Oroma 4:2 - Ala Wone Peenok Peebi Mbanak

^2-3 At eereegerak paga Ala nen, “Aap yi, oba lek o,” yinuk, obeelom eeppenetak nen, ti paga panggombunuk wogoppatiyak kwe, “At Abarakam iniki at Ala oba panggombunuk abet mbareegerak paga obeelom agago pereegerak o,” yinuk, Ala wone liiru mbanak wonage ti paga, Ala nen aret eeppereegerak kogoorak me, Ala enggaanom paga at wogoppatiyak ti meek o.

Oroma 4:2 ပူးပေါင်းရင်းမြစ်များ

Wakkagagerak 12:18

Nappi wagagerak andi eeginabit nage mbareegi, at aap endagembogut nogo nen Abaram wiireegerak wage mbareegi, yoge logonet, “Kat nen, Nakweeluk, yagambok, Nawuluk, yagandak paga, An kolaakit, mba'nuk, name pi wagarak me, kat nonggop nduk, An nakwe aret o, yuulik eekendak ti paga an maluk eeppanegendak o. Kat kakwe aret me, ko'nok nak o.”

Wakkagagerak 12:20

Yoge nagagerik, at awuri nogo yorage logonet, “At Abaram ti, ame nawak nduk, nappi nanip o,” yorage mbareegi, at awuri nogo nen at Abaram akwe inom, amindik-amendek inom, abok aret wogoren nappiya wogogwaarak.

Yetikiyen 8:9

Kage mbareegi, at nen an yo'nege logonet, “Akem time maluk mendek eerit nugwi, ogole warak mendek eekwi, eekwi nogo kaanok nduk, unggwi nak o.”

Oroma 15:17

Togop me, Keritut Yetut nimbirak kunik logonet, Ala ake eerit nage me, niniki ale'nggen mbake agarik o.

1 Korindut 1:31

Togop me, “Aap ambi nen wone tiyappuurak mbake kenok, ninowe eeppinanege menggerak wone nogo mban tiyappogo logowok o,” yinuk, yereegerak liiru mbanak ndak-ndak at mban wogoppogo logonip o.

1 Korindut 4:7

Nit aakumi tiyak-tebek logowok nduk, ta nen koonogo pinanege menggerak mbakop? At nen wokkiraga'lek kit nen mban kologogutak ambi ngge porogo ogotik? Ndi, at nen mban wokkiragagerak kagak, nonggop nduk, kinalik nen kologogutak negen eekko'nok iya-piya eekkologo ogotik?

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

2 Korindut 11:12

An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

2 Korindut 11:30

An eeke minggirak mbininogo yokkirage nogo ti, an obeelom eeke minggirak paga wogoppake logonet, yokkirage lek o. Ata, an neebe abu ninggin yinuk-punuk aago logonet, eeke minggirak nogo mbininogo yokkiragi o.

2 Korindut 5:12

Nit wone yokkirogwe ti, nit iya me, kit wo'ninabubagip nduk, ambinom yokkirogwe ti lek o. Ata, it inobaabut liippiiga'lek logonet, inetenggen liippunuk mban iya mbakwi nogo nen ninabok mbanggwi iinok, kit puk arugup o. Ata, “Ninogobamini aret me,” yinuk, ninaana'le mbanggo logobagip nduk, yokkirogo ogoorik o.

Nggalatiya 3:22

lek me, Ala nen eeppinaniyak yoreegerak nogo, nit niniki Yetut Keritut abet mbakwi paga eeppinanuwak nduk, tokkogo logonet, “It yi aakumi ndi aakumi abok aret maluk eeko menggaarak paga wam anggenogona narak negen wonogwe,” mbaruwak nduk, Ala nen yereegerak liiru mbanak wonage.

Epetut 2:9

Kit nen ambi eekkologwe paga wogoppakwi kiyo, at nen mban onggo lek we aret eeppinagareegerak.

Yotuwa 24:2

Yotuwa nen it aakumi Iterali apit aret yorage logonet, “At Aliku Iterali inogoba Ala nen ari logonet, O maan togon kinombomini Abarakam awuluk Nakot imbirak inogoba Tera inom niyo Eparat enebagan time logonet, an Ala nalut eekwi nobaane'me kugi eerit nogo nogogwaarak.