Oroma 7:24 - Ala Wone Peenok Peebi Mbanak

²⁴ Maluk eeriyak ee'nake nogo mban eerit nage logonet, irip paga yobok togon kambuurak aret ari nage me, “Ta nen nagap ndarigin o?” yinuk, niniki abu maluk tit aga o.

Oroma 7:24 ပူးပေါင်းရင်းမြစ်များ

1 Endagembogut 8:38

aap ambit-ambi nen ilik, it kat kapuri Iterali yi abok aret nen a, it inalitak lombok maluk eeremenggaarak nogo paga iniki andi negen logonet, ineenggi kawi wurik me yime pa'nggwe nappi woraanuk, tamban eekwi, nggino yokkugwi, eekwi iinok,

Ndawi 119:131

Koone, “Yogop ee'nu ndogop ee'nu,” Yugu nogo “Konenikit lak, ao,” mbake minggirak me, Niyo abu nen wen-wen aganake menggi kwak, An togop aret ee'nake menggerak o.

Ndawi 119:143

An aaninggin-paaninggin noba kwi'nage, “Nonggop eekkoloobok,” eerogo panege, Eeke kagak kwe, Koone, “Yogop ee'nu ndogop ee'nu,” yugu nogo Ti mban ninikilom mbake minggirak o.

Ndawi 119:176

Ndomba kobak a'nuk tu nomoninuk nogo mengga kwak, An togop aret ee'nakerak kwe, Koone, “Yogop ee'nu ndogop ee'nu,” yugu nogo An nami ageelik porogo minggirak me, An kayeloman yi, kwaa'nabi mok o.

Ndawi 119:20

Eekaatak ndak-ndak eeppiigo logorak koone yugu nogo An ko'lu-kii'me pekkage logokit lak, “Ao,” Mbake logonet, niniki andi negen age menggerak o.

Ndawi 38:2

Komaale paga neebe ndanuk togon nooke, Kat keenggi omaawi paga Aaninggin iya negen noba kwippani wambi wage, Eekendak o.

Ndawi 6:6

Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 71:11

“Ala nen at muk mbo pegerak me, Mugurok nogo logomonggoorik, pigaganggwi niinok, Aap ambi nen at agap ndarugun lek aret,” yogwe, Eeko agaarik o.

Ndawi 72:12

It aap ineenggi lek tebenak wonogwe nogo nen, “Yeenggwa niret o,” yogwi iinok, yeenggwaarage, It tebenak wonogwe nogo, yeenggwaaroorak lek iinok, yeenggwaarage,

Ndawi 88:5

“It kambeegwaarak ninom wonage,” nombakwi, Eeko agaarik o. Aap inoorak kambak nggween taanak wonogwe kwak, Aakumi inoba abeka'lek mbo piige menggendak kwak, Aap kat kinom kunik lek me, eenggi mbanak wonogwe kwak, An togop aret wonage agarik o.

Yetikiyen 9:4

at yoge logonet, “O kota Yerutalem time nege logonet, it yi aakumi ndi aakumi nen, O kota yime maluk ogole warak mendek eerit nogwe yi, ao, yinuk, iniki wakkologwe, le yogwe, eekwi iinok, ineenu agak inenggaawak paga liiru mbanogo piyet o,” yinuk, yoge koneneegirak.

Mika 7:19

Aa'nduk ninabuwa mbake nagagindak nogo ndak-ndak, yogondak ambinom ninabuwa mbake logonet, Ninomaluk kumaarogo kiyok libik-lebek eerogo pege, Nit maluk eeko nogogurak nogo abok aret niyo nggwok yenggenak laut nogo oolo kiiniki paga lombok mbo wuppege, Eerumunggun o.

Matiyut 5:4

It aakumi iniki puru aago menggaarak nogo ti, Ala nen iniki eyak wappiyaagin me, Iniki ale'nggen aret mbako logowak o.

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Oroma 6:6

Nit maluk ayeloman logonet, niniki maan mendek nen maluk mban eeriyak ee'ninake nogo, ambinom eerit noorak ee'ninake kero, omaawi lek eerogo puwak nduk, Keritut ninom eyo karo-karo paga ninooreegwaarak nineenu me, yokkirogo ogoorik o.

Oroma 8:13

Kiniki maan mendek nen maluk eeriyak eekkinake nogo mban mugurok nogwe kiinok ti, kambumunggup aret kwe, maluk kinikime lagi wage nogo, Aberiniki nogo paga warogo wuppogo logomonggotak kenok perak, kineenik aret logomunggup o.

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

Oroma 8:23

Yi mendek ndi mendek at Ala nen wakkagagerak nogo ti, it inalik mban, “Ao,” mbakwi lek o. Ata, nit togon, Ala onggo lek we aret eeppinaniyak mbake menggerak nogo, “Eebe peebi nen eeppinaniyak,” mbaruwok nduk, Aberiniki aa'nduk aret wo'niragagerak porogo wonogwe me, peebi nineebe at apuri aret me nduk, wo'ninake logonet, ninagabolo nggonenogo mbo punuk, ngget mendek yippinanigin me, “Ao,” yinuk, tokkogo ogoorik o.

Oroma 8:26

Togop me, nit lebenak wonogwe niinok, Aberiniki wage nagaatik, yeenggwaanirage menggerak o. “Nit nonggop negen tamban eeruwi?” mbakwi niigak kwe, at Aberiniki ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Kolote 2:11

Ndi, at kinom kunik logonet, kinagabolo mbanogo pinagareegerak negen aret ogotik o. Ti eereegerak nogo ti, it aakumi nen eekkinabulik o. Ata, aakumi inagabolo mbanogo piigo mengga kwak, kit maluk eeriyak mban eekkinake menggerak alom nogo, at Keritut nen muk omaawi lek eerogo tebembereegerak me nduk, yokkiragi o.

2 Timotiyut 4:18

Maluk eeppaniyak mbakaarak nogo abok aret eeppanugwi iyo, nogoba nen nagap ndarogo at abu'me piige menggim mbogut paga time kuurik me aret pani nagin o. At togop eeppaningin me, endage mondok-mondok tiyanak aret logowak o. Amin.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Wayu 21:4

Mbogut-nggween aa'nduk ogobakkigirik nogo paga logonet, iniki aaninggin kogo nogogwaarak nogo, lek agaarak me, ngget ogobakkigirik nogo paga inogoba Ala inom logonet, inale amburu mbanogo piyamenggerak me, kanggwi, tabun ndoombunuk le yogwe, iniki wakkologwe, andi kogwe, eeko logogun abu lek o,” yinuk, ari naruk konenggirak.