Oroma 6:2 - Ala Wone Peenok Peebi Mbanak

² Mondok lek o. Nit maluk eeko nogogurak nogo ambinom eeriyak mban ee'ninake kero, aakumi kanggwi kwak lek agagerak kagak, nonggop togon maluk mban eerit nogo logorak mbakop?

Oroma 6:2 ပူးပေါင်းရင်းမြစ်များ

Wakkagagerak 39:9

An o yi arum logowak nduk, tiyappaneegerak an kokwak ambi lek aret. An nogoba nen yi mendek ndi mendek ambi teppatulik, abok aret an unde eeppanege logonet kwe, kat keebe perak, an unde eeppanulik me, an nonggop togon Ala enggaanom paga maluk nggwok eeriyak yagan o?”

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Lukat 20:16

Lek o. Wage logomenggerik, it eyabu arum wonogwe nogo inoorogo piinok, inobaane'me it aap alik arum logowak nduk, mippiya woraagin o,” yinuk, yoragagerak. Yorage nogo it aakumi konenggo nogogwaarik, “Togop eeriyak mage o, ninogoba.”

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Oroma 6:15

Togop me, nonggop eeruwok o? Ala nen Muta yoreegerak wone nogo, nit eekwi lek o. Ata, Ala iniki kunik en onggo lek we aret obeelom eeppinanege kagak eeko monggoorak me, nit maluk eeko logorak op mbakop? Mondok lek o.

Oroma 7:4

Noreewi o. Ti ndak-ndak, kit kunduk, anggen yi'nage menggi kwak, Ala ake eeko logobagip nduk, at kanggo menggam nen eenik agagerak nogo kinogonggelo negen a'nuk, at oone konenggo logobagip nduk, Keritut kinom kunik logonet, kambeegutak nogo paga Muta yoreegerak wone nogo lek aret agagerak o.

Oroma 7:6

Ala nen Muta wone yoreegerak nogo eeko logowok nduk, keele maarak negen wonogogurak kwe, Keritut ninom kambeegurak nogo paga piinogo pinaneegerak me, Ala ake eeko logonet, nit aa'nduk Ala wone yugu liiru mbanak kenok mban eeko nogogurak nogo ti, eekulik o. Ata, nit yogondak niniki ngget mendek paga Aberiniki nen yo'nirage kagak Ala ake eeko ogoorik o.

Nggalatiya 2:19

wone Muta yoreegerak kagak alik eereegirak paga noorogo paneegerak kambeegirak negen me, yogondak, “Yogop ee'nu, ndogop ee'nu,” yo'nege nogo, an koneniyak mondok meek o. An Ala ake mban neenik agarik o.

Nggalatiya 6:14

Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.

Kolote 2:20

Kit Keritut kinom kunik logonet, kanggo mbareegup, yi kugi ndi kugi inayuk wuko logonet, inoone konenggo nogogutak nogo tebembiinok, wondet eerogo pinagareegerak kagak, nonggop nduk, wondet eerogo pinagulik inoone awo konenggwi negen eekko'net nogo ogotik?

1 Peterut 1:14

Kit aa'nduk Ala kineenggo'lek logonet, kiniki nen nengge kenok ugun-ugun eerit nogo nogogutak nogo, mbo punuk, ogoba ari kenok, aput konembunuk ndak-ndak eeke menggi kwak, kinogoba Ala nen ari kenok mban eerit nogo logonip o.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

1 Yaya 3:9

Aap ambi Ala nen ndake kenok, at Ala obaabut aret wagangge me, at maluk eeke logogin lek o. At Ala nen aret ndaremenggerak me, at maluk eeke logorak ti meek o.