Oroma 8:26 - Ala Wone Peenok Peebi Mbanak

²⁶ Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Oroma 8:26 ပူးပေါင်းရင်းမြစ်များ

Ayup 37:19

Nit wone koonogo at Ala yoriyak niniki kobak ee'ninake me, Yoruwok nduk, kat nen aret yo'niret o.

Ndawi 10:17

Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Ndawi 102:5

Niniki wakko'net unggwage paga Neebe abu mbuuluk ee'nabit unggwage logonet, Nowak neno eerogo panege,

Ndawi 6:3

Kaliku ALA wae. Niniki wakko'net unggwage tit neegak, Ne mande ari namenggi o?

Ndawi 6:9

Aliku ALA nen nabuwa mbaruwak nduk, noone nggwok paga yoge nogo konengge, An tamban eeke nogo, at Aliku ALA liippanege, Eekerak me,

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Matiyut 10:20

Wone yoroorak ti, kit kinoone lek o. Ata, kinogoba Aberiniki nen wone kinikime yokkirage kagak, yorogo logomunggup o.

Matiyut 20:22

Yoge mbareegi, at Yetut nen, “Kit nggino yo'nugwi ti, kineenggo'lek logonet, nggino yo'nogo ogotik o. An nagi toolak nagin nogo ti, kit noorak op mbakop?” Yorage mbareegi, it nen, “E o. Nit noorak op aret o.”

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Yaya 14:16

An nogoba nggino yoge neenok, at alik ambi, Ala ndogop menggerak, paganogo yokkirage menggerak Aberiniki nogo, mondok-mondok kinom logonet, kiniki eyak wappinagage logowak nduk, wokkiraagin o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

Oroma 7:24

Maluk eeriyak ee'nake nogo mban eerit nage logonet, irip paga yobok togon kambuurak aret ari nage me, “Ta nen nagap ndarigin o?” yinuk, niniki abu maluk tit aga o.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

2 Korindut 5:2

Ninagabolo mbogut paga mendek nogo awo yippinanega'lek kagak, ninagap mbelanak wonogwe niyookwak nduk, ooliya wurik kwak ninagabolo maan mendek yi, lek eerogo punuk, obaane'me mbogut paga mendek mbet-mbet yippinanuwak lak, “Ao,” mbako ogoorik.

2 Korindut 5:4

Nit ninagabolo maan mendek yi, “Nineebi o,” yinuk, mbo punuk, we ninagap mbelanak logorak mbakwi lek o. Ata, nabelan-kabelan eeppinanege logonet, ngget mendek mbet-mbet yippinanuwak lak “Ao,” mbarit nogo logonet, ooliya maan wurik yi paga aaninggin kagak aret nogo ogoorik o.

Nggalatiya 4:6

Ndi, yogondak kit Ala apuri aret me, Ala nen aput Yetut at Aberiniki nappi wagagerak nogo, kinikime logonet, “Kit kinogoba Ala aret o,” yinuk, ari menggerak.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,

Iberani 5:2

At aap ti, aap nggween paga mendek maluk eeke menggerak aret me, aakumi Ala wone liippega'lek nomo agan nogo logonet, maluk eekwi iinok, inabuwa mba'nuk, inake yanggorogon eeke menggerak.

Yakobut 4:3

Ndi, kit ando Ala nen wokkiraawak nduk nggino yogo monggotak kwe, kiniki nengge nogo mugurok nogo logonet, lek eerogo patuwok nduk, kiniki abu alik koombunuk yogwi me, wokkiraagin mondok lek o.