, ake eeko monggoorak,” mbakwi me, an kunduk, Keritut ayeloman mondok iya lombok eeke minggirak. Wone yi, aap kumili nen yogo mengga kwak ari kwe, abet aret me, konenggo logonip o. Keritut ayeloman logonet, ake eerit nage neegak, ndonggoppanege, keele maarogo mambiigo menggam kulinik-kalinik mambanugwi, ineenggi lingginiyak meek nookwi, kambikit nduk, nabenak mban an ee'nabeegerak mendek neenik age, it ando teeluk negen eeppiigo logonet, an perak, mondok iya lombok eeppanugo nogogwaarak.

2 Korindut 6:9

it ando nen, “Aap yi, inendage lek mendek o,” yinuk, ninombakwi kwe, it ando nen perak, “Aap yi, inendage warak o,” yogwe, kambuurak kwe, nineenik wonogwe, ninookwi kwe, kangga'lek aret wonogwe,

Pilipi 3:10

At Keritut eebe inom, ndi, Keritut ninake kangge mbareegi, Ala omaawi paga eenik agago mippereegerak nogo inom, “Liippatikit lak ao,” mbake logonet, an kambunuk nogo menggam nen neenik agago mippanuwak nduk, at Keritut iniki yanggonak kagak, aaninggin-paaninggin oba punuk, wako mbareegwa, kambunuk, eenik agagerak nogo kwak, an ndak-ndak neegak, eeppaniyak op aret mbake agarik o.