Oroma 5:20 - Ala Wone Peenok Peebi Mbanak

²⁰ Ala nen aa'nduk Abarakam wone abok yoreegerak nogo eekwi iigak kwe, peebi wone ambinom Muta yoreegerak nogo ti, it aakumi nen, “Mu-mage agan nege yi, kagak eeginombaawok,” yogo logonet, Ala wone taganogo pit nogo logowak nduk, Muta wone peebi yoreegerak. Ti eerit nogo logonet, maluk nggwok eerit nogwe iinok, Ala nen inabuwa nggwok togon mbake nagagerik, iniki kunik nen obeelom eeppiinet nege nagagerak.

Oroma 5:20 ပူးပေါင်းရင်းမြစ်များ

Ndawi 25:11

Kaliku ALA wae. An maluk mondok nggwok lombok eekirak me, Kendage obeelom logowak nduk, Nomaluk ti lek eerogo panu o.

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yetikiyen 16:52

It maluk eeko nogogwaarak kwe, at abu maluk lombok eerit nage nagagerak alom ti paga, Oreewologwe ti op negen eeko nogogwaarak iigo o, yinuk, yogwe me, at obaalombok aret enggali mbakak nege logowak o. Oreewologwe op negen eeko nogogwaarak iyaawak nduk eereegerak paga endage maluk agagerak me, obaalombok enggali mbakak nege logowak o,” yinuk, yegerak me, yokkigi o.

Linggineegwaarak 21:9

Yoge mbareegi, at Muta nogo nen mbuti tembaga paga waalo ogut ogobakkigirogo eyo paga nabenogo punuk mippege mbareegi, it aakumi Iterali inalitak lombok ineyak mbaninabit nogwe nogo inigen pekkogwe iinok, kambulik ineenik wonogogwaarak.

Matiyut 20:9

Yoge mbareegi, it oonegen kiluk yikit nduk eeke kagak peebi yabu eeri unggwogogwaarak nogo, wogo mbareegwa, wu ambitak-ambitak wogorage,

Matiyut 9:13

It aap iniki abe koonak menggaarak kagak inayonggo pikit nduk, an woroolik o. Ata, it aap maluk eeko menggaarak kenok mban inayonggo pikit nduk wagagirak me, Ala nen ari logonet, Kinandomba warogo nake panegak mban eekwi nogo ti, an uugwe lek o. Ata, aakumi inabuwa nen obeelom eeppiigak yuurak ti perak, an, Ao, lombok mbake minggirak o, yinuk, yereegerak liiru mbanak nogo, alom mamunggola nanip o,” yoragagerak.

Lukat 7:47

Ti paga nen kwe yi, maluk iya tit eeke nagagerak kwe, omaluk lek eerogo pigirak me, iniki kunik nggwok lombok ee'nakerak o. Nit maluk mbuuluk eeko nogogurak nogo Ala nen lek eerogo pinanggerak o, mbakwi iinok ti, we mbuuluk Ala iniki kunik eeko menggaarak o.”

Yaya 10:10

It aap kiraaka nogo nen ndomba kiraakkologwe, inookwi, lek eerogo piigwi, eeruwok nduk, wogo menggaarak kwe, an perak, ineenik eeginabikit nduk, wagagirak o. Ineenik eeppiyaminggirak logonet, iniki ale'nggen mondok alik negen kaawak nduk wagagirak.

Yaya 15:22

An iya wage nagagirik, wone yorage logonetak lek en, it maluk ineenggo'lek ugun aret logonetak kwe, yora wagagirak me, yogondak it maluk eekwi nogo ti, nonggop togon, Nit maluk eeka'lek o, yuurak.

Oroma 4:15

Ala wone yugu liiru mbanak wonage ti paga nen, Ala anini ninoba pinanege, kogo monggoorak kwe, wone yugu ambi lek logonetak en, “Maluk eekendak o,” yinuk, yo'niraga'lek aret logonetak.

Oroma 6:1

Ti kenok, wone ngge negen yuwok? Ala iniki kunik en nggwok togon obeelom eeppinanege kaawok nduk, maluk mban eerit nogo logowok mbakop?

Oroma 6:14

Ala nen Muta yoreegerak wone nogo kit ambinom eeko logorak kinombake lek o. Ata, iniki kunik en onggo lek we aret obeelom eeppinagage kagak eeko monggotak me, kit yogondak maluk ayeloman wonogwe lek aret o.