Oroma 2:17 - Ala Wone Peenok Peebi Mbanak

¹⁷ Kit Yakuri mendek perak, nonggop mbako ogotik? “Nit Yakuri mendek aret o,” yinuk, yikkologwe yi, wone Muta yoreegerak nogo paga, kiniki panggombunuk, “Ala ti, nit mban ninogoba aret o,” yinuk, wogoppakwi,

Oroma 2:17 ပူးပေါင်းရင်းမြစ်များ

Yetaya 45:25

It Iterali paga wiganak nogo perak, abok aret Aliku ALA nen, “Aakumi yi iniki abe koonak aret o,” yinuk, eeppiige paga at endage tiyappogo logogun o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 10:28

Yoge mbareegi, at Yetut nen, “Op yagan o. Yagandak nogo ndak-ndak eeke keenok, keenik aret logomunggun o.”

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Yaya 5:45

At nen ogoba enggaanom paga ninenggali warogo yo'niraagin, mbarugup o. At kinenggali wappinagarak ti, iniki lunik menggaarak aap Muta nogo aret o.

Yaya 7:19

Ala wone yugu nogo at Muta nen liiru mbanggiragagerak nogo lek a? Mbanggiragagerak aret kwe, wone eebe nogo kit abok aret eeka'lek logonet, nonggop nduk an nooriyak nduk eeko ogotik?”

Yaya 8:33

Yorage mbareegi, it nogo nen at yogo logonet, “A puk! Nit Abarakam ombowologwe niigak, aap ambi abu'me pinanugo logolik me, kat nen, Wondet eerogo pinagagin o, yagandak ti, nonggop togon yo'nirage agandik o?”

Yaya 8:41

kit perak, kinogoba lombok nen eeke menggerak nogo ndak-ndak aret eekwi kiigi o.” Yorage mbareegi, it nen, “A puk! Nit terak ndarak lek o. Ninogoba ambit Ala lombok aret o.”

Oroma 2:23

“Wone at Muta yoreegerak nogo, unde nit aret o,” yinuk, wogoppako logonet kwe, wone ti, taganogo punuk, Ala meek eerogo pugwi ti, nonggop nduk eeko monggotak?

Oroma 3:27

Togop aret me, alom ngge paga wogoppatiyak mbakop? Lek aret o. Ndi, wone ngge paga panggombunuk, “Wogoppatiyak lek,” yokkirage mbakop? Ala nen Muta yoreegerak wone kit eeko monggotak paga panggombunuk, “Wogoppatiyak lek o,” yinuk, yokkiragarak mbakop? Lek o. Nit abok aret niniki abet mbakwi paga mban Ala nen obeelom eeppinanege me, alom ti paga panggombunuk, “Wogoppatiyak lek o,” yinuk, yokkiragi o.

Oroma 9:32

Nonggop nduk eeppinanulik mbakop? Lek o. Abet mbakwi paga obeelom eeppinaniyak kagak, “Nit eekkologwe paga eeppinanigin,” mba'nuk, eekoorak mendek, eeppinanulik o. At Ala nen ari logonet, “It aakumi iniyogobit linggologwe, lik togon yigeebu wanggwi, Eeko logowak nduk, An nen yugum ambi o Tiyon paga ndoonogo pege neyaagun o. Pege neenok, aap ambi nen iniki yugum ti paga panggombunuk, abet mbake kenok, enggali arigin lek o,” yinuk, yereegerak liiru mbanak nogo ti, nit nen aret niniyogobit lik togon eeppako logonet, yigeebu wanggo logorak me nduk, yereegerak kogo ogoorik o, obak!

2 Korindut 11:22

It wogoppako logonet, “Nit Iberani mendek o,” yinuk, yogwe me, an kunduk Iberani mendek aret o. It nen, “Iterali mendek nit aret o,” yogwe me, an togon Iterali mendek aret. It nen yogo logonet, “Abarakam ombo wologwe nit aret o,” yogwe nogo, an togon Abarakam ombooluk aret o.

Nggalatiya 2:15

“It aap endekem konenggulik mendek ti maluk mendek o,” yogwe nogo, nit aap togoti mendek lek o. Nit aap Yakuri mendek abet aret nda'nogogurak kwe,

Epetut 2:11

Togop me, noreewi o. It, “Nit ninagabolo mbanak mendek o,” yogo menggaarak nogo nen, “Kit kinagabolo mbanak lek mendek o,” yinuk, yokkirogo menggaarak kit endekem konenggulik mendek nda'nogogutak nogo, aa'nduk wonogogutak kiniki abeko logonip o. “Ninagabolo mbanak o,” yogo menggaarak nogo ti, aakumi nen mbanak aret o.

Wayu 2:9

it Ala apuri o Timirina eerit nogo menggaarak nogo, an neenu aret o. It aaninggin-paaninggin inoba age logonet, ineenggi lek age kwe, agi mendek paga ineenggi warak negen wonogwe nogo an neenu aret o. Ndi, it Yakuri mendek lek Ibilit eeke menggerak ndak-ndak eeruwok nduk kuwak eeko menggaarak nogo mendek kagak, we piliret, Nit Yakuri mendek aret o, yinuk, Ala apuri o Timirina mendek inoone miyuk-meya eerogo piigwi ti, neenu mban.

Wayu 3:1

“Ndi, ambi, at malayikat Ala apuri o Taririt kuwak eekwi inarum menggerak nogo nen apuri yoraawak nduk, yoriyak, yokkiri o. Laaluguragan 7 neenggime porogo logonet, Ala Aberiniki eeke menggerak alom 7 unde minggirak nen, Ala apuri o Taririt eerit nogo menggaarak ti, an neenu aret o. It abu ndeyak kambak negen aret wonogwe iigak kwe, aakumi nen, Lek o. Aap eenik omaawi nege menggi kwak, it Ala apuri nggereya ti paga kuwak eekwi nogo mondok inomaawi aret wonogwe iigo o, yinuk, yogwe nogo neenu aret kwe,

Wayu 3:9

It aap Tile eeke menggerak ndak-ndak eeko logowok nduk, kuwak eeko menggaarak nogo, it Yakuri mendek lek kagak we piliret, Nit Yakuri mendek aret o, yinuk, yogo menggaarak nogo nen, Yi Ala apuri inom iniki abe kunik wonogwe iigo o, yinuk, it Ala apuri o Pilarelipiya mendek inabu'me tebe yi wa'nuk inoone konenggo logowak nduk, eeppiige neyaagun o.