Oroma 3:31 - Ala Wone Peenok Peebi Mbanak

³¹ Ti kenok, nit abet mbakwi ti paga nen wone Muta yoreegerak nogo taganogo pugwi mbakop? Lek o. Wone ti aret omaawi eerogo pogo ogoorik o.

Oroma 3:31 ပူးပေါင်းရင်းမြစ်များ

Ndawi 119:126

Kaliku ALA wae. Koone yugu Muta liiru mbaneegerak nogo Tagambunuk alik eekwi me, Kat eeppiyoorak eyom muk panggoni wagaarak wonage o.

Yetaya 42:21

At Aliku ALA iniki abe koonak menggerak me, “An noone yugu ti, iya, yinuk, tiyappogo logowak nduk, Ao,” mbake menggerak kwe,

Matiyut 15:6

ogoba ayuk wurogo wogoga'lek kagak, kit nen, Ti op aret eekendak o, yogo monggotak ti paga Ala nen, Yogop ee'nu, ndogop ee'nu, yereegerak wone nogo, taganogo punuk, kit kinombomini eeko nogogwaa rak wandek nogo tiyappugwi kiigi o.

Matiyut 3:15

Yoge mbareegi, at Yetut nen, “Nit togop eekwi paga Ala nen obeelom lombok eeko logorak mbareegerak nogo, abok aret a'me lik yuwak nduk, eeriyak me, E, yu o,” yoge mbareegi, “E o,” yereegerak.

Matiyut 5:17

Wone ambinom yorage logonet, “An nogo Ala wone yugu Muta liiru mbaneegerak inom, it aap Ala nen yorage kagak yoraga inoone inom, taganikit nduk wagagirak mbarugup o. An it inoone ti, taganikit nduk, woroolik. Ata, a'me lik yuwak nduk, aret wagagirak o.

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Lukat 20:16

Lek o. Wage logomenggerik, it eyabu arum wonogwe nogo inoorogo piinok, inobaane'me it aap alik arum logowak nduk, mippiya woraagin o,” yinuk, yoragagerak. Yorage nogo it aakumi konenggo nogogwaarik, “Togop eeriyak mage o, ninogoba.”

Oroma 10:4

At Ala nen Muta yoreegerak wone nogo at Keritut nen a'me lik togon agago pereegerak me, nit aakumi abok niniki Keritut oba panggombunuk abet mbakwi niinok, obeelom agago pinanege menggerak.

Oroma 2:20

“Nineenu ariyak wone inom, Ala ndogop menggerak wone inom, wone lengganogo Muta yoreegerak ti paga mban wonage nogo nit aret porogo wonogwe me, nit mban nineenu,” mba'nuk, “Aakumi kobak mendek nogo mamunirogwe, iniki kole aga'lek nogo, iniki kole eerogo piigwi, eeko monggoorak nit aret o,” yinuk, yogwe, eeko monggotak o.

Oroma 3:4

Lek o. Eeppiyaagin aret o! “Eekirak onggo eeppaniyak nogo ti, op aret mbake, Ndi, nowak loonogo punuk, aaninggin noba paniyak mbake nogo ti, a'me nggelok aret eeppanumunggun, kombake, Eeke agarik o,” yinuk, yereegerak liiru mbanak ndak-ndak it aakumi abok pilit wone yogo menggaarak kwe, Ala perak, abet mban ari menggerak o.

Oroma 3:6

Togop yoriyak lek me, nit maluk eekwi niigak kwe, onggo maluk ee'ninake lek kenok, at Ala nen nonggop togon yi aakumi ndi aakumi inowak looninaburak mbakop?

Oroma 4:14

Ala nen Abarakam abok yoreegerak wone nogo, Ala nen Muta yoreegerak aakumi nen eekwi nogo, unde eeppiyanetak nen, it abet mbakwi paga unde aruwok mbakwi nogo ti, we aanom warogo aret mbako logonetak. Ndi, Ala nen abok yoreegerak wone nogo, ti kunduk we aanom warogo aret yoreegerak mbako logonetak.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

Oroma 7:25

Nagap ndaruwak nduk, ninowe Yetut Keritut wo'niragagerak me, “Ala wa,” yinuk, keyage wake agarik o. Togop me, niniki peenok paga nen Ala yereegerak wone yugu, “Eerikit,” mbake paga, “An Ala ayeloman aret kagi,” mbake, ndi, niniki maan mendek peenok nogo nen maluk eeriyak ee'nake nogo aret eeke paga, “An maluk ayeloman aret kagi,” mbake, eeke minggirak o, obak!

Oroma 8:4

Ti eereegerak nogo ti, niniki maan mendek nen yo'nirage nogo, eeko logorak lek Aberiniki yo'nirage nit nogo nen, “Yogop ee'nu, ndogop ee'nu,” wone yugu abu abe nogo ndak-ndak a'me liirogon eeko logowok nduk, at aput Yetut aret nappi wagagerak.

1 Korindut 9:21

ndi, it aap endekem mendek Ala nen wone Muta yoreegerak wone eekulik mendek nogo, Ala apuri eerogo piyaakit nduk, inenggela'me logonet, it eeko mengga kwak, an ndak-ndak eerit nage, eeke minggirak. Ti eeke minggirak nogo ti, Ala yereegerak wone nogo taganogo punuk eekeelik o. Ata, Keritut yereegerak wone aret eeke logonet, eeke minggirak me nduk, yokkiragi o.

Nggalatiya 2:19

wone Muta yoreegerak kagak alik eereegirak paga noorogo paneegerak kambeegirak negen me, yogondak, “Yogop ee'nu, ndogop ee'nu,” yo'nege nogo, an koneniyak mondok meek o. An Ala ake mban neenik agarik o.

Nggalatiya 2:21

Wone Muta yoreegerak nogo, nit eekwi paga, “Aap yi, oba lek o,” yinuk, obeelom eerogo pinaniyak op mba'netak en, Keritut we aanom warogo ninake kambeegerak mba'netak o. An mbo pereegirak nogo obaane'me eeke paga Ala iniki kunik en eeppinaniyak kooneegerak nogo, meek eerogo pukwak, an togop eerigin abu lek o, noreewi.