Oroma 3:7 - Ala Wone Peenok Peebi Mbanak

⁷ An pilit wone ari minggirak paga nen at Ala abet mban ari menggerak kenom eeppege neenok, aakumi nen at tiyappugwi me, Ala nen, “Kat maluk eeke me, maluk onggo eeppagagin o,” yinuk, nonggop togon an yo'niriyak mbakop?

Oroma 3:7 ပူးပေါင်းရင်းမြစ်များ

Wakkagagerak 37:20

“At abi kegerak nogo, Nonggop age kaamun? Liippuwok nduk, eebe mondok warogo mbuun ambe ambime wuppunuk, Nggeewo ta'ngge aakumi nibininaka nogo nen nenggerak, yuwok o,” yinuk, yereegwaarak.

Wundeegwaarak 14:30

Ne ti eyom paga at Aliku ALA nen aakumi Iterali nogo it Metit mendek ineenggime nen inagap ndarogo piyareegerak wonogo logonet, it Metit mendek ineebe kambit nogogwaarak niyo aa'nggi paga wumbiinet wagagerak wonogwe iyareegwaarak.

Wundeegwaarak 14:5

Eeko mbareegwa, it aakumi Metit mendek nen, “It aakumi Iterali o Metit mbo punuk, mbaganit nogo agaarik o,” yinuk, aap Metit mendek endagembogut Pirawun nogo yogo mbareegwa, at Pirawun inom, awuri wone koongga inom, iniki alik koonggo nogogwaarik, yogo logonet, “Nit ninayeloman tebembiirogo monggoorak nogo, nawak nduk nonggop nduk teppiigo o?”

Wundeegwaarak 3:19

Yorumonggotak kwe, aap ambi eenggi omaawi ambik paga eeppega'lek kagak, E o, yokkiraagin lek ti, neenu aret me,

Matiyut 26:34

Yoge mbareegi, at Yetut nen, “Yogondak oonikiya yi paga ayam oone awo yaga'lek kagak, kat ne kenagan paga, Yetut ti, neenggo'lek, yumunggun o, yinuk, abet aret yokkigi o.”

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Oroma 3:4

Lek o. Eeppiyaagin aret o! “Eekirak onggo eeppaniyak nogo ti, op aret mbake, Ndi, nowak loonogo punuk, aaninggin noba paniyak mbake nogo ti, a'me nggelok aret eeppanumunggun, kombake, Eeke agarik o,” yinuk, yereegerak liiru mbanak ndak-ndak it aakumi abok pilit wone yogo menggaarak kwe, Ala perak, abet mban ari menggerak o.