Oroma 3:25 - Ala Wone Peenok Peebi Mbanak

²⁵ Maan aa'nduk it aakumi maluk eekwi iigak, Ala iniki yanggonak logonet, maluk onggo eeppiiga'lek teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, it Yetut abet mbakwi iinok, at amiya wundemenggerak paga it maluk eekwi nogo, inomaluk lek eerogo piige, Ala iniki yanggo ari, eeruwak nduk, Ala nen, “Yetut waruwak o,” yinuk, punogo pereegerak o.

Oroma 3:25 ပူးပေါင်းရင်းမြစ်များ

Ndawi 119:142

Kat obeelom mban eerit nage menggendak nogo ti, Lek ageelik mondok-mondok aret wonage, Koone yugu Muta nen liiru mbaneegerak nogo ti, Abet aret wonage, Eerak aret menggerak o.

Ndawi 22:31

“Wone ti, at abu aret eekerak me, at Ala abu obeelom mban eeke menggerak o,” Yinuk, it aakumi awo nda'naga'lek peebi nda'narugun nogo yorogo logogun o.

Ndawi 40:10

Kat obeelom mban eeke menggendak nogo Ninikime kumaappatinuk wonage, Aakumi kiniki kunik aganake menggendak inom, Wone abe aakumi eeppiyoorak wone inom, Kapuri nggwok kuwak eerak konenggwi iyo, patogo wonage, Eekeelik o. Ata, kat li'lak eeke menggendak wone inom, Inagap ndake menggendak wone inom, Yorage minggirak o.

Ndawi 50:6

Yorage mbaremenggi, Mbogut nen oone nggwok paga ari logonet, “Aakumi inowak loongga ti, Ala lombok aret me, Apuri a'me nggelok mban inowak loonigin o,” Yinuk, kuum eerogo nappit nage agaarik o.

Ndawi 97:6

Mbogut nen oone nggwok paga ari logonet, “Eekaatak ndak-ndak eeppiinet nage logogin o,” yinuk, ari kenok, Yi aakumi ndi aakumi abok aret At endage tiyanak nogo inigen kogo logogun o.

Ndawi 98:2

Aliku ALA nen, “Neegin tiyak yigi o,” yinuk, yoranet nage, Eekaatak ndak-ndak eeppiinet nage nogo Yi aakumi ndi aakumi inenggaanom paga kin eeppege, Eekerak o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Ala Unde 16:10

ndi, yugum ore kambin karume nappuurak owagam wambemenggerak nogo inomaluk lek eerogo piinok, an ninom lambunikit nduk, nggami aanggo wako mengga kwak, wonok wage logomenggerik, eenik kagak, Yi Kaliku ALA kake o, yinuk, inomaluk nogo oba lenggenogo punuk, o karume time nege logowak nduk nappege, eeruwak o.

Ala Unde 16:15

Ti eeppege logomenggerik, it aakumi Iterali mendek inomaluk lek eerogo piyaawak nduk, an Ala wo'niriyak kambin ngguunok nogo warogo punuk, amiya wonok yum tugunik kagak aken nggwe mage lombok menggim time pi unggunuk, tapi amiya werenogo pit namenggerak nogo ndak-ndak kambin amiya nogo an ninom lambungge minggim abit nobarak paga inom, enaame paga inom, werenogo pit nage logowak o.

Yaya 6:47

Kit kiniki noba panggombunuk, abet nombakwi kiinok ti, mondok-mondok kineenik aret logomunggup o, yinuk, abet aret yokkirage agarik o.

Nappiigak 14:16

O maan nen, yogondak kuli yi paga yi aakumi ndi aakumi iniki mba'nuk eerit nogwe iigak, Ala nen teppiige menggerak kwe,

Nappiigak 15:18

At togop eeke menggerak o maan nen yereegerak nogo kinogoba Ala nen aret yereegerak me, yokkiragi o, yinuk, yoragagerak wone liiru mbaneegwaarak me, yokkiragi o.

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Nappiigak 3:18

Maan Ala nen ari logonet, An leenogo pereegirak Keritut nogo, andi-pandi agago yagan warigin o, yinuk, yereegerak nogo, a'me aga'lek kagak it aap Ala yorage kagak yoraga nogo, yorage mbareegi, yorogo nogogwaarak nogo, kit eekotak paga a'me lik yegerak me,

Nappiigak 4:28

Kat keenggi omaawi paga yi eekak ndi eekak eeriyak aa'nduk koonogo pereegindak nogo, eeruwok nduk eekaarak o.

Oroma 2:4

At Ala nen onggo mbet-mbet maluk eeppinagaga'lek kinabuwa nen iniki yanggoppunuk, puk aret wonage me, “At oone ti meek aret,” mbako ogotik? Kit maluk eekwi kiniki koombunuk, mbo pubagip nduk, kinabuwa nen tokkiige yi, kaga'lek me, yogo ogotik?

Oroma 3:26

Togop eereegerak paga, at nen o yogondak irip kunduk eeppinanege, ndi, nit aakumi niniki Yetut oba panggombunuk abet mbakwi niinok, “Aap yi, oba lek o,” yinuk, obeelom agago pinanege, eeke kaawok nduk, eereegerak me, yokkiragi o.

Oroma 5:1

Togop me, yogondak niniki at oba panggombunuk abet mbakwi paga at Ala nen, “Aap yi, oba lek o,” yinuk, obeelom agago pinaneegerak me, ninowe Yetut Keritut eereegerak paga ninikiigun tayenak Ala ninom kunik aret ogoorik o.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Oroma 5:18

Ti kenok, at Aram nen Ala oone taganogo punuk, maluk eereegerak paga nit aakumi abok maluk ninoba agagerak ti kokwak, at Yetut nen obeelom eereegerak paga nit aakumi abok nineenik logowok nduk, Ala nen, “Aap yi, oba lek o,” yinuk, obeelom eerogo pinaneegerak.

