Oroma 4:11 - Ala Wone Peenok Peebi Mbanak

¹¹ Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

Oroma 4:11 ပူးပေါင်းရင်းမြစ်များ

Wakkagagerak 17:24

At Abarakam nogo ndarak kagak tahun 99 eereegerak paga at agabolo mbangge,

Ndawi 47:9

Aap nggween paga inoweewi inendagembogut abok aret Inowe endagembogut at aret me, Aap Abarakam ogoba Ala apuri kuwak eeri wogwe iigak, It yi o ndi o unde menggaarak Nagawan-nagawan inom abok aret Kuwak eeppunuk, At mban endage mondok iya tiyappogo agaarik o.

Wundeegwaarak 12:13

Inoorit nage logonet kwe, it an napuri Iterali perak, an neenu agak amiya iname paga labunik nenegen kage logominggirik, inooka'lek iname obaga mbo nanuk aakumi Metit mendek mban inoorit nagin o.

Wundeegwaarak 31:13

“Aakumi Iterali yoroorak nogo yi aret. Nogo 6 yippunuk ko'lu paga ti, an nake leenogo pateegirak me, it nen mondok liirogon abeko logonet, nayuk wuko logowak o. Togop aret me, it leenogo piige minggirak Naliku an ALA aret ineenu ogo logowak nduk, an inom, it inom, inapuri ndaganabit wundi namenggaarak inom, wone ti, aberak logonet, nayuk wukwi paga it ninom niniki kunik wonogwe neenu arigin o.

Wundeegwaarak 31:17

An inom, aakumi Iterali inom, mondok-mondok abeko logowok nduk, Naliku an ALA nen ne 1 nen nok ne 6 kuli mbogut-nggween wakkage nagagirik, ko'lu paga yabu eeka'lek we puk tat yonggonggolage wonagagirak nogo it aberak wonogwe iinok, an it ninom niniki kunik wonogwe neenu arigin, yegerak, yoret o,” yinuk, yoreegerak.

Yetikiyen 20:12

Naliku ALA an nen aret it leenogo piyareegirak nogo ineenu ogwe, wone ninom yereegurak nogo abekwi, eeko logowak nduk, ineenu agak nogo 6 yippunuk, nogo 7 paga yonggonggologo logorak wone nogo kunduk yoragagirak.

Yetikiyen 20:20

ndi, nogo 6 yippunuk, ko'lu paga yonggonggologo logorak leenogo pateegirak ti, kit ninom wone yereegurak abekak aret me, eekwi, eekwi kiinok, Naliku kinogoba Ala an aret kineenu arumunggup o, yinuk, yoragagirak.

Matiyut 16:16

Yorage mbareegi, at Timon Peterut nen, “At eenik menggerak Ala aput Mesias nogo kat aret o.”

Matiyut 8:11

Aakumi ambik agi-ogu nen wogo logomenggaarik, Abarakam kunduk, Itak kunduk, Yakup kunduk, inom at mbogut paga mendek abu'me piige menggim laago larak noorak nduk, kuwak ari nagun kwe,

Lukat 19:9

Yoge mbareegi, at Yetut nen, “Kat kunduk Abarakam ombooluk aret me, kat kapuri kinom yogondak aret kinagap ndakkologop o.

Yaya 3:33

At paganogo yorage nogo, it aakumi nen waganggwi paga Ala abet aret ari menggerak tena'me pogo menggaarak.

Yaya 3:36

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

Yaya 6:35

Yogo mbareegwa, Yetut nen, “Mbi ineenik eeginake minggirak an aret o. Kit ambi nen an nowagam wogwe kiinok, abu eekkinabigin mondok lek o. Ndi, kit kiniki an noba panggombunuk, abet nombakwi kiinok, yi abu eekkinabigin mondok lek mban.

Yaya 6:40

An nogoba nen eeriyak mbake nogo ti, Ala aput an kinigen liippaninuk, kiniki noba panggombunuk, abet nombakwi kiinok, mondok-mondok kineenik logorak mbake menggerak ti aret o. Ndi, peebi o age wobok paga an nen kineenik agago mippinagagin o,” yinuk, yoragagerak.

Yaya 6:47

Kit kiniki noba panggombunuk, abet nombakwi kiinok ti, mondok-mondok kineenik aret logomunggup o, yinuk, abet aret yokkirage agarik o.

Yaya 8:33

Yorage mbareegi, it nogo nen at yogo logonet, “A puk! Nit Abarakam ombowologwe niigak, aap ambi abu'me pinanugo logolik me, kat nen, Wondet eerogo pinagagin o, yagandak ti, nonggop togon yo'nirage agandik o?”

Oroma 10:11

“Aap ambi iniki at oba panggombege kenok, enggali arigin lek o,” yinuk, yereegerak liiru mbanak nogo ti,

Oroma 10:4

At Ala nen Muta yoreegerak wone nogo at Keritut nen a'me lik togon agago pereegerak me, nit aakumi abok niniki Keritut oba panggombunuk abet mbakwi niinok, obeelom agago pinanege menggerak.

