Oroma 16:18 - Ala Wone Peenok Peebi Mbanak

¹⁸ It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

Oroma 16:18 ပူးပေါင်းရင်းမြစ်များ

2 Tamuwen 15:6

It aakumi Iterali mendek abok aret aap endagembogut nen inawone amburu mbanogo inowak looniyak nduk, at owagam wogwe iinok, at Abatalom ti eeke nagagerak paga iniki nomonogo at paga mban piige nagagerak.

2 Mbinineegwaarak 18:5

Yoge mbareegi, aap Iterali inowe endagembogut nen it aap peebi eeriyak wone yoraga ineebe empat ratus kuwak eeppiige nagagerik, yorage logonet, “An o Aramot-Nggileyat time wim eeri noorak op aret ilik, puk ari a?” Yorage mbareegi, it nogo nen, “At Ala nen kendagembogut keenggime pigin me, wim eeri noorak op aret o,” yinuk, yoreegwaarak.

Ndawi 119:130

Koone ari menggendak waganggwi iinok, Inikime eya eerogo piige, It iniki yuundurak nogo ineenu eeppiige, Eeke menggerak o.

Ndawi 12:2

Aakumi abok aret it mban-mban pilit-pilit agan nugwi, Aakumi inambokan laganggo logonet, inoone amburu ndik-ndik agan nugwi, Eeko logonet,

Ndawi 19:7

Kaliku ALA yereegindak liiru mbanak nogo ti, Nit aakumi eeppinaniyak ambi yobok yaga'lek mondok ndak-ndak eeppinaniyak mbanak wonage, Nit niniki kinik lek nogo, niniki kinik warak eerogo pinangge, Eeko logorak Kaliku ALA yaga'ndak nogo, niniki ti paga panggonak logorak op me, Nineenggo'lek kenok, niniki warak eeppinanege, Eeke menggerak o.

Kini Wuppiige 14:15

Aap iniki yuundurak nogo nen yi wone ndi wone ugun aret wagangge menggerak kwe, Aap iniki penenak nen perak, liippunuk eerit nage menggerak.

Kini Wuppiige 22:3

Aap iniki penenak nen maluk at oba ariyak mbet-mbet yelok kage nagaatik, eebe op logokit nduk, kumaa'nage menggerak kwe, Aap iniki yuundurak kenok perak, ugun eerit nage me, aaninggin oba kwippake menggerak.

Kini Wuppiige 8:5

Kit kiniki yuundurak yi wae. Kiniki penenak eekkabuwak nduk mamunggologwe, Kit kiniki lek wi negen yi wae. Yi wone ndi wone alom liippakwi, Eeko logonip o.

Yeremiya 23:17

It aakumi an noone koneniyak ineebi mbaka nogo yorogo logonet, Aliku ALA nen, Kineebe op aret logomunggup, yegerak o, yinuk, yorogwe, Ndi, it aap inogogumbuk nen koonggwi mugurok nogwe nogo yorogo logonet, Aaninggin mendek kit kinoba ari woraagin lek o, yinuk, yorogwe, Eeko menggaarak me, It yorogwe ti, inoone inaruk konenugwaarik o.

Yetikiyen 13:16

it Iterali mendek nen, Ndogop arigin, yaga nogo it aret me, o Yerutalem eeppuurak inabinggaanggo kogo logonet, iniki ugun tayenak logorak lek kagak, Kiniki ugun tayenak logonip o, yinuk, yorogwe nogo kunduk, ineebe lek ogwe, eekerak, yoraagin o, yinuk, Naliku Nitok Minggirak an ALA nen aret yagi o,” yinuk, an yo'nereegerak.

Yetikiyen 13:19

Waabuk negen jelai ineenggi ambitak kambonogo waganggwi, oroti mbo pugu ambitak waganggwi, eeruwok nduk, napuri inenggela'me nendage alik leenak nogo maluk eerogo pugwi, it an napuri pilit wone koneniyak inikilom mbakwi nogo, it kumi ti nen piliret, Ndogop kagarak o, yinuk, yaga nen yorogo logonet, inooriyak lek teppiyoorak kagak inookwi, ndi, it inooriyak kagak ineenik teppiigwi, eeko agaarik o, yinuk, yegerak o.

