Oroma 2:23 - Ala Wone Peenok Peebi Mbanak

²³ “Wone at Muta yoreegerak nogo, unde nit aret o,” yinuk, wogoppako logonet kwe, wone ti, taganogo punuk, Ala meek eerogo pugwi ti, nonggop nduk eeko monggotak?

Oroma 2:23 ပူးပေါင်းရင်းမြစ်များ

Ala Unde 13:32

Ne 6 logomenggerik, ko'lu paga aap an neebe unde nen pekkaanuk, yigani pemenggerak nogo agabolo paga wiganinuk nage, eeruwak tari negen kunogo pege, ndi, inikime kanu yi unggwage, eeka'lek op aret wonage kenok,

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Lukat 18:11

Imbirak Ala awi wurik me unggwi nogo nogogwaarik, aap Pariti nogo nen mi'na'nuk, tamban eekkolage logonet, Ai, nogoba Ala! It aakumi yogoot wagangga inom, maluk eeka inom, mbabi eeka inom, ndi, aap o unde inake wu kuwak eeka yi nogo inom, an togop kwak lek me, wa yokkege agarik o.

Yaya 5:45

At nen ogoba enggaanom paga ninenggali warogo yo'niraagin, mbarugup o. At kinenggali wappinagarak ti, iniki lunik menggaarak aap Muta nogo aret o.

Oroma 2:17

Kit Yakuri mendek perak, nonggop mbako ogotik? “Nit Yakuri mendek aret o,” yinuk, yikkologwe yi, wone Muta yoreegerak nogo paga, kiniki panggombunuk, “Ala ti, nit mban ninogoba aret o,” yinuk, wogoppakwi,

Oroma 3:2

Lek o. It eeko logowak nduk leenogo piyareegerak nogo ti, wone ambik wonage me, yokkira o. Ambi ti, at Ala nen, “An noone it porogo logowak,” mba'nuk, unde eeppiyareegerak.

Oroma 3:27

Togop aret me, alom ngge paga wogoppatiyak mbakop? Lek aret o. Ndi, wone ngge paga panggombunuk, “Wogoppatiyak lek,” yokkirage mbakop? Ala nen Muta yoreegerak wone kit eeko monggotak paga panggombunuk, “Wogoppatiyak lek o,” yinuk, yokkiragarak mbakop? Lek o. Nit abok aret niniki abet mbakwi paga mban Ala nen obeelom eeppinanege me, alom ti paga panggombunuk, “Wogoppatiyak lek o,” yinuk, yokkiragi o.

Oroma 9:4

It Iterali mendek nogo Ala nen miirinake nagagerik, at apuri logowak nduk, wogonake, at tiyanak menggerak, “Wi,” yuwak nduk eeginake, peebi eeriyak wone abuk nggaruk togon yorage, wone, “Yogop ee'nu, ndogop ee'nu,” yugu liiru mbanak nogo wogorage, Ala alut eeko logonet, eeko logorak wone nogo mamunirage, “Yogop eerigin o. Ndogop eerigin o,” yinuk, wone yorage, eereegerak.