Oroma 4:12 - Ala Wone Peenok Peebi Mbanak

¹² Ndi, inagabolo mbanak ti kunduk, inombo Abarakam aret. We inagabolo mbanak ti paga inombo lek o. Ata, at Abarakam nen agabolo mbangga'lek kagak iniki Ala oba panggombunuk abet mba'nuk, eeke nagagerak nogo, nit togon ndak-ndak abet mba'nuk eekwi niinok ti, ninombo Abarakam aret o.

Oroma 4:12 ပူးပေါင်းရင်းမြစ်များ

Ayup 33:11

Eyo eno pelenak me, niyok nonggonogo panege, Yiru-ndiru nage me, enegen wo'neren nage, Eeke agaarik o, Yinuk, ari keegirak o.

Ndawi 47:9

Aap nggween paga inoweewi inendagembogut abok aret Inowe endagembogut at aret me, Aap Abarakam ogoba Ala apuri kuwak eeri wogwe iigak, It yi o ndi o unde menggaarak Nagawan-nagawan inom abok aret Kuwak eeppunuk, At mban endage mondok iya tiyappogo agaarik o.

Kini Wuppiige 2:20

Togop aret me, naput yi wae. It aap abe eerit nogo mengga kwak eerit nage, Aap iniki abe tu nogo menggaarak paga mban nage, Eeke logot o.

Ndawi Iya 1:8

Kumi inenggela'me kolaga abu kigirikwe lombok kat yi, Kat keenggo'lek kenok, ndomba iniyok pit nogwe nogo muguren nage, Ndomba ndegeninaka inawooliya wurik me koorok time kaanggumi kambin inaagalogwe nogo ndegeninabit nage, Eeke logot o.

Yetikiyen 33:24

“Aakumi nen ndarak yi wae. It aakumi o langgu-langgu wambeegim Iterali inanggween paga wonogo logonet, Abarakam alik aret kagak nggween yi abok aret at unde eeppatinuk logowak nduk, wogoreegerak kwe, nit nineebe ambik lombok me, nggween yi, nit unde eeppatinuk logowok nduk, wo'niragagerak kogo o, yinuk, yogwe me,

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

Oroma 4:13

At Ala nen, “Kat Abarakam kombowologwe kinom yi awi ndi awi nggween unde arumunggup o,” yinuk, abok yoreegerak nogo ti, Ala nen Muta wone yoreegerak nogo woppunuk, eerit nage paga yoreegerak ti lek o. Ata, at Abarakam Ala abet mbareegerak paga, “Kat obeelom aret keegi o,” yinuk, abok yoreegerak.

2 Korindut 12:18

At Titut Ala apuri inake pugu kuwak eerit woraawak nduk nappi wage logonet, ore ambi imbirak nappiya wagarak nogo ti, abet aret nappiya wagarak kwe, kit kuwak eerogo pogotak nogo, Titut ando waganggerak mbakop? Woolik aret me, nit yeenggwaagirogo logonet, niniki ambit koombunuk, eeko monggoorak lek mbakop? Lek o. Niniki ndak-ndak ambit aret koombunuk, eeko monggoorak o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.