Oroma 16:12 - Ala Wone Peenok Peebi Mbanak

¹² It kumi Teripena Teripota imbirak ninowe inom kunik logonet, ake eerit nogo menggaarak nogo inom, niriluk Peritit kunduk ninowe imbirak kunik logonet, ake nggwiirit-nggwaarit eeke menggerak nogo inom, keyage wappiigi o.

Oroma 16:12 ပူးပေါင်းရင်းမြစ်များ

Matiyut 5:47

Ndi, kit kinoreewi mban keyage warogo wogonakwi kiinok, it aakumi endekem konenggulik mendek inom, yi aakumi ndi aakumi inom, abok aret it mendek mban inom kunik eeko menggaarak nogo ndak-ndak eekwi me, Nit iya, mbariyak lek o.

Matiyut 9:38

at anggen yugu unde menggerak nogo nen aap anggen yugu mbani noorak nappiyaawak nduk, yogo logonip o,” yinuk, yoragagerak.

Oroma 16:11

An mendek at Keroriyon nogo keyage wappege, ndi, it ninowe wone waganeegwaarak at Narakitut apurilogwe inom keyage wappiige, eeki o.

Oroma 16:13

Ninowe imbirak kunik kenok, Ala nen leenogo pereegerak at Uruput inom, ndi, an nagalo negen menggerak at Uruput agalo nogo inom, imbirak keyage wappiigi o.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

Kolote 1:29

Kiniki mondok kole ogwe kiyaakit nduk, Keritut omaawi mondok alik negen eeppanege kagak, an puk aga'lek kit kinake mondok nggwiirit-nggwaarit eeke agarik o.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Timotiyut 4:10

Yi aakumi ndi aakumi abok inagap ndarikit mbake menggerak kwe, nit niniki at oba panggombunuk abet mbakwi ninagap ndaka mondok itok eenik menggerak Ala nen, “Nit yorogwe niigak eeppiyaagin,” mba'nuk, niniki lunik mondok nu'lek monggoorak me, nit lin wako logonet, nabenik-nabenak mban eerit nogo monggoorak.