Oroma 2:2 - Ala Wone Peenok Peebi Mbanak

² At Ala ti, aakumi maluk togop eekwi iinok, liirogombo aret maluk onggo eeppiige menggerak nineenu aret o.

Oroma 2:2 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ayup 34:23

Togop aret me, It aakumi inowak loongge logonet, ineegwa'me waakit nduk, at Ala nen, Ne ndi paga woraamunggup o, yinuk, punogo piigeelik o.

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Yetaya 45:19

Wone an yorage nogo kote kumaarogo yorage, An o yumaak me lombok logonet yorage, An aanom warogo kwaa'nabit nugu logowak nduk, Yakup paga wiganak nogo yorage, Eerulik o. An ti, Naliku ALA aret me, wone abet mban ari, An wone koonak mban mbangge, Eeke minggirak o,” yinuk, yegerak me, yagi o.

Yetaya 45:21

It alom ngge panggombunuk eekwi nogo, an lik togon yo'nugwi, Wone nonggop yo'niriyak nogo inagugi inom wone mbanggwi, Eeruwak o. Wone agaarak yi, aga'lek kagak ariyak nduk, o aa'nduk lombok ta nen yoranet nage, O maan nen wone ti, ta nen inaruk paga pit nage, Eereegerak mbakop? An Naliku ALA nen yoragagirak nogo lek a? An wonage neegak, Ala alik ambi wonage lek aret o. Inagap Ndaka iniki abe koonak alik ambi lek, an Ala nalik aret minggirak o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Yetikiyen 18:29

Togop kwe, it Iterali mendek nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yinuk, yogwe iigi o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It Iterali mendek mban iniki kwaakkolaawak o!

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Nappiigak 17:31

At ambi leenogo mippereegerak nen aakumi abok eekwi ndak-ndak owak looninaburak ne ambi koonogo pereegerak o. Ndi, ne ambi koonogo pereegerak nogo nit aakumi abok nineenu aruwok nduk, at nogo ti, kambunuk nogo menggam nen eenik agago mippereegerak o, yinuk, yokkirage agarik o,” yoragagerak.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Oroma 2:3

Nineenu aret me, wologwe! Kit togon togop aret eeko logonet kwe, it ambi eekwi iinok mban maluk agago piigwi kiinok ti, kit kunduk, Ala nen onggo maluk eekkinabigin lek nduk yogo ogotik ya?

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 9:14

Ti eereegerak kenok, nit nonggop yuwok mbakop? “Ala a'me nggelok eekeelik ugun eeke menggerak yuwok, mbakop?” Ti mondok lek o.

Wayu 16:5

at malayikat niyo ti, unde menggerak nogo nen ari logonet, “Aa'nduk wonagagindak yogondak wonage kat nogoba Ala kalik leenak kitok obeelom logonet, a'me nggelok mban eeke menggendak me, It maluk eekaarak onggo kanini inoba piige yi ti, op aret eeke keegi o.

Wayu 19:2

Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,