Oroma 7:21 - Ala Wone Peenok Peebi Mbanak

²¹ Eeko logorak wone yugu niniki me mugurok nage nogo yi aret. An obeelom eerikit, mbake neegak kwe, maluk eeriyak ee'nake kenok mban eeke minggirak kagi o.

Oroma 7:21 ပူးပေါင်းရင်းမြစ်များ

Ndawi 119:133

Yi maluk ndi maluk abok aret eeriyak Ee'nake logonet, tebenogo panukwak, Kat eeppaniyak koonogo pereegindak nogome mban Niyok pit nage logokit nduk, nu'lek eeppanege,

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Ndawi 40:12

Aaninggin-paaninggin mondok iya neenggi lingginiyak meek nogo mendek Noba ninggirik wonage, Nomaluk noba luurik-maarak aago wonage me, Nanobak pila yinuk pe'nariyak meek ee'nake, Eeke agarik o. Neeruwak neenggi lingginiyak op negen kwe, Aaninggin noba wonage nogo perak, Lingginiyak meek aret me, meek tit ee'nake o.

Ndawi 65:3

Maluk eeko nogoorak paga Aaninggin lombok ninoba kwi'ndak wonage nogo Nit piyaniyak meek me, kat nen waganogo mbo nappegendak o.

Lukat 4:1

At Aberiniki nogo Yetut inikime mondok liinik kagak, yi Yoraran aa'nggi paga nen wage me, Aberiniki nen wonok karume aakumi lek me time nagagerak.

Yaya 8:34

Yogo mbareegwa, Yetut nen, “Ayeloman ambi ogoba abu'me logonet, aruk konok mban eeke menggi kwak, kit maluk eeriyak mban eekkinake kenok, maluk ti, ayeloman aret logomunggup o, yinuk, mondok abet aret yokkiragi o.

Oroma 6:12

Togop me, kinagabolo kanggo monggotak mendek kagak kiniki nen nengge nogo mugurok nogo logonet, maluk eeriyak mban eekkinake kero, tebenogo pegak eeko logonip o.

Oroma 6:14

Ala nen Muta yoreegerak wone nogo kit ambinom eeko logorak kinombake lek o. Ata, iniki kunik en onggo lek we aret obeelom eeppinagage kagak eeko monggotak me, kit yogondak maluk ayeloman wonogwe lek aret o.

Oroma 7:23

wone yugu alik ambi niniki me wonage nogo nen pilak ari logonet, wone abe yugu niniki me nen eeriyak mbakitak nogo tebenogo pegak eeke me, an keele maarak negen logonet, “Maluk eeriyak,” yo'nege wone yugu ti mban eeke minggirak o, obak!

Oroma 7:25

Nagap ndaruwak nduk, ninowe Yetut Keritut wo'niragagerak me, “Ala wa,” yinuk, keyage wake agarik o. Togop me, niniki peenok paga nen Ala yereegerak wone yugu, “Eerikit,” mbake paga, “An Ala ayeloman aret kagi,” mbake, ndi, niniki maan mendek peenok nogo nen maluk eeriyak ee'nake nogo aret eeke paga, “An maluk ayeloman aret kagi,” mbake, eeke minggirak o, obak!

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,