Oroma 6:23 - Ala Wone Peenok Peebi Mbanak

²³ Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

Oroma 6:23 ပူးပေါင်းရင်းမြစ်များ

Wakkagagerak 2:17

eyo maluk-obeelom ineenu agak anggen yugu ti perak, kat nen ambi noorak abu mage o. Mbanogo namunggun kenok, awo nengge ti eyom paga aret kambumunggun o,” yoreegerak.

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

Kini Wuppiige 11:19

Aap ambi iniki koonak abet aret wonage kenok, eenik nggorek aret wonage menggerak kwe, Aap ambi maluk eeriyak mban mugurok nage kenok perak, at mbet-mbet aret kangge menggerak.

Yetaya 3:11

Aap maluk mendek ti, maluk inoba arigin me, inabuwa o! It nen aakumi maluk eeppiigo nogogwaarak nogo ndak-ndak eeppiyaagin me, inabuwa o!

Yetaya 3:9

Maluk eeriyak inete yelok iigwi iigak, eerit nugwi, Inomaluk nobarogo eeka'lek aakumi Torom mendek eeko nogogwa kwak tena'me kin-kin aret eerit nugwi, Eekwi me, inabuwa o! It ti eekwi paga inalik nen aret aaninggin inoba pakaarak o.

Yetikiyen 18:20

It maluk eekwi inobaalombok aret kambugun o. Ogoba maluk eeke onggo aput oba pege, ndi, aput maluk eeke nogo onggo ogoba oba pege, eerigin lek o. Ndi, aap iniki abe koonak nen obeelom eerit nage onggo ti, at obaalombok obeelom aret kolage, aap maluk mendek nen maluk eerit nage onggo ti, obaalombok maluk aret kolage, eerugun o.

Yetikiyen 18:4

It aakumi iniki abok aret an unde minggirak o. Inogobamini iniki kunduk, inapuri iniki kunduk, an mban unde minggirak. It maluk eekwi nogo inobaalombok aret kambugun o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Yaya 10:28

Mu'neren wogwe iinok, an mondok-mondok ineenik eeginake minggirak me, it kobak arugun mondok lek o. Ndi, aakumi nen kunduk, an neenggi me ndininabugun mondok lek mban.

Yaya 17:2

An kaput, yi aakumi ndi aakumi abok tigitogon unde logonet, aakumi wo'nereegindak nogo mondok-mondok ineenik eeginabikit nduk, mippaneegindak o.

Yaya 3:36

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

Yaya 4:14

niyo an nen wogoraminggirak nunggwi iinok perak, abu eeginabigin mondok lek o. Niyo an nen wogoraminggirak nogo, eneeri inikime nen kila-kila wungge logonet, mondok-mondok ineenik eeginake logogin o.”

Yaya 4:36

Aap ambi awi yake, ambi anggen mbangge, eekwi nogo imbirak ambugwi aret iniki ale'nggen mbaruwak nduk, at anggen mbangge nogo onggo kolage menggerak aret o. At onggo kolage ti, it aakumi mondok-mondok ineenik logowak nduk anggen mbanak kwak kuwak eerogo piige nogo aret o.

Yaya 5:24

Yorage nagagerik, ambinom yorage logonet, “It aap an noone konembogo nagaatik, iniki at nappani wagagerak nogo oba panggombunuk, abet mbakwi nogo ti, mondok-mondok ineenik aret logogun o. Ndi, it aap ti, kanggo menggam nen ineenik eeginake menggim muk unggwi wogogwaarak me, Ala nen inowak loonogo maluk onggo eeppiyaagin lek o, yinuk, mondok abet aret yokkiragi.

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Yaya 6:68

Yorage mbareegi at Peterut nen, “Ai, nogoba! Nit ta ka noorak me nduk yagan o? Mondok-mondok nineenik ee'ninaburak wone kat aret yo'nirage menggendak nogo o.

Oroma 1:32

ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

Oroma 5:12

Togop me, aap ambiret maluk eereegerak paga nit yi aakumi ndi aakumi abok aret maluk ninoba wigak yereegerak. Ndi, at maluk eereegerak paga kambeegerak nogo kokwak, nit abok aret maluk eeko nogogurak paga kanggwi alom ninoba wigak yereegerak me, kanggo monggoorak.

