Oroma 4:5 - Ala Wone Peenok Peebi Mbanak

⁵ Kit nen, “Ala nen obeelom agago panuwak nduk, nonggop eeri?” mbaka'lek logonet, it maluk eekwi obeelom agago piige menggerak Ala nogo, kiniki oba panggombunuk abet mbakwi kiinok, kit abet mbakwi ti paga Ala nen, “Kit obeelom aret kiigi o,” yinuk, yokkiraagin o.

Oroma 4:5 ပူးပေါင်းရင်းမြစ်များ

Abakuk 2:4

Ndi, wone eebe liiru mbaniyak nogo yi aret. It aap iniki koonak lek nggolawe nogo iniki wogoppako menggaarak kwe, It aap iniki abe koonak nogo perak, abet mbakwi ti paga ineenik aret logogun o,” yinuk, an yo'negerak o.

Marakut 9:23

Yoge mbareegi, at Yetut nogo nen, “Eeriyak op mbake keenok, eeriyak o, yo'negendak ti, aakumi abet mbakwi paga nen ambi eeriyak mbakwi kenok, eeriyak lek ti lek. Eeriyak aret o,” yoreegerak.

Yaya 5:24

Yorage nagagerik, ambinom yorage logonet, “It aap an noone konembogo nagaatik, iniki at nappani wagagerak nogo oba panggombunuk, abet mbakwi nogo ti, mondok-mondok ineenik aret logogun o. Ndi, it aap ti, kanggo menggam nen ineenik eeginake menggim muk unggwi wogogwaarak me, Ala nen inowak loonogo maluk onggo eeppiyaagin lek o, yinuk, mondok abet aret yokkiragi.

Yaya 6:29

Yogo mbareegwa, at Yetut nen, “Ala nen eeriyak mbake nogo ti, at nappi wagagerak kiniki oba panggombunuk, abet ombakwi nogo aret o.”

Oroma 10:3

Ala nen aakumi obeelom agago piige menggerak wone liippega'lek logonet, “Nit ninalik nen obeelom eekkolaawok,” mba'nuk, Ala obeelom agago piyoorak wone nogo, “Waawi o,” yinuk, wagangga'lek aret wonogogwaarak.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 4:24

Ata, nit abok ninake aret yereegerak o. Nit obeelom agago pinanuwak nduk, ninowe Yetut kanggo menggam nen eenik eerogo mippereegerak abet mba'nuk niniki at oba panggombugwi nogo abok ninake aret yereegerak.

Oroma 4:6

“Aap ambi nen, An obeelom eekkola, yinuk, mbaka'lek kagak, Ala nen mban obeelom agago pege kenok, at ale'nggen aret mbake logogin o,” yinuk, at Ndawut nen yereegerak nogo ndak-ndak aret yokkirage agarik o.

Yotuwa 24:2

Yotuwa nen it aakumi Iterali apit aret yorage logonet, “At Aliku Iterali inogoba Ala nen ari logonet, O maan togon kinombomini Abarakam awuluk Nakot imbirak inogoba Tera inom niyo Eparat enebagan time logonet, an Ala nalut eekwi nobaane'me kugi eerit nogo nogogwaarak.