Oroma 8:34 - Ala Wone Peenok Peebi Mbanak

³⁴ Ndi, Ala nen, “Kit maluk o,” yinuk, yo'niraga'lek kagak, aap ta nen, “Kit maluk eekotak me, onggo pinip o,” yinuk, yo'niraagin mbakop? Lek aret o. At kangge mbareegi, Ala nen eenik eerogo mippereegerak yogondak Ala eenggi abe paga logonet, ninili ari menggerak ti, Keritut Yetut aret o.

Oroma 8:34 ပူးပေါင်းရင်းမြစ်များ

Ayup 33:24

Inabuwa nen Ala yoge logonet, It kambunuk nogo menggam nogwe iyo, Inonggo pugu wonage o, yinuk, yoge Eeke kenok perak,

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ndawi 37:33

Aliku ALA nen aap iniki obeelom nogo inawim ineenggime wonogwe iinok teppiige, Inowak looniyak wogoren wogo nagaatik, “Maluk eekotak o,” yorogwe iigak, mbo piige, Eerigin lek o.

Yetaya 50:8

An naana'le mbangge menggerak nimbirak aret wonage me, Aap ta oone omaawi paga, “Kat ndogop eekendak o,” yinuk, yo'nirigin mbakop? Wonage kenok, nimbirak wakkaawok nduk, neya wage, “Ndogop eekendak o,” yinuk, yo'niruwak nduk, nenggali wappani wage, Eeruwak o.

Yetaya 53:12

Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.

Yeremiya 50:20

Aliku ALA nen ari logonet, “Ne ti paga eerigin o, yinuk, yoragagirak ti eyom paga An nen eegu yumbunogo piyaminggirak nogo inomaluk lek eerogo piyaagin me, Aakumi nen, Iterali maluk ndogop eekaarak o, yinuk, kwaaremenggaarak kwe, eerulik aret iigwi, Ndi, it Yekura kunduk, Maluk ndogop eekaarak o, yinuk, yemenggaarak kwe, eerulik mban aret iigwi, Eerugun o,” yinuk, yegerak o.

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Yaya 14:19

An ne ambiriluk logonuk nagin me, it aakumi o nggween paga yime menggaarak ambinom neyaagun lek kwe, kit perak, neego logomunggup aret o. An neenik wonage me, kit kunduk kineenik logomunggup.

Yaya 16:23

Ti eyom paga kit nen wone ambi kin wo'neyaamunggup lek o. Ti mendek wo'niret o, yinuk, nogoba nggino yogwi kiinok, an nendage kumbunuk, wokkirage kaamunggup o.

Nappiigak 2:24

at kanggo menggam time mondok tebenak logorak meek me, kambunuk nogo menggam time yagan wake logokwak Ala nen eenik agago mippegerak o.

Oroma 14:13

Togop me, nit-nit aret nabok-kabok yogo logorak mage o. Ata, nit ambi eerumonggoorak paga ninoreewi iniyogobit lik togon yigeebu wuppiigwi, inaru non mbanogo piigwi, eekwi niyo, liippogo logowok o.

Oroma 14:9

It kambeegwaarak inom, nineenik wonogwe inom, ninowe aret a'nuk abu'me pinanikit nduk, at Keritut kangge nagagerik, eenik mi'nagagerak me, nineenik logorak inom, kambuurak inom, at ake mban aret ogoorik o.

Oroma 4:25

At Yetut nogo ti, nit Ala oone taganogo punuk, yiluk-maluk eekwi niinok, waruwak nduk punogo pege, ndi, “Kit aap yi, kinoba lek obeelom aret kiigi o,” yinuk, yuwak nduk, eenik eerogo mippege, eereegerak o.

Oroma 8:1

Togop kenok, nit Keritut Yetut ninom kunik monggoorak me, “Kit maluk eekotak me, onggo eeppinagagin o,” yinuk, yo'nirage mondok lek o.

Oroma 8:27

Aberiniki nogo nen Ala iniki mbake mugurok at apuri alik leenak inake tamban eeke menggerak me, aakumi iniki liippiige menggerak Ala nogo nen Aberiniki mbake nogo eenu aret o.

Kolote 3:1

Keritut eenik agago mippege logonet, kinom kineenik agago mippinagareegerak me, Keritut Ala eenggi abe'nggan paga kwi'ndak menggim mbogut paga eeko menggaarak wone nogo mban kiniki panggombunuk, logonip o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.

Iberani 9:24

Togop me, Keritut nogo ti, o abe wurik kagak ogut wakkagak Mage Menggim aakumi nen wureegwam nogome unggulik o. Ata, at mbogut paga lombok unggwi nage nagagerik, Ala enggaanom paga ko'lu-kii'me ninake eeke agaarik o.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

Wayu 1:18

Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.