Oroma 6:3 - Ala Wone Peenok Peebi Mbanak

³ Keritut Yetut kinom kunik logonet, niyome wambeegutak ti kwak, at kambeegerak nogo, “Ninom kunik me, ninom aret kambeegurak kagi,” yinuk, mbaka'lek logonet yogo ogotik?

Oroma 6:3 ပူးပေါင်းရင်းမြစ်များ

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Nappiigak 19:5

Yoragagerak nogo konenggo mbareegwa, ninogoba Yetut endage paga yiime wuppiyareegwaarak.

Nappiigak 2:38

Yorogo mbareegwa, at Peterut nogo nen, “Kinomaluk lek eerogo pinagawak nduk, kit kinalitak lombok maluk eeko monggotak nogo kiniki koombunuk mbo pinip o. Mbo pugwi kiinok, Yetut Keritut endage paga yiime wuppinagarak o. Ti eekwi kiinok, Ala nen Aberiniki nogo onggo lek we aret wokkiraagin o.

Nappiigak 8:16

It nogo inogoba Yetut endage paga yiime wuppiyareegerak kwe, Aberiniki awo inoba wuppiya waga'lek me,

Oroma 6:16

Wulaga ambi, “Nogoba nen yo'nege kenok, eeke logokit,” mbake nagaatik, yanggonak mban eerit nage paga, “Wulaga ti, aap nogo ayeloman aret kogo o,” yinuk, yogo menggaarak kineenggo'lek me, yogo ogotik? Ti ndak-ndak, maluk eeriyak eekkinake kenok, tebenogo pega'lek, “Eerikit aret,” mba'nuk, eerit nogotak-nogotak irip paga kineebe aret kambit nogo logomonggotak kwe, Ala nen ari kenok, “Eerikit,” mba'nuk eerit nogwe kiinok perak, obeelom aret agago pinagage kaamunggup o.

Oroma 6:8

At Keritut kanggo menggam nen eenik agagerak me, peebi kambigin mondok lek o. At kangge logonet, kanggwi alom nogo omaawi lek eerogo pereegerak nogo paga, peebi kambigin lek nineenu me, nit Keritut ninom abet aret kambeegurak mbakwi kenok, peebi at ninom nineenik logogun abet aret mbako ogoorik o.

Oroma 7:1

Noreewi o. “Ala nen Muta wone yoreegerak nogo ineenu me, yora,” mbake logonet, yokkirage agarik o. It aakumi ineenik wonogo logonet, Ala nen Muta wone yoreegerak nogo eeko logorak kwe, kanggo nagaatik perak, eekulik nogo, kit kineenggo'lek me yogo ogotik?

1 Korindut 10:2

Nit Keritut oone waganggwi mendek mbaruwak nduk, niyome wanggo monggo kwak, it Muta oone waganggwi mendek yelok iyaawak nduk, ndugwi nen nobaarogo piige, niyo mogonogo piige, eereegerak.

1 Korindut 12:13

Togop me, nit Yakuri mendek inom, kit endekem mendek inom, kit aakumi inayeloman inom, inayeloman lek we wondet aago wonogwe inom, Aberiniki nogo paga nen nit abok aret nineebe ambit kumbinaneegerak me, niyo eneeri ambit nonggo monggo kwak, at Aberiniki eebe ambiret aret nit abok ninikime mambinaneegerak.

1 Korindut 15:29

It kanggaatak ineenik agago mippiyoorak lek kenok, it aap kanggaatak inobaane'me yiime wuppiigo menggaarak nogo ti, nonggop nduk wuppiigwi mbakop? It kambeegwaarak nogo ineenik agago mippiyaagin lek kenok, nonggop nduk it inowe-inawot kanggwi iinok, “Inobaane'me yiime wuppinanuwak o,” yinuk, yogo agaarik, mbakop?

1 Korindut 3:16

Kit Ala apuri kineebe lambuk togon ti, Ala awi wurik aret me, Aberiniki kinenggela'me kinom wonage nogo kineenggo'lek a?

1 Korindut 5:6

Kit wogoppakwi ti, maluk aret o. Roti piike menggerak mendek mbuuluk roti enggela'me pugwi iinok, roti eebe abok aret piike menggerak nogo kineenggo'lek ya?

1 Korindut 6:19

Kit kineebe ti, Aberiniki awi wurik wonage nogo kineenggo'lek a? At Ala nen onggo nggwok paga kinonggo mbangge nagagerik, Aberiniki wokkiragagerak kinikime wonage me, kit kineebe ti, kit unde lek o. At Ala aret unde me, at endage tiyak yuwak nduk, kineebe paga obeelom mban eeko logonip o.

1 Korindut 6:9

Ndi, it maluk eeko menggaarak kenok, Ala abu'me piige menggim piyaagin lek nogo, kit kineenggo'lek a? It aap kumi paga mban iniki lunik logonet, eeginabit nega inom, kugiwak amili kungga inom, mbabi eeka inom, aap-aap wut-wut yaga inom, yogoot iyagalo inom, uugwe-uugwe mbaka inom, amburu nonggo nagaatik, kumili negen agan nega inom, aakumi inabok mbangga inom, inageerok nggwok aruwak nduk, aakumi inambokan lagangga inom, aakumi ti mendek ti, Ala abu'me piige menggim piyaagin mondok lek me, aakumi nen kinambokan laganggo logonet, alik yokkirogwe iinok, inoone koneniyak mondok mage o.

1 Korindut 9:13

It Ala awi wurik me yabu eeko menggaarak nogo, yabu eekwi onggo negen mbi Ala ake pugu nogo aret kologwe, ndi, it aap Ala aanggo warogo wogogo menggaarak nogo, warogo wogogo logonet, ando it nunggwi, eeko menggaarak nogo kineenggo'lek me yogo ogotik?

1 Korindut 9:24

It aakumi onggo koloorak nduk, nggare agan nogo logonet, ineebe apit aret nggare agan nogo menggaarak kwe, ambiret mban onggo kolage menggerak nogo, kit kineenggo'lek a? Togop me, onggo kolaabagip nduk, kit kunduk togop aret nggare agan togon nogo logonip o.

2 Korindut 13:5

Kit abet mba'nuk, waganeegutak nogo aret mugurok nogwe ilik, lek a, nogo kinalitak lombok liippatinuk, kinabut mbanggologo logonip o. Kinabut mbanggologo logomonggotik, “Op aret mugurok nage kagi,” mbakwi kenok, “Yi Keritut Yetut ninikime wonage me eeke kagi,” mbarumunggup o. Ndi, “An mugurok nage lek kagi,” mbakwi kenok perak, “Yi Keritut ninikime lek aret kagi,” mbarumunggup o.

Nggalatiya 3:27

Keritut kinom kumbinagage mbareegi, yiime wambeegutak me, Keritut obaabut ndak-ndak aret ogogutak o.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.