Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Oroma 16:20 - Ala Wone Peenok Peebi Mbanak

20 Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

အခန်းကိုကြည့်ပါ။ ကော်ပီ




Oroma 16:20
26 ပူးပေါင်းရင်းမြစ်များ  

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.


Iniki tiyappakwi nogo tebenogo patuwak nduk, kenegen loolo irage, Aap maluk eeka wonogo menggam aan lebenogo piige,


Yoge mbaki, “Anggur anggen aambiranggo menggam aakumi ninom lek nalik aret aambirangge, Anggur anggen aambiranggo mengga kwak nanini nen aambiranogo piige, Nanini nen niniki mi'nage logonet, yi aakumi ndi aakumi tebenogo piige, Eeke neegak, Inamiya nayum paga labunnage, Nayum paga abok aret inamiya mban lengge-lengge nage, Eekerak o.


It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.


An aakumi koonogo piyoorak ne ti eyom paga aap iniyok liirubu aa'ngga eerogo pogo mengga kwak, it nen aakumi maluk eeka nogo iniyok aambiranogo piinet nogo logogun o,” yinuk, at Omaawi Lombok Menggerak Aliku ALA nen aret yegerak o.


Yoge mbareegi, Yetut nen at yoge logonet, “An kinogoba Ala mban nayuk wuko logonet, nalut eekwi, an ari neenok mban liippunuk, eerit nogwe, eeko logonip o, yinuk, Ala yereegerak liiru mbanak wonage me, kat Ibilit yi, nak o.”


Waalo aakumi inooka inom, nggitamuru inom, kiniyok paga aan mbelenogo pugwi, at kinom wim mbanak nogo omaawi lek eerogo tebenogo pugwi, eeko logobagip nduk, an nawone kilikkiragarak. Nawone kilikkiragarak me, maluk ambi kinoba arigin mondok lek aret o.


At niniki ugun tayenak obeelom logowok nduk, eeppinanege menggerak Ala nogo nen kit abok aret kinarum logogin o. Amin.


An ka wagarak nimbirak wonage aap Nggayut nogo inom, it Ala apuri at ame inom kuwak eeko menggaarak inom, abok nen aret keyage wappinagaga o. It aakumi o kota yime menggaarak inake wu kuwak aago porogo menggerak aap Eratut ninore Kuwarutut imbirak nen keyage wakkinaka o. (


Ninowe Yetut Keritut iniki kunik logonet, obeelom eeppinanege menggerak nen kinarum aret logogin o. Amin.)


Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.


Ninowe Yetut kinom wonage me, kinarum aret logogin o.


Ninowe Yetut Keritut iniki kunik nen obeelom eekkinake, Ala nen kinabuwa mbake, ndi, Aberiniki kinom kunik logonet, kit abok aret kinarum wonage, eeko logogun o. Abu aret yokkiragi o, noreewi wa.


Ninowe Yetut Keritut iniki kunik en eeppinagage logonet, kinarum aret logogin o. Wone ti abu aret yokkiragi o. Noreewi wa.


Ninowe Yetut Keritut iniki kunik en eeppinagage logonet, kinarum aret logogin o. An Pawulut Timotiyut nimbirak nen abu aret yokkirogo o. Wa.


At ninowe Yetut Keritut iniki kunik en eeppinagage logonet, kinarum aret logogin o. Noreewi wa!


At ninowe Yetut Keritut iniki kunik nen kit abok aret eeppinagage logonet, kinarum logogin o. Wa!


Ninowe Yetut iniki kunik en eeppagage logonet, karum aret logogin o. Wa!


At ninowe Yetut Keritut iniki kunik en eeppagage logonet, karum aret logogin o. An Pawulut Timotiyut nimbirak nen abu aret yokkogo o. Wa!


At Tile o maan iyaalok nen maluk eerit wundi wage menggerak me, aap ambi maluk mban eeke menggerak kenok, at Tile aput aret menggerak. Ndi, at Ala aput wambi wagagerak nogo ti, at Tile nen yi eekak ndi eekak eeke menggerak nogo abok aret, mondok lek eerogo pikit nduk, wambi wagagerak.


Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.


Kit kinowe Yetut nogo iniki kunik en obeelom eeppinagage logonet, kinarum aret logogin o. Amin.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