Oroma 8:15 - Ala Wone Peenok Peebi Mbanak

¹⁵ Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Oroma 8:15 ပူးပေါင်းရင်းမြစ်များ

Wundeegwaarak 20:19

Muta nogo yogwi, “Kat mban wone yo'niroorak koneniyak op aret kwe, at Ala nen yo'niroorak kenok ti, nit kambuurak aret me, at nen yo'niroorak mage o,” yinuk, yoreegwaarak.

Yetaya 56:5

Inapuri wologwe inom, komologwe inom, ndaganaburak ti iya aret kwe, ndaganaburak meek me, Inendage inom, inoba aberak logorak mendek inom, ineenu agak nawi wurik kobat yendok-wandok nabenak inikime mippiminggirak nogo ti, mondok iya o. Ti eeriyak nogo ti, inendage lek aga'lek mondok ki logowak nduk eeppiyaagin o.

Yeremiya 3:19

Aliku ALA nen ari logonet, “An lombok nen nale'nggen paga napuri kwak eerogo piinok, Yi aakumi ndi aakumi ineyate kwak inapuri unde eeppiigwi abu obeelom aret kwe, Ti eeppiigwi kwak lek an nen nggween abe mili lombok wogoraakit mbake, It an mu'neren wogwe nogo nomonogo mbo pugun lek, Ninogoba o, yinuk, yo'nogo logorak mban mbake, Eekirak kwe,

Linggineegwaarak 17:12

Eeke mbareegi, it aakumi Iterali mendek nogo nen Muta yogo logonet, “A o! Nit mondok ninenggaawak lek ogwe, kanggwi, eeriyak aret kogo o.

Matiyut 25:25

nagabiti nen nage nagagirik, kawu 1 juta wo'nereegindak nogo nggween kabunogo kumaappereegirak wonagaarak me, wonok wagarak yi, kawu unde kolet o.

Marakut 14:36

“Ai, nogoba. Kat yi mendek ndi mendek abok eeriyak op mban me, ee'naburak amburu toolak an porogo wonage yi, wamen o. An niniki mbake eerigin ti lek o. Kat kiniki mbake aret eeriyak o,” yinuk, tamban eereegerak.

Lukat 11:2

Yoge mbareegi, at Yetut nen, “Kit tamban yogobi eeko logonip o. Ninogoba o! Kat kendage abu abe alik leenak menggendak me, tiyappagago ogoorik o. Nit kat kabu'me logowok nduk, eeppinani mok o.

Lukat 22:42

Tamban eeke logonet, “Ai, nogoba! An ee'naburak yiiwak toolak kwak yi, kat woorak mbakendak kenok, wamen o. Ndi, lek kenok, an eeriyak mbake nogo mbo punuk, kat eeriyak mbake nogo mban aret eerikit o.”

Lukat 8:28

At nen Yetut kage nagagerik, abu'me ngginnari nage logonet, oone nggwok paga, “Yetut wae! At Tiyanak Lombok Menggerak Ala aput kat Yetut yi, an nonggop ee'nabikit nduk wagan o? An nooke keyo nduk, yokkigi o,” yoreegerak.

Lukat 8:37

Yorogo mbareegwa, it aakumi o Nggerata yi awi ndi awi time abok inagabiti abu alik lombok aganabeegerak me, Yetut iname nen wundi nawak nduk, yogo mbareegwa, at Yetut yiiro paga unggunuk, iyok paga wunda nagagerak.

Yaya 16:8

At ti wage logomenggerik, aakumi maluk eekwi inom, an obeelom eeke nagarak inom, ndi, Ala nen maluk inoba piyoorak nogo inom, it aakumi nggween paga menggaarak nogo paganogo ineenu eeppiige logogin o.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Nappiigak 16:29

Yoge mbareegi, at keele maarak inarum waka nogo nen, “Ndi wonok wa'nip o,” yorage nagagerik, agabiti nen aganak nugirit nggarek togon Pawulut Tilat imbirak inabu'me ngginnari nagagerak.

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Oroma 8:16

Aberiniki ninikime wonage nogo nen, “Kit Ala apuri aret o,” yinuk, yo'nirage menggerak.