Oroma 5:9

Ndi, yogondak at amiya paga Ala nen, “Aap yi, oba lek o,” yinuk, obeelom agago pinaneegerak me, “Peebi Ala nen ninagap ndarigin lek, anini eeppinanigin o,” yinuk, yogo ogotik? Mondok lek o. Ninagap ndarigin aret mbako logowok o.

1 Korindut 5:7

Kit time apit eeka'lek neenu aret kwe, roti piiruwak nduk enggela'me pega'lek kwak logobagip nduk, roti piike menggerak mendek kinengge-la'me wonage ti, mbo pinip o. Laago Obaga Nagagerak ndomba ninake wariyak Keritut nogo ti, muk wareegwaarak me, nit laago noorak abu pipuk eerak wonage o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Epetut 1:7

At Ala ninabuwa mba'nuk, iniki warak lombok logonet, mondok liippinanege nagagerik, oba ngginik kagak eeppinanit wundi wage menggerak nogo ndak-ndak, at amiya paga ninonggo mbambunuk, keele piinogo pinanege nagagerik, ninomaluk mondok lek eerogo pinaneegerak.

Epetut 2:13

o nda negen aret wonogogutak kwe, Keritut amiya paga Ala kinom lambunogo pinagi wagagerak me, yogondak Keritut Yetut kinom kunik aret wonogo ogotik o.

1 Timotiyut 1:15

“Aakumi maluk eeko menggaarak nogo inagap ndaruwak nduk, Keritut Yetut o yime wambi wagagerak o,” yinuk, yogo menggaarak wone nogo ti, abet aret me, woorak op aret o. “Aakumi maluk eekwi o,” yogo menggaarak nogo ti, maluk eeka abe iyagalo an aret kwe,

Iberani 11:14

It aakumi togop yogwe paga inanggween alik ngget mendek it logowam kwaakkologo logonet, yogo menggaarak iigo o.

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

Iberani 9:28

Keritut kunduk, nit yi aakumi ndi aakumi abok ninomaluk lek eerogo pikit nduk, wage nagagerik, ne ambit paga ninake kambeegerak me, peebi wage logomenggerik perak, ninomaluk lek eerogo pinanikit nduk, woraagin lek o. Ata, nit abok at woraawak nduk, tokkogwe nogo ninagap ndarogo wo'niren naakit nduk woraagin o.

Iberani 9:5

Ndi, malayikat negen aakumi, “Wi,” irogwe kerub mbere inogut nogo, aakumi inomaluk lek eerogo punuk, Ala inom lambungge menggim aloobut mbanak irimbaga ina'naabit wiganogo punuk, nobapporogo wonogogwaarak. Wone ti mendek ando apit mbininogo yokkiroorak kwe, meek me, ando kagak nggaruk togon ti aret yokkiragi o.

1 Yaya 1:10

“Nit maluk abu eekulik aret o,” yogwe niinok, at Ala pilit pugungga negen eerogo pugwi me, at ari menggerak wone nogo nit ninikime wonage abu lek aret mbako logowok o.

1 Yaya 2:2

Ala iniki yanggo yuwak nduk, ninomaluk lek eerogo punuk, Ala ninom lambunogo pinaniyak ninake eeka ti, at Yetut aret o. Nit mban ninomaluk lek eerogo punuk, Ala ninom lambunogo pinaniyak nduk, ninake eeke ti lek o. Ata, nit yi aakumi ndi aakumi o nggween paga yime monggoorak abok aret ninomaluk lek eerogo punuk, Ala ninom lambunogo pinaniyak nduk, ninake eeke menggerak o.

1 Yaya 4:10

Ninoreewi niniki kunik aganaburak nogo ti, ngge kokwak mbakop? Lek o. Nit nen Ala niniki kunik eerulik o. Ata, Ala ninabuwa nen iniki kunik ee'ninake nagagerik, ninomaluk lek eerogo pege logonet, ninom lambumbinanuwak nduk, at aput aret nappi wagagerak nogo kwak, nit togop aret ninoreewi niniki kunik aganako logowok o.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.

Wayu 5:9

ndawi ngget mendek wako logonet, “It aakumi inanebunu alitak lombok inom, inoone alitak lombok inom, inagabolo alitak lombok inom, yi aakumi ndi aakumi abok aret wonogwe kwe, Inenggela'me nen ambitak nggiginogo Ala apuri aruwak nduk, kat kooko mbareegwa, kamiya paga inonggo mbaneegindak ti paga mbuku pirik-perek aago keele 7 maarak nogo, kat nen waganogo piiniyak op aret o. It kat kamiya paga inonggo mbaneegindak nogo, ninogoba Ala abu'me piinok, Ala unde logonet, ake eeko logowak nduk leenogo mippiyareegindak me, Inendagembogut logonet, aakumi nggween paga ogu time wonogwe nogo wone lengganogo yorogo logogun o,” yinuk, at yogwi naruk konenggirak. Konengge nagarik, it inoweewi ineebe 24 nogo nen nggitat inom, togolowak mbuti emas paga ogobakkigirik obari abe kaga toolak nogo inom, inalitak lombok porogo logonet, ndawi paga yogwi iigirak o. Obari abe kaga togolowak mbuti emas paga toolak nogo ti, it Ala apuri ake leenak tamban eeko nogogwaarak inoone toolak negen aret kagarak.