Oroma 5:17

Aap ambit maluk eereegerak paga kanggwi alom nit abok ninoba wigak yereegerak me, kanggo monggoorak ti, abet aret kwe, aap ambi Yetut Keritut nen eereegerak paga Ala iniki kunik en ninabuwa nggwok togon mbake logonet, obeelom eerogo pinanikit nduk, onggo lek we aret wo'niragagerak nogo waganggwi niinok, kambugun mbakop? Mondok lek o. Nit mondok-mondok nineenik aret logogun me, at eereegerak ti perak, iya lombok o.

Oroma 5:21

Maluk eerit nogo nogogurak paga kanggwi alom ninoba wigak yereegerak nogo ndak-ndak, yogondak ninowe Yetut Keritut nen eereegerak paga obeelom agago pinaninuk, mondok nineenik logowok nduk, Ala iniki kunik nen eeppinanege menggerak wone nogo ninoba wigak yereegerak wonage o.

Oroma 6:16

Wulaga ambi, “Nogoba nen yo'nege kenok, eeke logokit,” mbake nagaatik, yanggonak mban eerit nage paga, “Wulaga ti, aap nogo ayeloman aret kogo o,” yinuk, yogo menggaarak kineenggo'lek me, yogo ogotik? Ti ndak-ndak, maluk eeriyak eekkinake kenok, tebenogo pega'lek, “Eerikit aret,” mba'nuk, eerit nogotak-nogotak irip paga kineebe aret kambit nogo logomonggotak kwe, Ala nen ari kenok, “Eerikit,” mba'nuk eerit nogwe kiinok perak, obeelom aret agago pinagage kaamunggup o.

Oroma 6:21

“Nit maluk eeko nogogurak ti paga ninagabiti o,” yinuk, yogondak kit yogwe nogo ti, eerit nogo logonet, irip paga obeelom ambi ngge eekkologo nogogutak? Lek aret o. Ti abok aret eerit nogo nogogutak paga kanggo nogogutak.

Oroma 8:13

Kiniki maan mendek nen maluk eeriyak eekkinake nogo mban mugurok nogwe kiinok ti, kambumunggup aret kwe, maluk kinikime lagi wage nogo, Aberiniki nogo paga warogo wuppogo logomonggotak kenok perak, kineenik aret logomunggup o.

Oroma 8:38

Nit ninowe Keritut Yetut mondok ninom kunik wonogwe niinok, Ala iniki kunik lombok ee'ninake menggerak me, nineenik wonogwe paga nen, kanggwi paga nen, it malayikat paga nen, yi kugi ndi kugi inomaawi warak menggaarak paga nen, yogondak wonage paga nen, peebi eerigin paga nen, mbogut paga mendek paga nen, nggween paga yime mendek paga nen, yi mendek ndi mendek ogobakkigirik ti abok aret nen Ala ninom ogoorogo pinanigin mondok lek o, yinuk, abet aret yokkirage agarik o.

Oroma 8:6

It aakumi iniki maan mendek nen eeriyak aganake kenok mban eerit nugwi nogo, Ala inom ogoorak aret me, iniki maan mendek nen yorage nogo mban eekwi iinok, kambugun aret kwe, Aberiniki nen yorage kenok mban eerit nugwi iinok perak, ineenik mondok mendek kologwe, ndi, Ala inom kunik me, iniki tayenak ale'nggen aret kogwe, eeko logogun o. Iniki maan mendek nen, “Eeriyak,” yorage nogo nen Ala wone yugu, “Eeruwok o,” yinuk, Ala abu'me tebe yaga'lek me, wone yugu nogo eeriyak meek o.

Nggalatiya 3:10

Ala nen ari logonet, “Aap ambi eeko logorak wone yugu liiru mbanak yi, porogo logonet, liirogon eeka'lek kenok, at pulinik aret logowak o,” yinuk, yereegerak liiru mbanak ndak-ndak it aakumi nen, “Nit obeelom agago pinanuwak nduk, wone Muta yoreegerak nogo ndak-ndak aret eerit nogo logowok o,” yinuk, wone ti paga iniki panggombunuk eeremenggaarak kwe, ndak-ndak eeriyak meek kenok, pulinik aret me, kambit nogo logogun aret kogo o.

Yakobut 1:15

Ndi, kwe ambi elege inikime logombunuk, ndaketak nogo, ti'nuk, eebe kole a'nuk, kangge menggi kwak, nit niniki nen aret maluk eeriyak uugwe mba'nuk, eebe eeko nogootik, ti'nuk, nineebe aret kanggo monggoorak.

1 Yaya 2:25

Nit ee'ninaburak Ala nen koonogo pereegerak nogo ti, “Kit mondok-mondok kineenik logobagip nduk, eekkinabigin o,” yinuk, yo'niragagerak ti aret o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.