Oroma 2:5 - Ala Wone Peenok Peebi Mbanak

⁵ Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 2:5 ပူးပေါင်းရင်းမြစ်များ

2 Mbinineegwaarak 30:8

Kinombomini inanobak yugum kwak kumbunuk wonogogwa kwak, kit togop logogup o. Ata, Aliku kinogoba Ala anini kani kunik negen kinoba wonage nogo tayok yuwak nduk, at abu'me tebe yinuk, at logowam mondok-mondok leenogo pateegim yime wogo logomonggotik, alut eeko logomunggup o.

2 Mbinineegwaarak 36:13

Aap endagembogut Nebukanetat nen aap Terekiya nogo yoge, “An kabu'me logonet, koone mondok konengge logogin o, yinuk, Ala endage kumbunuk, kumbuk mbanu o,” yinuk, oone omaawi paga yoge mbareegi, Ala endage kunogo kumbuk mbaneegerak kagak, wonagagerik, peebi, “Aap yi nen wone lengganogo yo'nege logorak neebi o,” yinuk, iniki mi'nage nagagerik, ogogumbuk age, anobak yugum pogom kungge, eereegerak me, yungguninuk, Iterali inogoba Aliku Ala mugurok noorak eebi mbareegerak.

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Ndawi 110:5

Kogoba ti, kat keenggi abe'nggan paga wonage, At anini wungge eyom paga aap inendagembogut aan lebenogo piige,

Ndawi 95:8

Kinombomini karume wogo logonet, Ala nen eerit wage inigen kogo nogogwaarak kwe, Inogogumbuk a'nuk, O Meriba inom, Mata inom, wonogo logonet, “Ala anini wungge kaamun ilik, lek a?” yinuk, Inoone liirit-laarit yogo nogogwa kwak O yogondak Ala nen wone yokkirage konembunuk, “Nineebi o,” yinuk, kinogogumbuk arugup o.

Wundeegwaarak 14:17

Titik ige keenok, niyo mogonnaremenggerak paga aakumi Iterali wunda nogwe me, it Metit mendek muguren wunda nawak nduk, iniki omaawi eerogo piyaminggirak paga muguren wunda nogwe iinok, Pirawun anggweendo inom, it nggweendo wim eeka kuda paga punuk, wonok nogwe ineebe nogo inom, an ambi eeppiige neenok, it Pirawun awuri yigin unde menggerak inom abok aret, Ala wi! yinuk, nendage tiyappugun o.

Wundeegwaarak 32:34

Ndi, it maluk eekaarak ti perak, maluk onggo eeppiyoorak eyom panggoni wage kenok, inomaluk onggo eeppiyaagin aret me, kat perak, yogondak aret o an yokkereegim nogome noorak nduk, nayonggo malayikat aa'nduk nage kagak, aakumi yi wogoren nak o,” yinuk, yoreegerak.

Wundeegwaarak 8:15

Ndi, ogolem nogo lek agagerak at Pirawun kage nagagerik, iniki aaninggin wonage nogo tayok yereegerak kwe, Aliku ALA nen wone yereegerak nogo ndak-ndak iniki omaawi a'nuk, Muta Karun imbirak inoone koneniyak eebi mbareegerak.

Kini Wuppiige 1:18

It aap ti perak, inalik en aret wakkolaawok nduk, enaakkologwe, It inamendek aret lek eerogo pakwi, Eeko menggaarak o.

Kini Wuppiige 11:4

Inowak looniyak eyom ari wage kenok, “Ninamendek we aanom warogo porogo wonogoorak,” mbarugun kwe, Obeelom eerit nogwe iinok perak, kambunuk nogo menggam nogwe iyo, inili eerogo piyaagin o.

Kini Wuppiige 28:14

Aap ambi nen Aliku ALA agabiti mbake menggerak nogo ti, ale'nggen aret wonage menggerak kwe, Aap ambi iniki ogogumbuk eekkolage kenok perak, aaninggin oba kwippatit nage menggerak.

Kini Wuppiige 29:1

Aap ambi aruk waketak kwe, konengga'lek ogogumbuk mban wonage kenok, Yinip-panip at eebe aret lek eerogo patigin me, aap ambi nen at obeelom eeppuurak meek aret o.

Yetaya 48:4

Ti eereegirak nogo ti, it, E wa! yogolik inogogumbuk wonogwe, inanobak yugum pogom wonogwe, Eeko menggaarak an neenu me eereegirak o.

Yeremiya 40:3

Aliku ALA nen koonogo pereegerak nogo ndak-ndak aret eerogo pegerak me, at eerogo pegerak yi ti, kit aakumi yi, Aliku ALA maluk eeppugwi, at oone kinaruk konengga'lek mbo pugwi, eekwi kiinok, eekerak kwe,

Yetikiyen 11:19

Mbo pugwi iinok, an nen iniki ambit eerogo piige, iniki alik ngget eerogo piige, iniki omaawi yugum pogom wonogwe nogo obaane'me iniki ndeyak eerogo piige, eeke neenok,

Yetikiyen 3:7

it Iterali mendek wonogwe me, nappagage me, kat koone yorage koneniyak ineebi mbarugun o. It Iterali mendek abok aret iniki omaawi inanobak yugum pogom wonogwe me, an noone koneniyak ineebi mbakwi ndak-ndak, kat koone kunduk, koneniyak ineebi mbarugun o.

Ndaniyen 5:20

Togop aret eeke nagagerak kwe, at iniki mondok tiyappake, anobak yugum pogom kumbunuk iniki abu alik negen wogoppatit nage, eeke paga endagembogut logonet, wone lengganogo yorage nagagim nen tebek ari, endage mondok tiyanak nogo lek age, eereegerak o.

