Oroma 7:15 - Ala Wone Peenok Peebi Mbanak

¹⁵ An eerikit mbake nogo, eeka'lek logonet, eeriyak neebi mbake nogo aret eeke minggirak me, nonggop ee'nake kenok, eeke minggirak o, obak!

Oroma 7:15 ပူးပေါင်းရင်းမြစ်များ

1 Endagembogut 8:46

Aakumi maluk eekulik ambi wonogwe lek abok maluk eeka mban aret me, it kapuri maluk eeppagagwi nogo, kanini inoba piige logonet, ineebe waganogo inawim ineenggime piige keenok, keele maageren iname lombok o ndaanda ilik, koorok a, time aret piya namenggaarak

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Ndawi 119:113

It aap iniki mbere wonogwe nogo Neebi lombok inombake minggirak kwe, Koone yugu Muta nen liiru mbaneegerak nogo perak, Niniki kundugu minggirak o.

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:163

It aap pilit agan nugwi ti, mondok neebi mbake, Peyak wurik kwak agan nugwi mbake, Eeke minggirak kwe, Koone Muta nen liiru mbaneegerak ti perak, Niniki kundugu lombok minggirak.

Ndawi 119:32

Kat koone ambinom neenu arikit nduk Niniki kole eerogo panumunggun me, Koone, “Yogop ee'nu ndogop ee'nu,” yugu nogo Nale'nggen paga liirogon aret eerit nage logokit o.

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 19:12

Aap ta nen at tu abe kagak nomoninuk nage nogo eenu mbakop? An liippega'lek we ugun aret eerit nage nogo, Maluk neegendak kenok, nomaluk ti mbo nappege,

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 65:3

Maluk eeko nogoorak paga Aaninggin lombok ninoba kwi'ndak wonage nogo Nit piyaniyak meek me, kat nen waganogo mbo nappegendak o.

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Kini Wuppiige 13:5

Aap iniki abe koonak nen pilit wone ineebi mbako menggaarak kwe, Aap maluk eeka nogo perak, inowe-inawot inenggali eerogo piinet nugwi, inendage maluk eerogo pakwi, Eeko menggaarak.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Nakum 1:7

Aliku ALA ti, obeelom lombok wonage, Aaninggin inoba kwi'nage kenok, ineebe op logorak eeppiiga at aret wonage, Iniki at oba panggonak wonogwe nogo, liirogon inarum wake, Eeke menggerak kwe,

Lukat 11:48

Kit kinombomini nen it aap Ala yorage kagak yoraga inooreegwaarak nogo, inobaane'me kit aret inabiriiwak yimbiigwi ti paga, kinombomini eereegwaarak nogo ti, Op aret eereegwaarak o, mba'nuk, yogwe kiigi o.

Yaya 15:15

Ogoba eeke nogo ayeloman mini ineenggo'lek menggaarak kwe, an yi wone ndi wone abok nogoba nen yo'nereegerak nogo yokkiragarak me, yogondak yi kuli paga nen, Nayeloman mini o, yinuk, yokkiraagin lek o. Ata, Noreewi aret o, yinuk, yokkirage logogin o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 14:22

Wone yokkiragarak ti, kit eeko logorak op mbakwi kenok, “Aakumi inenggaanom paga lek o. Ala enggaanom paga mban eeko logowok,” mba'nuk, eeko logorak op aret o. Ndi, “Eeko logorak op,” mba'nuk eekwi kenok, “Maluk eekirak kagi,” mba'nuk, kiniki wakkoloorak mage o. Ata, kiniki ale'nggen logonet aret eeko logorak op kwe,

Oroma 7:16

An eeke minggirak ti, neebi mbake logonet kwe, eeke minggirak kenok, eeke minggirak ti paga, wone Muta yoreegerak nogo ti, “Op aret kagi,” mba'nuk, wone ti aret omaawi eerogo pege minggirak.

Nggalatiya 5:17

Niniki maan mendek nen Aberiniki warikit mbake, ndi, Aberiniki nogo nen niniki maan mendek warikit mbake, eeko logonet, imbirak wim negen ogoorak togon wonogwe me, kit eeriyak mbarumonggotak nogo, eeriyak meek aret kaamunggup o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.

Yurat 1:23

it ando nen kani omoonu'me nogwe me, kinagabiti mbaka'lek inagap ndarogo piya wogwe, ndi, it ando perak, iniki nengge mugurok nogo logonet, mbogoyum laambu abe me mili mondok nabek yi unggwage menggi kwak maluk eekwi ti, ogole warak me, ninom lambunggologwe niyo, “Ninagabiti o,” mbakwi kwe, kagak, inabuwa mbako logonet yorogwe, eeko logonip o.