Oroma 5:18 - Ala Wone Peenok Peebi Mbanak

¹⁸ Ti kenok, at Aram nen Ala oone taganogo punuk, maluk eereegerak paga nit aakumi abok maluk ninoba agagerak ti kokwak, at Yetut nen obeelom eereegerak paga nit aakumi abok nineenik logowok nduk, Ala nen, “Aap yi, oba lek o,” yinuk, obeelom eerogo pinaneegerak.

Oroma 5:18 ပူးပေါင်းရင်းမြစ်များ

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Yaya 1:7

At Yaya nen aakumi inikime eya eeginake menggerak nogo abok paganogo yorage logokit nduk, wagagerak. At yorage paga yi aakumi ndi aakumi abok aret iniki eya nogo oba panggombunuk, abet mbaruwak nduk, paganogo yorage a wagagerak.

Yaya 12:32

Togop kwe, aakumi nggween paga mendek nen an mippanugwi iinok perak, an nen yi aakumi ndi aakumi abok aret nowagam woraawak nduk, iniki kooninabikit o,” yinuk, yoragagerak.

Yaya 3:26

Alelo wappunuk, Yaya owagam wogo nogogwaarik, at yogo logonet, “Ngguru wae. At kimbirak yi Yoraran enebaga logonet, abok paganogo yoragagindak nogo, niyome wuppiige me, aakumi apit at ka nogo agaarik o.”

Nappiigak 13:39

Ala yereegerak Muta nen liiru mbaneegerak eerit nogo logonet, maluk eekwi nogo, Kinoba lek o, yinuk, obeelom agago pinagarak meek aret kwe, kiniki Yetut oba panggombunuk abet mbakwi paga perak, Ala nen, Kit maluk eekwi nogo kinoba lek o, yinuk, obeelom agago pinagagin aret o, yinuk, yokkirage agarik o.

Oroma 3:25

Maan aa'nduk it aakumi maluk eekwi iigak, Ala iniki yanggonak logonet, maluk onggo eeppiiga'lek teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, it Yetut abet mbakwi iinok, at amiya wundemenggerak paga it maluk eekwi nogo, inomaluk lek eerogo piige, Ala iniki yanggo ari, eeruwak nduk, Ala nen, “Yetut waruwak o,” yinuk, punogo pereegerak o.

Oroma 4:25

At Yetut nogo ti, nit Ala oone taganogo punuk, yiluk-maluk eekwi niinok, waruwak nduk punogo pege, ndi, “Kit aap yi, kinoba lek obeelom aret kiigi o,” yinuk, yuwak nduk, eenik eerogo mippege, eereegerak o.

Oroma 5:12

Togop me, aap ambiret maluk eereegerak paga nit yi aakumi ndi aakumi abok aret maluk ninoba wigak yereegerak. Ndi, at maluk eereegerak paga kambeegerak nogo kokwak, nit abok aret maluk eeko nogogurak paga kanggwi alom ninoba wigak yereegerak me, kanggo monggoorak.

Oroma 5:15

Ala nen onggo lek we aret wo'niragagerak nogo ti, at Aram nen Ala oone taganogo punuk, maluk eereegerak ndak-ndak lek o. At Aram alik nen maluk eereegerak paga, nit aakumi abok aret kanggo monggoorak ti iya negen kwe, aap alik ambi Yetut Keritut ninabuwa nen ninake eereegerak paga Ala iniki kunik en nit yi aakumi ndi aakumi abok aret onggo lek we aret obeelom eeppinanege menggerak nogo ti perak, mondok iya o!

Oroma 5:19

Aap ambi nen Ala yoreegerak ndak-ndak eerulik maluk eereegerak paga nit aakumi abok maluk eeko nogogurak nogo kwak, yogondak togon, togop aret aap alik ambi nen Ala oone liirogon eereegerak paga nit aakumi abok aret obeelom agago pinanikit nduk eereegerak kogo o.

Oroma 6:14

Ala nen Muta yoreegerak wone nogo kit ambinom eeko logorak kinombake lek o. Ata, iniki kunik en onggo lek we aret obeelom eeppinagage kagak eeko monggotak me, kit yogondak maluk ayeloman wonogwe lek aret o.

1 Korindut 15:22

Nit abok Aram ninom kunik logonet, kanggo monggoorak ti kwak, nit aakumi abok Keritut ninom kunik logonet kanggwi kenok perak, mondok nineenik logowok nduk, mippinanigin o.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

1 Yaya 2:20

Kit perak, aap ambi eeke logowak nduk, leenogo punuk amburu kilippogo mengga kwak, at maluk eekeelik alik leenak menggerak nogo nen, kit leenogo pinaganuk, Aberiniki wokkiragagerak me, wone abe wone mamunggirage nogo, kit abok kineenu aret kiigi o.