Oroma 10:6

Abet mbakwi paga obeelom eerogo pinaniyak wone nogo ti, Ala nen, “Kiniki koonggo logonet, Keritut wonok wambi woraawak nduk, ta nen mbogut paga lagi nage, ndi, Keritut wonok lagi woraawak nduk, ta nen aakumi kanggo menggam wambi nage, eerigin o?” yinuk, liiru mbaneegerak o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 3:26

Togop eereegerak paga, at nen o yogondak irip kunduk eeppinanege, ndi, nit aakumi niniki Yetut oba panggombunuk abet mbakwi niinok, “Aap yi, oba lek o,” yinuk, obeelom agago pinanege, eeke kaawok nduk, eereegerak me, yokkiragi o.

Oroma 3:30

At Ala ti, ambit aret me, inagabolo mbanak mendek inom, mbanak lek mendek inom, iniki abet mbakwi paga mban, “Aap yi, oba lek o,” yinuk, obeelom agago piyaagin o.

Oroma 4:10

Abarakam nonggop kagak Ala nen obeelom eeppereegerak mbakop? At agabolo mbangga'lek kagak obeelom eeppereegerak ilik, mbanak kagak obeelom eeppereegerak a? Mbanak kagak lek o. Ata, mbangga'lek kagak aa'nduk aret obeelom eeppereegerak o.

Oroma 9:30

Ti kenok, nit wone ngge yuwok o. It endekem konenggulik mendek nogo at Ala nen obeelom agago piyaawak nduk eekkologo logolik o. It abet mbareegwaarak paga obeelom agago piyareegerak kwe,

Oroma 9:6

It aakumi Iterali mendek nda'nogogwaarak nogo abok aret Iterali mendek lek o. “Iterali mendek lek,” yokkirage ti, “Ala nen Abarakam abok yoreegerak nogo, mbeyok yereegerak o,” yinuk, an yokkirage lek o.

2 Korindut 1:22

Wam kugi aanggo yelok kogo logowak nduk, aruk nggaganogo pogo mengga kwak, nit Ala apuri leenak yelok niigo logowak nduk, eerogo pinanege, ndi, “Eeppinagagin,” yereegerak nogo, “Peebi abet aret eeppinanigin,” mbaruwok nduk, Aberiniki ninikime yilinogo mambinanege, eereegerak.

Nggalatiya 3:22

lek me, Ala nen eeppinaniyak yoreegerak nogo, nit niniki Yetut Keritut abet mbakwi paga eeppinanuwak nduk, tokkogo logonet, “It yi aakumi ndi aakumi abok aret maluk eeko menggaarak paga wam anggenogona narak negen wonogwe,” mbaruwak nduk, Ala nen yereegerak liiru mbanak wonage.

Nggalatiya 3:29

Ndi, nit Keritut apuri abet aret wonogwe kenok, Abarakam ombowologwe aret me, wone abok yoreegerak nogo, nit aret woorak nduk ogoorik o.

Nggalatiya 3:7

Liiru mbanak ti ndak-ndak, it aakumi abet mbakwi nogo mban Abarakam ombowologwe wonogo menggaarak kogo o.

Nggalatiya 5:5

Nit abet mbareegurak nogo paga Aberiniki nen eeppinanege kagak, Ala nen, “Aap yi, iniki abe koonak aret o,” yinuk, obeelom agago pinaniyak nogo, “Mbet-mbet eerogo pinanuwak lak ao,” yinuk, niniki lunik logonet, tokkogo ogoorik o.

Nggalatiya 6:16

It wone ti paga panggombunuk, eerit nugwi nogo inom, ndi, Iterali mendek kwe, it abet mbakwi paga Ala apuri ogwe nogo inom, yi aakumi ndi aakumi abok aret Ala nen inabuwa mbake logonet, inomaluk mbo nappunuk iniki ugun tayenak ale'nggen logowak nduk, eeppiige logogin o.

Epetut 1:13

Kit kinagap ndariyak Ala ari menggerak obeelom wone nogo, konembunuk, abet mba'nuk kiniki Keritut oba panggombogo mbareegup, wam yelok kaawak nduk, aruk nggaganggo mengga kwak, kit Ala apuri alik leenak yelok logobagip nduk, Aberiniki wo'niroorak koonogo pereegerak nogo, kit kunduk wokkiragagerak.

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

Wayu 9:4

Inomaawi eeppiige nagaarik, yorage logonet, “Iri'ngga-kale'ngga inom, igale inom, yi mendek ndi mendek ki wonage nogo abok aret kineyak lelenogo nenet nogo logorak mage o. Ata, it aakumi Ala nen amburu inenggaawak paga labumbiyoolik kenok mban kineyak mbaninabit nogo logonip o.