Oroma 16:17 - Ala Wone Peenok Peebi Mbanak

¹⁷ Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

Oroma 16:17 ပူးပေါင်းရင်းမြစ်များ

Matiyut 18:17

Ndi, it aap ti, kinom yorumonggotak aruk liirogon konengga'lek mbo pege kenok, it Ala apuri apit kuwak eeppiinok, yoruwak nduk, yoraanu o. Ndi, Ala apuri kuwak aago inoone kunduk konengga'lek kenok, it aap abet mbaka'lek endekem mendek ilik, it aap o unde inake wu kuwak eeka mendek a, nogo pogom, At aret, mba'nuk mbo punu o,” yinuk, yoragagerak.

Matiyut 18:7

Kit o nggween paga yime maluk eerumunggup nduk, eekkinake ti, wonage aret me, kinabuwa o. Maluk eeriyak eekkinake nogo ti, logogin aret kwe, it aap nen kit maluk eerumunggup nduk eekkinakwi iinok perak, inabuwa o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Lukat 17:1

Yorage nagagerik, Yetut nen at oone waganggwi nogo yorage logonet, “Kit maluk eerubagip nduk, kinikime mambinagi woramenggerak kwe, at kinikime mambinagi wage nogo perak, abuwa o.

Nappiigak 15:24

It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik wonogwe nogo, ninaruk konenggoorak o.

1 Korindut 11:18

Wone aa'nduk koonogo yokkiraakit mbakirak nogo yi o. Kit Ala apuri kuwak eeko monggotak nogo, kuwak eeri wogo logonet, kit-kit aret ogoorik-ogoorak eekkologwe nogo naruk konengge nagarik, “Yi abet aret yogwe ilik?” mbakirak o.

Pilipi 3:17

Noreewi o. It aap ando apit nogo nen, “Keritut eyo karo-karo paga kambeegerak wone woorak nineebi,” mba'nuk, iniki alik koonit nogo menggaarak me, “Ala inom wim mbanak wonogwe o,” yinuk, ko'lu-kii'me yokkirage minggirak nogo, yogondak ambinom le ari logonet yokkiragi o. It aap ti, togop eerit nogwe me, an eeke minggi kwak, kit ndak-ndak eeko logonet, it kinoreewi ando nen nit eeko monggoorak nogo kokwak eekwi iinok, liirogon aret inarum logonip o.

Kolote 2:8

It aakumi ambi eeppiyoorak lek kagak we inambokan laganuwok nduk, iniki koonogo yorogo menggaarak nogo ti, Keritut wone lek o. Ti, it inombomini wandek inom, it kugi inayuk wuko menggaarak nogo inom, inoone mamunik aret agan nugwi me, keele maarak negen it inabu'me logonet, inoone mban konenggo logobagip nduk, kit kinambokan laganggwi iyo, tum wakkologo logonip o.

2 Tetalonika 3:6

Ndi, ninoreewi o. Wone, “Ndogop eeko logonip o,” yokkirogo nogogurak nogo, kinoreewi ando eeka'lek ineenggi tanep we nugwi iinok, kinom nugu logorak mage o.

1 Timotiyut 1:3

An o Makendoniya woraakit nduk, wage logonet, “Kat o Epetut yayi logot o,” yinuk, noone nabek togon yokkereegirak nogo ti, “It aakumi timbayok mbininggwi, ndarak alom mbininggo logonet, puk aga'lek niikkenok nogwe, eekwi iinok, niniki abet mbakwi paga Ala nen ee'ninaburak kooneegerak nogo nineenu ariyak nduk yo'nirogwe lek we wone alom kwaako logonet, noone-koone yogwe me, liippugup o,” yinuk, yorage, ndi, it aakumi ando wone alik agan nugwi nogo, “Mamuniroorak mage o,” yinuk, yorage, eeke logonok nduk, “Yayi logot o,” yinuk, yokkereegirak nogo o.

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

Titut 3:10

Aap aakumi iniki nomoninaka nogo nen abe wone mbo punuk, maluk mban eerit nage paga maluk onggo oba kwippatiyak kagak, eerit nage keenu me, ne mbere paga aruk wappunuk, mbo puurak aret o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

Yurat 1:19

It aap ti, Aberiniki inikime lek me, nggween paga mendek mban iniki nengge kenok mugurok nogo logonet, Ala apuri ogoorogo piinet nogo menggaarak it aret.