Oteya 13:12

It Eparayim maluk eeko menggaarak nogo, an aberak wonage, Inomaluk nogo an liiru liirogon mbanogo pereegirak wonage, Eerak aret agaarik o.

Amot 3:10

Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Oroma 1:18

It aakumi maluk eeka nen Ala wone ineebi mba'nuk, maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

Oroma 9:22

Iniki mba'nuk aret eeke menggerak ti kokwak, Ala ti ndak-ndak aret eeke menggerak me, at nen ari logonet, “Nanini eeppiige, ndi, nomaawi paga eerit nage, eeke neyaawak o,” yinuk, it at anini eeppiige logonet, ineebe pup eerogo piyaakit mbaketak mendek iniki kwippunuk mondok liirogon eeppiige logorak koongge kenok ti, nonggop mbarumunggup?

Pelaareegerak 2:30

Yogo mbareegwa, at aap endagembogut Tikon o Ketibon inarum menggerak nogo nen, Kit tu yi paga woroorak mage o, yo'niragagerak nogo o. Ti yo'niragagerak alom ti, at Aliku kinogoba Ala nogo nen at tebenogo punuk, anggween ti, kit kineenggime wokkiraakit nduk, ogogumbuk iniki omaawi eerogo pege nagagerik, anggween wokkiragagerak yogondak wonogwe yi aret o.

Pelaareegerak 32:34

At Aliku ALA nen ari logonet, Aap inane'me wakwi inom, maluk onggo eeppiigwi inom, An nen aret eeppiyaagin me, Logonuk lek aret iniyok eraabin tuk togon wanggwi, Aaninggin nggwok lombok inoba kwippiyoorak koorok panggoni wage, It eeppiyoorak inake pipuk aago nogo, Mbet-mbet aret ari wage, Eeppiyoorak koombunuk, Ndi eyom paga eeppiyaakit o, yinuk, neenggi amburu punuk, Kumaarogo pege minggim pateegirak nogo lek a? yinuk, yereegerak o.

2 Tetalonika 1:5

Kit Ala abu'me logorak miikotak kenok, maluk eeppinagagwi nogo ti, Ala nen, “Kit obeelom aret me, nabu'me logorak op aret o,” yokkiraawak nduk, kinogogumbuk logonet, waganggwi me, Ala nen koonogo pinanege nogo ti, maluk lek obeelom aret koonogo pinanege menggerak nineenu ogo o.

Iberani 3:13

“Ala nen ninooka'lek kagak,” mba'nuk, maluk eerit nogo logonet, kiniki omaawi eekkinake kero, wone, “Yogondak o,” yereegerak nogo ti, lek aga'lek awo aret wonage me, Ala nen yokkirage nogo, konenggo logonet, kiniki eyak wat-wat yogo logonip o.

Iberani 3:15

“Inogogumbuk a'nuk, Ala wone, Nineebi o, yinuk, Ala anini wunduwak nduk liirit-laarit yogo nogogwaarak nogo kokwak, Yogondak Ala nen wone yokkirage kenok, Nineebi o, yinuk, kinogogumbuk arugup o,” yinuk, yereegerak liiru mbanak nogo ti,

Iberani 4:7

Togop me, wone, “Yogondak kit Ala nen yokkirage kenok, Nineebi o, yinuk, kinogogumbuk arugup o,” yereegerak wone aginggwe aa'nduk mbininogo yokkiragarak nogo aret yi tahun ndi tahun eeppunuk, o peebi aap Ndawut nogo togop aret yoreegerak liiru mbaneegerak me, wone, “Yogondak o,” yinuk, Ndawut yoreegerak nogo ti, Ala nen ne alik ambi eyom paga aakumi alik mendek inom yonggonggola ungguwak nduk, iniki koombunuk, yoreegerak kogo o.

Yakobut 5:3

kinawu mbuti emas inom, perak inom, ogobakkigirik nogo ti, muk yi'mbaani kunit nage, eerogo pegerak agaarik o. Kinawu yi'mbaani kunogo pegerak ti paga kit nggilimi negen kumaappatogo wonogogutak nogo kin arigin o. Ndi, yi'mbaani kunogo pit nage menggi kwak, kit kinagabolo togop aret kani nen nenet nagin o. O age yobok paga eeppinani woroorak nogo abu panggoni wage kagak kwe, yi mendek ndi mendek kiniki kundugu kuwak eerogo pako nogogutak me, kinenggali nen leenggu maakkologo logomunggup o.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.

Yurat 1:6

Ndi, at Ala nen it malayikat ando, “Yogop eeko logonip o,” yinuk, o unde eeppiyareegerak kagak, “O yi mban unde logorak nineebi o,” yinuk, mbo pogo mbareegwa, at Ala nen, “An mondok iya tit eeke neyoorak nogo eyom paga inawone amburu mbanogo maluk eekwi onggo inoba piyaakit o,” yinuk, ineebe mondok-mondok mbutigeele paga maarogo o apit me mambiyareegerak wonogwe nogo, kiniki abeko logonip o.

Wayu 2:21

At kwe ti, iniki koombunuk, omaluk mbo puwak nduk, tokkagarak kwe, An ee'nabuwak, mbarit nege nogo mbo puurak neebi o, yinuk, eerit nage me,

1 Tamuwen 6:6

O maan aap Pirawun inom, it aakumi Metit mendek inom, iniki omaawi eeppunuk wonogogwaarak kokwak, kit nonggop nduk togop aret kiniki omaawi eeppunuk ogotik? It iniki omaawi wonogwe iinok, Iterali nappiya woraawak nduk, inogoba Ala nen andi-pandi mondok iya it Metit mendek inoba piyareegerak nogo lek a?