Oroma 3:9 - Ala Wone Peenok Peebi Mbanak

⁹ Togop me, nonggop yuwok o? Nit Yakuri mban iya, ndi, it aakumi endekem konenggulik mendek ti, meek, mbakop? Mondok lek o.

Oroma 3:9 ပူးပေါင်းရင်းမြစ်များ

Kini Wuppiige 20:9

“An niniki abu kikak naka'lek wonage. An noba mbeenogo pakirak me, maluk eeka'lek wonage,” yinuk, Aap ta nen yuurak op mbakop?

Lukat 7:39

“Aap Pariti, Yetut nimbirak mbi noorak,” yoreegerak nogo nen kwe nogo eeke kage nagagerik, iniki mbake logonet, “Kwe yi, maluk eeke menggerak me, aap yi nogo Ala nen yoge kagak yoraga mendek abet aret logonetak en, Kwe yi maluk eeke menggerak nen aret pi'nake kagi, yinuk, ti maan yelok kaanetak,” mbareegerak.

Oroma 1:18

It aakumi maluk eeka nen Ala wone ineebi mba'nuk, maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Oroma 11:32

At Ala ninabuwa nen teppinangge menggerak nineenu aruwok nduk, nit aakumi abok aret, “At oone woorak nineebi,” mba'nuk, alik eeko logowok nduk, keele maarogo negen pinaneegerak o.

Oroma 11:7

Ti kenok, it Iterali ti, nonggop o? It Iterali abok nen, “Nit obeelom agago pinaniyak nduk, nonggop eeruwi o?” yinuk, eekaatak mendek, eeppiiga'lek aret wonagagerak kwe, it ando mbuuluk miirinabeegerak nogo mban obeelom eeppiige nagagerik, it ando apit aret iniki omaawi agago piyareegerak.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Oroma 3:1

Ti kenok, it Yakuri mendek ti, we aret leenogo piyareegerak mbakop? Ndi, inagabolo mbanggwi ti, we aret mbaniyak yoragagerak mbakop?

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Oroma 3:5

Nit abe koonak eeka'lek maluk eekwi paga nen Ala abe koonak mban eeke menggerak yelok kogwe kenok, nit nonggop yuurak mbakop? “At Ala anini nen maluk ee'ninake ti, at liippinanega'lek logonet, eeppinanege menggerak kogo o,” yinuk, togop yoriyak op mbakop? An yagi ti, aakumi yogo mengga kwak yagi o.

Oroma 6:15

Togop me, nonggop eeruwok o? Ala nen Muta yoreegerak wone nogo, nit eekwi lek o. Ata, Ala iniki kunik en onggo lek we aret obeelom eeppinanege kagak eeko monggoorak me, nit maluk eeko logorak op mbakop? Mondok lek o.

Oroma 7:14

Wone Muta yoreegerak ti, Ala nen aret yoreegerak nineenu kwe, an perak, aakumi aret o. Aap ambi ayeloman onggo mbanggetak me, at oone konembunuk mban eeke menggi kwak, an togop aret maluk eeke logokit nduk maluk ayeloman aret agagirak o.

1 Korindut 10:19

An wone ti ngge nduk yokkirage mbakop? “Obeelom eekkolaabagip nduk, kugi aanggo warogo nonggo logonip o,” yinuk, yokkirage mbakop? Ndi, “Maluk eekkinake kero, kugiwak amili kunggo logonip o,” yinuk, yokkirage mbakop?

1 Korindut 14:15

Ti kenok, an tamban nonggop eeke logi o? An tamban eeke kenok, niniki kobak logonet, ambi inoone lalin negen woppunuk, eerigin lek o. Niniki nen abeppunuk, aakumi inoone paga aret eeke logogin o. Ndi, ndawi ari kenok, aakumi inoone lalin negen woppunuk kobak logonet ari logogin lek mban. Niniki koombunuk nen aakumi inoone yogo menggaarak nogo paga kin aret ari logogin o.

1 Korindut 4:7

Nit aakumi tiyak-tebek logowok nduk, ta nen koonogo pinanege menggerak mbakop? At nen wokkiraga'lek kit nen mban kologogutak ambi ngge porogo ogotik? Ndi, at nen mban wokkiragagerak kagak, nonggop nduk, kinalik nen kologogutak negen eekko'nok iya-piya eekkologo ogotik?

Nggalatiya 3:10

Ala nen ari logonet, “Aap ambi eeko logorak wone yugu liiru mbanak yi, porogo logonet, liirogon eeka'lek kenok, at pulinik aret logowak o,” yinuk, yereegerak liiru mbanak ndak-ndak it aakumi nen, “Nit obeelom agago pinanuwak nduk, wone Muta yoreegerak nogo ndak-ndak aret eerit nogo logowok o,” yinuk, wone ti paga iniki panggombunuk eeremenggaarak kwe, ndak-ndak eeriyak meek kenok, pulinik aret me, kambit nogo logogun aret kogo o.

Nggalatiya 3:22

lek me, Ala nen eeppinaniyak yoreegerak nogo, nit niniki Yetut Keritut abet mbakwi paga eeppinanuwak nduk, tokkogo logonet, “It yi aakumi ndi aakumi abok aret maluk eeko menggaarak paga wam anggenogona narak negen wonogwe,” mbaruwak nduk, Ala nen yereegerak liiru mbanak wonage.

Pilipi 1:18

Togop agan nogwe iinok ti op mban aret o. It iniki laakot nombako logonet yorogwe a, iniki obeelom paga yorogwe a, nogo ti, Keritut wone mban aret yorogwe me, “Op mban aret o,” yinuk, niniki ale'nggen mban mbake minggirak me, yogondak togon niniki ale'nggen aret agarik o.