Oroma 3:18 - Ala Wone Peenok Peebi Mbanak

¹⁸ Ala inagabiti mbakwi, Eeka'lek aret iige agarik o,” yinuk, yereegerak liiru mbanak ti ndak-ndak, nit Yakuri mendek inom, aakumi endekem konenggulik mendek inom, abok aret maluk eeriyak mban ee'ninake menggerak yokkiragarak nogo yokkiragi o.

Oroma 3:18 ပူးပေါင်းရင်းမြစ်များ

Wakkagagerak 20:11

Yoge mbareegi, at Abarakam nen, “An niniki mbake logonet, It aakumi yime Ala inagabiti mbaka'lek me, an nooko logonet, nakwe ndinogo wagun ilik? mba'nuk, yagarak o.”

Ndawi 36:1

It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Kini Wuppiige 16:6

It aakumi nen Aliku ALA iniki kunik eekwi, Yegetak liirogon mban eerit nugwi, Eekwi paga Aliku ALA nen inomaluk lek eerogo pege menggerak. Ndi, Aliku ALA inagabiti mbakwi paga maluk ogole nen mbaganggo menggaarak.

Kini Wuppiige 23:17

Kat ko'lu eeppagarak ti, abet aret wonage, ndi, kiniki lunik wonage nogo ti, lek arigin lek mondok wonage, Eeke logogin me, “It aap maluk eekwi ti, an togon eerikit lak, it mban eekwi, ao,” yinuk, mbake ti mage o. Ata, Aliku ALA kagabiti mbake ti mban mugurok-magarok nage logot o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Lukat 23:40

Yoreegerak kwe, ore nogo nen at mberege logonet, “At oba lenggenogo puurak koonggaarak ndak-ndak kat koba lenggenogo pagage me, kat Ala kagabiti mbaka'lek ya?

Oroma 3:17

Aakumi iniki ugun tayenak logowak nduk, eeppiinet nugu logorak wone liippugwi,

Wayu 19:5

Yogwi naruk konengge nagarik, wonage me, wone lengganogo yorage menggim nen oone ambi ari logonet, “Kit Ala ayeloman mini nen at ayuk wuko monggotak kinendage warak inom, kinendage lek inom, abok aret ninogoba Ala mban alut eeko logonip o,” yinuk, ari mbaki,