Oroma 16:6 - Ala Wone Peenok Peebi Mbanak

⁶ Aaninggin kagak kit kinake nggwiirit-nggwaarit eeke nagaarak kwe Mariya kunduk, keyage wappigi.

Oroma 16:6 ပူးပေါင်းရင်းမြစ်များ

Matiyut 27:55

Ndi, it kumi ambik o Nggalileya nen Yetut ake eerit inom wogogwaarak nogo nen Yetut eyo paga nabenak wonage nda nen inigen nakkogogwaarak.

Matiyut 5:47

Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.

Oroma 16:12

It kumi Teripena Teripota imbirak ninowe inom kunik logonet, ake eerit nogo menggaarak nogo inom, niriluk Peritit kunduk ninowe imbirak kunik logonet, ake nggwiirit-nggwaarit eeke menggerak nogo inom, keyage wappiigi o.

Oroma 16:5

Ndi, it Ala apuri iname lombok kuwak eerit nogo menggaarak nogo inom keyage wappiigi o. O Atiya yi awi ndi awi time Keritut wone awo abet mbaka'lek iigak, aa'nduk abet mbareegerak nore niniki kunik Epenetut nogo keyage wappigi.

Oroma 16:7

It Andoronikut Yuniyat imbirak an awo Keritut abet mbaka'lek neegak, it aa'nduk abet mbakwi, it nappiigak inenggela'me inoweewi tiyanak aret wonogwe, ndi, it an ninom keele maarogo mambinaneegwaarak wonogwe, eereegurak paga, it an noreewi lombok aret me, keyage wappiigi o.

1 Tetalonika 5:12

Noreewi o. “It aap kinenggela'me nabenak mban eeppinagagwi, ninowe inom kunik logonet kinarum wonogwe, ndi, kini wuppiigwi, eekwi nogo liippiigo logonip o,” yinuk, yokkirogo o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,