Oroma 3:4 - Ala Wone Peenok Peebi Mbanak4 Lek o. Eeppiyaagin aret o! “Eekirak onggo eeppaniyak nogo ti, op aret mbake, Ndi, nowak loonogo punuk, aaninggin noba paniyak mbake nogo ti, a'me nggelok aret eeppanumunggun, kombake, Eeke agarik o,” yinuk, yereegerak liiru mbanak ndak-ndak it aakumi abok pilit wone yogo menggaarak kwe, Ala perak, abet mban ari menggerak o. အခန်းကိုကြည့်ပါ။ |
Oroma 3:4
33 ပူးပေါင်းရင်းမြစ်များ
Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.
Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.
Ndi, an aap aret nda'nagagirak nogo, mbi inom, anggur amburu inom, nenet wagarak me, kit nen yogo logonet, At mbi inom, anggur amburu inom, ugun lagap mban agan nege, it o unde inake wu kuwak eeka inom, it aap maluk eeka inom, iniki kunik eeginake, eeke yi, kaanip o, yinuk, yo'nogo monggotak kwe, Ala iniki warak nen koonit nage nogo ti, it eeko menggaarak abok aret eekwi paga obeelom aret kogo logogun o,” yinuk, yoragagerak.
Togop me, ne ambi paga yokkira o. It Iterali mendek nen iniyogobit lik togon eegirage mbareegi, Ala nen peebi wogonaburak lek mondok ambokan mbo piyareegerak mbakop? Ti lek o. It Iterali mendek Ala wone taganeegwaarak paga Ala nen it endekem konenggulik mendek inagap ndake kenok, it nen, “Nit togon ninagap ndariyak kwe, it mban ndaganake, ao!” mbaruwak nduk, eeginabeegerak.
Ndi, noorogo negen paneegerak nogo ti, wone yugu obeelom nogo nen an noorogo negen paneegerak mbakop? Abu lek o, noreewi. Ata, an maluk eeriyak ee'nake nogo ti, maluk aret yelok kaakit nduk, wone obeelom yugu nogo nen, “Kit maluk eekwi kiinok kambumunggup o,” yinuk, yereegerak nogo paga kambigin neenu agagirak me, “Eeriyak mage,” wone yugu nogo ti paga, “Maluk eekwi ti, abu maluk aret me, kambigin aret kagi,” mbarikit nduk, yo'nirage menggerak kogo o.
Ti kenok, nit wone nonggop yuwok mbakop? Ala wone yugu Muta liiru mbaneegerak nogo ti, maluk aret mbakop? Mondok lek o. Wone Muta yo'netak lek en, an maluk eeke minggirak neenu a'netak lek o. Wone yugu ti paga nen, “Uugwe-uugwe eerugup o,” yenetak lek nen, an uugwe-uugwe mbake ti, neenu a'netak lek o.
Keritut niniki abet mbakwi paga, “Aap yi, oba lek o,” yinuk, nit obeelom agago pinanuwak nduk, eeko logonet, “It aakumi endekem mendek maluk eeko menggaarak ndak-ndak, nit eeko monggoorak kogo o,” yinuk, mbako logonet, “Keritut abet mbakwi wone nogo paga ninomaluk kenom agagerak me, Keritut ti maluk aret o,” yinuk, yuurak op mbakop? Mondok mage o, noreewi.
Wone Muta yoreegerak nogo, nit eekwi paga, “Aap yi, oba lek o,” yinuk, obeelom eerogo pinaniyak op mba'netak en, Keritut we aanom warogo ninake kambeegerak mba'netak o. An mbo pereegirak nogo obaane'me eeke paga Ala iniki kunik en eeppinaniyak kooneegerak nogo, meek eerogo pukwak, an togop eerigin abu lek o, noreewi.
Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.
Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.
At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.
Nit niniki Ala aput oba panggombunuk, abet mbakwi niinok, ninikime nen, “Yi Ala aput abet aret waganggoorak kogo o,” yinuk, mbako logogun o. Ndi, it Ala abet mbaka'lek logonet, at aput iniki oba panggombunuk, abet mbaruwak nduk, paganogo yoragagerak nogo, abet mbaka'lek me, Ala pilit pugungga negen agago pogo logogun o.
At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.
“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,
ကြော်ငြာတွေ