Oroma 8:23

Yi mendek ndi mendek at Ala nen wakkagagerak nogo ti, it inalik mban, “Ao,” mbakwi lek o. Ata, nit togon, Ala onggo lek we aret eeppinaniyak mbake menggerak nogo, “Eebe peebi nen eeppinaniyak,” mbaruwok nduk, Aberiniki aa'nduk aret wo'niragagerak porogo wonogwe me, peebi nineebe at apuri aret me nduk, wo'ninake logonet, ninagabolo nggonenogo mbo punuk, ngget mendek yippinanigin me, “Ao,” yinuk, tokkogo ogoorik o.

Oroma 8:26

Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Oroma 9:4

It Iterali mendek nogo Ala nen miirinake nagagerik, at apuri logowak nduk, wogonake, at tiyanak menggerak, “Wi,” yuwak nduk eeginake, peebi eeriyak wone abuk nggaruk togon yorage, wone, “Yogop ee'nu, ndogop ee'nu,” yugu liiru mbanak nogo wogorage, Ala alut eeko logonet, eeko logorak wone nogo mamunirage, “Yogop eerigin o. Ndogop eerigin o,” yinuk, wone yorage, eereegerak.

1 Korindut 2:12

Ala nen onggo lek nit we wo'niragagerak nogo nineenu aruwok nduk, aakumi nggween paga mendek iniki mbakwi nogo mendek koloolik o. Ata, Ala nen Aberiniki nappinani wagagerak nogo aret kologogurak o.

2 Korindut 11:4

Kit Yetut waabagip nduk, wone aa'nduk yokkirogo nogogurak nogo kagak, it aakumi alik nen wogo nagaatik, “Yetut ambi yi aret o,” yinuk, yokkirogwe, Aberiniki waganeegutak nogo kagak, “Aberiniki ambi yi aret o,” yinuk, yokkirogwe, ndi, wone obeelom wone abet mba'nuk, waganeegutak nogo kagak, “Wone obeelom wone ambi yi o,” yinuk, agan wogwe, eekwi iigak, “Nonggop yogwe iyaamun?” yinuk, “Puk wonogwe,” yogwe iigirak me, nagabiti mbake logonet, yokkirage agarik o.

Nggalatiya 5:1

Nit wondet aago nugu logowok nduk, Keritut nen wondet agago pinaneegerak me, eyo aaninggin tapi inuut paga pogo mengga kwak, aaninggin ambinom kinoba pinagawok nduk, “Yogop ee'nu, ndogop ee'nu,” wone yugu nogo mendek ambi yokkira wogwe iinok, inoone konengga'lek mondok kinogogumbuk logonip o.

Epetut 1:5

Nit awo nda'naga'lek niigak, at Ala nen Yetut Keritut eeremenggerak paga, nit at apuri lombok logowok nduk wo'ninaburak inikilom mbareegerak nogo ndak-ndak, iniki kunik en, “Eeppiyaakit o,” yinuk, koonogo pereegerak nogo aret eeppinaneegerak.

2 Timotiyut 1:7

At Ala nen niniki ninagabitinggut mendek wo'niroolik o. Ata, Aberiniki omaawi eeppinanege kagak ninagabiti lek logonet yorogo logorak mendek inom, aakumi niniki kunik aganaburak mendek inom, niniki warak mendek inom, wo'niragagerak o.

Yakobut 2:19

Kit nen, “Ala ti, alik aret menggerak abet mbako ogoorik o,” yinuk, mbakwi ti op aret kwe, it kugi kunduk wone ti togop aret abet mba'nuk, inagabiti nen inaganak nuguranet nugu menggaarak kwe, kit perak, abet mba'nuk puk mban wonogwe kiigi o.

1 Yaya 4:18

Aap ambi nen oreewi inabuwa mba'nuk iniki kunik aganake kenok, oreewi nen at paga inagabiti ombarugun lek o. At aap nogo nen abet aret inabuwa mbake me, inabuwa mbake ti paga inagabiti mbakwi nogo lek aret age menggerak kwe, ninagabiti mbakwi kenok ti perak, “Ninoreeluk maluk eeppogoorak me, onggo ninooke kaamun ilik,” yinuk, ninagabiti mbakwi me, ninom niniki kunik lek aret mbako logowok o.