Oroma 2:27 - Ala Wone Peenok Peebi Mbanak

²⁷ Togop me, kit Yakuri ti, Muta yoreegerak wone liiru mbanak unde logonet, kinagabolo mbanggo monggotak kwe, eebe eeka'lek taganggo monggotak me, it inagabolo mbangga'lek menggaarak nogo nen wone eebe aret eekwi me, it nen aret kinenggali wappinagagun lek mbakop?

Oroma 2:27 ပူးပေါင်းရင်းမြစ်များ

Matiyut 3:15

Yoge mbareegi, at Yetut nen, “Nit togop eekwi paga Ala nen obeelom lombok eeko logorak mbareegerak nogo, abok aret a'me lik yuwak nduk, eeriyak me, E, yu o,” yoge mbareegi, “E o,” yereegerak.

Nappiigak 13:22

Ti'nuk, at nogo tebembunuk, obaane'me, At Itayi aput Ndawut nogo an niniki mbake minggi kwak, at ndak-ndak mbake menggerak me, an niniki mbake mban eeke logogin kagi o, yinuk, inowe endagembogut Ndawut aret mippereegerak.

Oroma 13:10

It kinom wonogwe kiniki kunik aganakwi ti, maluk eerogo piyoorak nduk, eekulik o. Togop aret me, niniki-kiniki kunik eerit nogwe ti paga wone yugu liiru mbanak nogo a'me aret nggelok ari menggerak.

Oroma 2:15

Muta, “Yogop ee'nu, ndogop ee'nu,” yoreegerak wone ti, muk inikime wonage negen logonet eekwi iigo ogoorik o. It eekwi ti, inikime abe'nage logonet, ambi, “Maluk eekirak kagi,” ndi, ambi, “Obeelom eekirak kagi,” yinuk, inikime abe'nage ti paga Ala nen wone lengganogo yoroolik aret kwe, inikime abet aret wonage negen kogo ogoorik o.

Oroma 2:20

“Nineenu ariyak wone inom, Ala ndogop menggerak wone inom, wone lengganogo Muta yoreegerak ti paga mban wonage nogo nit aret porogo wonogwe me, nit mban nineenu,” mba'nuk, “Aakumi kobak mendek nogo mamunirogwe, iniki kole aga'lek nogo, iniki kole eerogo piigwi, eeko monggoorak nit aret o,” yinuk, yogwe, eeko monggotak o.

Oroma 2:25

Kinagabolo mbanggwi ti, at Muta yoreegerak wone waganggo logonet, mbanogo nappuurak op aret kwe, wone yugu nogo taganogo mbo punuk, kinagabolo mbanggwi kenok perak, aanom warogo aret mbanggwi me, kinagabolo mbanak wonage kwe, mbanak lek negen eerogo pakwi kiigi o.

Oroma 2:26

Ndi, it inagabolo mbanggulik mendek nogo nen, “Yogop ee'nu, ndogop ee'nu,” Muta yoreegerak wone nogo waganggo nagaatik, ndak-ndak eerit nogo menggaarak kenok, Ala nen, “It aap yi, inagabolo mbanak lek aret kwe, mbanak negen aret wonogwe o,” yinuk, wogonabigin lek mbakop?

Oroma 2:29

“It Yakuri mendek aret o,” yogwe nogo ti, Muta yoreegerak wone waganggwi paga lek o. Ata, inagabolo mbanggo mengga kwak, at Ala nen Aberiniki paga iniki yanggonogo pege ti perak, abe Yakuri mendek ti aret o. It aakumi iniki togop Ala nen yanggonogo pege ti, it aakumi nen wogoppiyoorak lek o. Ala nen mban aret wogoppiyaagin o.

Oroma 3:30

At Ala ti, ambit aret me, inagabolo mbanak mendek inom, mbanak lek mendek inom, iniki abet mbakwi paga mban, “Aap yi, oba lek o,” yinuk, obeelom agago piyaagin o.

Oroma 8:4

Ti eereegerak nogo ti, niniki maan mendek nen yo'nirage nogo, eeko logorak lek Aberiniki yo'nirage nit nogo nen, “Yogop ee'nu, ndogop ee'nu,” wone yugu abu abe nogo ndak-ndak a'me liirogon eeko logowok nduk, at aput Yetut aret nappi wagagerak.

1 Korindut 7:19

Kinagabolo mbanak inom, kinagabolo mbanak lek inom, ti iya lek o. Ata, at Ala nen “Yogop ee'nu, ndogop ee'nu,” yo'nirage menggerak nogo eerit noorak kenok perak iya o.

2 Korindut 3:6

“Yogop ee'nu, ndogop ee'nu,” wone yugu liiru mbanak nogo paga nen ninoorogo pinanege menggerak kwe, Aberiniki nen perak, nineenik ee'ninake menggerak me, wone yugu liiru mbanak nogo, nit yorogo logowok nduk mippinanulik o. Ata, Aberiniki nen eeppinaniyak wone ngget mendek koonogo yo'niragagerak nogo, at omaawi paga yorogo logowok nduk, mippinaneegerak.

Nggalatiya 5:14

“Ineebe iniki kunik eekkologo menggaarak ti kwak, aakumi inom menggaarak ti togop aret iniki kunik aganako logowak o,” yinuk, yo'niragagerak nogo ti, wone yugu liiru mbanak eebe tigitogon eekwi ti aret o.

Epetut 2:11

Togop me, noreewi o. It, “Nit ninagabolo mbanak mendek o,” yogo menggaarak nogo nen, “Kit kinagabolo mbanak lek mendek o,” yinuk, yokkirogo menggaarak kit endekem konenggulik mendek nda'nogogutak nogo, aa'nduk wonogogutak kiniki abeko logonip o. “Ninagabolo mbanak o,” yogo menggaarak nogo ti, aakumi nen mbanak aret o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Iberani 11:3

At Ala oone paga nen mbogut-nggween wakkagagerak nogo ninigen kogo logonet, “Yi Ala nen aret wakkagagerak o,” yinuk, abet mbakwi paga nineenu ogwe me, yi mendek ndi mendek ninigen kogwe yi, ninigen kaga'lek nogo paga nen wakkagagerak kogo o.