Oroma 4:19 - Ala Wone Peenok Peebi Mbanak

¹⁹ At Abarakam nen at eebe pekkolage logonet, “An nda'nagagirak neegak, tahun 100 aret ariyak age me, abu kambuurak negen ee'nake, ndi, nakweeluk Tara nogo kunduk, ndariyak meek aret age, eeke kagi,” mbake logonet kwe, iniki yungguppegak eerulik abet aret mbareegerak me,

Oroma 4:19 ပူးပေါင်းရင်းမြစ်များ

Wakkagagerak 17:17

Yoge mbareegi, at Abarakam nogo enete wanduk nggween paga wambunuk, inikime nen ari logonet, “Aap ambit-ambi tahun 100 eekerak kagak apuluk ndariyak op mbakop? Ndi, at Tara kunduk, ndarak kagak tahun 90 eekerak me, aagaluk ambi ndariyak op mbakop?” yinuk, i'ndok kambeegerak.

Matiyut 14:29

Yoge mbareegi, “Mok o,” yoreegerak. “Mok o,” yoge mbareegi, at Peterut nogo yiiro paga nen wungge nagagerik, yi ogombaga iyok pit Yetut owagam nagagerak.

Matiyut 14:31

Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Matiyut 6:30

Iri'ngga-kale'ngga endekem mendek yogondak ki lagangge, ndi, ko'lu tekkani pugwi iinok, nengge, eeke menggerak kwe, at Ala nen enete abe eerogo pege menggerak me, at nen iri'ngga nogo mbuuluk eeppege, ndi, kit aap kiniki Ala liirogon abet ombaka'lek mendek yi, mondok iya negen eeppinagage, eerigin lek mbakop?

Matiyut 8:26

Yogo mbareegwa, Yetut nen, “Kit kiniki liirogon abet nombaka'lek monggotak yi, nonggop nduk kinagabiti yogo ogotik?” yorage nagagerik, mi'na'nuk, o wiya inom, yi kilaarak-mogonik eeke inom, mberege mbareegi, abolok abu lek puk aret agagerak.

Oroma 14:21

Kinoreewi iniyogobit lik togon yigeebu wuppiyookwak, kit wam nunggwi, anggur amburu nunggwi, yi mendek ndi mendek eeko monggotak abok aret eekwi, eeka'lek puk logorak op aret o.