Ndaniyen 11:34

Ti eeginakwi iigak, it mbuuluk mban yeenggwaarogo logogun kwe, it aakumi apit aret, Nano paga nukkolaawi? yinuk, inom arugun o.

Mika 3:5

Aliku ALA nen ari logonet, “It aakumi nen, Ndogop eeke kaamunggup o, yinuk, an napuri iniki nomonogo piya nogwe nogo perak, Inambi wogorogwe iinok, Kiniki tayenak ugun aret logomunggup o, yinuk, yorogwe, Ndi, wogoraga'lek iinok, Kinawim nen kinoori unggwi woraagun o, yinuk, yorogwe, Eeko menggaarak me,

Maleyaki 1:10

“An nake warogo kani kunggo menggam it we aanom warogo kani kunggwi iyo, it inenggela'me time aap ambi nen nawi wurik me tu narogo puwak lak, ao, mbake agarik o. It eekwi ti, an abu neebi lombok mbake me, an nake warogo wo'nugwi ti, an waagin lek aret o,” yinuk, at Omaawi Lombok Menggerak Aliku ALA nen aret yegerak me yokkiragi o.

Matiyut 24:11

Ndi, aap ambik wogo logomenggaarik, we piliret, Ala nen yo'nege ambi yokkira o, yinuk, aakumi ambik iniki nomoninabugun o.

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 16:19

Kit obeelom wone woppunuk, mondok ndak-ndak eerit nogwe nogo it aakumi abok nen konenggaarak me, kit eekwi ti paga niniki ale'nggen ambik ee'nake kwe, “It iniki warak a'nuk, maluk eeriyak wone nogo kobak eerogo punuk, obeelom eeriyak wone kenok mban eerit nogo logowak,” kinomba'nuk, yokkirage agarik o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

2 Korindut 2:17

It ando nen Ala wone yorogwe paga, “Ambi kolaawok o,” yinuk, yokkirogo menggaarak kwe, nit perak, togop lek o. Yokkiraawok nduk, Ala nen nappinani wagagerak me, at enegen kagak Keritut ayeloman logonet, we ale'nggen paga aret yokkirogo monggoorak.

2 Korindut 4:2

Inenggali ariyak mendek kagak, wone kote yorogo menggaarak nogo mendek, “Nit togop yoranet nogo logogun lek o,” yinuk, kooneegurak me, kit nen nineebe wo'ninabubagip nduk, koonggo'net nugwi, Ala wone kagak alik pugunogo yokkirogwe, ti eeko logolik o. Nineebe mbo pinaniyak mbakwi kenok, wo'ninaburak mbakwi kenok, “Ala mban koonigin o,” mbako logonet, nit we at ari menggerak wone nogo mban paganogo yokkirogo monggoorak.

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

Kolote 2:4

It aakumi inoone amburu ndik-ndik agan wogo logonet, nomonggiren tu alik paga nogwe iyo, wone ti yokkirage agarik o.

Kolote 3:24

At Ala nen aap ambi iya, ambi meek, mbakeelik nit eekwi onggo ndak-ndak wo'niraagin nineenu me, kit nen, “Nit ninowe ambit Keritut ake aret o,” yinuk, kinogobamini inake eekwi kenok, it maluk eekwi onggo wogorage logonet, at apuri obeelom eekwi iinok inake pipuk eerogo piyareegerak nogo, “Nit kunduk ninom ndak-ndak wo'niraagin,” mbako logonip o.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

1 Tamuwen 2:29

an nawooliya wurik me time it aakumi Iterali nake warogo kani kunggwi, iniki ale'nggen paga yi mendek ndi mendek we wo'nugwi, Eeko logonip o, yinuk, yoragagirak nogo, nonggop nduk miyuk-meya eerogo pogo agaarik? Ndi, it napuri Iterali mendek nen ndomba-tapi warogo nake kani kunggwi iinok, apuri nen enggaanggum mbanak abe kenok inaanoma'le andi lek nunggwi ti, nonggop nduk it iya, ndi, an meek, nomba'nuk, inaruk waka'lek teppiige agaarik?