Oroma 4:14 - Ala Wone Peenok Peebi Mbanak

¹⁴ Ala nen Abarakam abok yoreegerak wone nogo, Ala nen Muta yoreegerak aakumi nen eekwi nogo, unde eeppiyanetak nen, it abet mbakwi paga unde aruwok mbakwi nogo ti, we aanom warogo aret mbako logonetak. Ndi, Ala nen abok yoreegerak wone nogo, ti kunduk we aanom warogo aret yoreegerak mbako logonetak.

Oroma 4:14 ပူးပေါင်းရင်းမြစ်များ

Ndawi 119:126

Kaliku ALA wae. Koone yugu Muta liiru mbaneegerak nogo Tagambunuk alik eekwi me, Kat eeppiyoorak eyom muk panggoni wagaarak wonage o.

Yetaya 55:11

Wone an nambe me nen wumbege minggirak ti, togop aret menggerak o. Wone an nambe me nen wumbege minggirak nogo ti, yungguk togon we aret neya wageelik o. An eeriyak mbake nambe me nen wumbege nogo abu ndak-ndak aret arit nage, Ndogop aruwak o, yinuk, wumbege minggirak nogo a'me lik togon aret age, Eerigin o.

Yeremiya 19:7

O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Linggineegwaarak 30:12

Togop eeriyak kwe, ogonggelo nen akwe yemenggerak nogo aruk konengge logomenggerik, Nakwe togop eerigin lek o, yinuk, ari kenok, akwe nen kumbuk mbangge ilik? wone abuk nggaruk togon koonogo pege a? eeremenggerak nogo, eeka'lek mbo puurak op aret o. At ogonggelo nen lek eerogo pemenggerak me, Aliku ALA nen akwe ti, maluk yorigin lek, teppigin o.

Linggineegwaarak 30:15

Ndi, yemenggerak aruk konembunuk, Eeriyak, ilik, Eeriyak mage, a, yinuk, akwe mbet-mbet yoga'lek ti paga akwe wone koonogo pemenggerak eeka'lek kenok maluk oba ariyak nogo, akwe oba arigin lek at ogonggelo oba lombok aret oba arigin, yegerak me, yokkiragi o,” yinuk, yoragagerak.

Oroma 3:31

Ti kenok, nit abet mbakwi ti paga nen wone Muta yoreegerak nogo taganogo pugwi mbakop? Lek o. Wone ti aret omaawi eerogo pogo ogoorik o.

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

1 Korindut 1:13

Kit togop yogwe ti, at Keritut eebe mbere-kenagan wonage me nduk, yogo ogotik? An Pawulut kinake eyo karo-karo paga nooreegwaarak mbakop? Ndi, kit an nendage paga niyome wambeegutak mbakop? Mondok lek o.

Nggalatiya 2:21

Wone Muta yoreegerak nogo, nit eekwi paga, “Aap yi, oba lek o,” yinuk, obeelom eerogo pinaniyak op mba'netak en, Keritut we aanom warogo ninake kambeegerak mba'netak o. An mbo pereegirak nogo obaane'me eeke paga Ala iniki kunik en eeppinaniyak kooneegerak nogo, meek eerogo pukwak, an togop eerigin abu lek o, noreewi.

Nggalatiya 5:4

Wone Muta yoreegerak nogo, eekwi paga, “Noba lek, neyaawak o,” yinuk, obeelom eekkoloorak mbakwi nogo, Keritut kinom ogookkologwe me, Ala iniki kunik nen eeppinagarak kooneegerak nogo lek eerogo pako ogotik.

Iberani 7:28

Wone Muta yoreegerak ndak-ndak eeko logonet, it aap nggween paga mendek kagak Ala unde inowe nggwok logowak nduk, mippiigo menggaarak kwe, Ala nen at aput mippege logonet, endage kunogo yoreegerak nogo ti, wone Muta yoreegerak nogo aa'nduk kagak peebi yoreegerak me, at aput iniki mondok koleewak Ala unde ninowe nggwok ninake eeke logowak nduk, mippereegerak.