Oroma 16:10 - Ala Wone Peenok Peebi Mbanak

¹⁰ Keritut iniki kunik logonet, liirogon eerit nage kage nagarak at Apelet nogo keyage wappege, at Aritobulut apurilogwe inom keyage wappiige, eeki o.

Oroma 16:10 ပူးပေါင်းရင်းမြစ်များ

Oroma 14:18

Keritut ake eerit nage logonet, wone ti, liirogon eekwi kiinok, Ala nen ale'nggen kinombake, ndi, it aakumi nen togon, “Op aret eekwi,” kinombakwi, eeko logogun o.

Oroma 16:3

“At Akwila akweeluk Piritikila imbirak an ninom ndak-ndak Keritut Yetut ake eeko nogoorak nogo keyage wappiigi o.

Oroma 16:7

It Andoronikut Yuniyat imbirak an awo Keritut abet mbaka'lek neegak, it aa'nduk abet mbakwi, it nappiigak inenggela'me inoweewi tiyanak aret wonogwe, ndi, it an ninom keele maarogo mambinaneegwaarak wonogwe, eereegurak paga, it an noreewi lombok aret me, keyage wappiigi o.

Oroma 8:11

Ndi, kanggo menggam nen Yetut eenik agago mippereegerak at Ala Aberiniki nogo kinikime wonage kenok, at Keritut eenik agago mippereegerak nogo nen Aberiniki wokkiragagerak kinikime wonage nogo paga kit kanggo monggotak mendek aret kwe, kineenik agago mippinagagin o.

1 Korindut 11:19

Kit wone-wone yogo logonetak lek en, taani nen wone liippunuk agan nugwi nogo, alom kin a'netak lek kwe, wone-wone yogo monggotak nogo paga alom kenom aga o.

2 Korindut 12:2

Nabinggaanggo paga aap ambi Keritut imbirak kunik me, mbogut mbere ta'mbanak kagak, ambiret ta'mbanak paga pi lagangge kage nagagirik, wambi wagagerak kagak, tahun 14 eereegerak. Aap wonok laganeegerak nogo ti, eebe apit wonok laganeegerak a, ogoma mban wonok laganeegerak a, nogo ti, an neenggo'lek, Ala mban eenu o.

2 Korindut 2:9

An liiru kinake mbaneegirak nogo ti, yi eeriyak ndi eeriyak yokkirage neenok, “E o,” yinuk, “Ndak-ndak eekwi iyaamun ilik, mbo pugwi iyaamun a?” yinuk, kinabut mbanikit nduk liiru mbaneegirak o.

2 Korindut 5:17

Aap ambi Keritut imbirak kunik wonage kenok, at iniki ngget ogobakkigirogo pemenggerak me, obaabut maan mendek lek age logonet, obaane'me ngget mendek aret arigin o.

2 Korindut 8:22

It kiya wogwe nogo, ninoreeluk ambi inom nappi wogo o. At ninom eerit nogo logonet, mondok liippunuk eerit nage kogoorak me, ninoone konembunuk, “Mondok abet aret kuwak eerugun,” kinombake logonet, “An kunduk, liirogon yeenggwaarage logokit o,” yinuk, kiya wage ti o.

Nggalatiya 1:22

it Keritut apuri o Yureya kuwak eerit nogo menggaarak nogo nen, neebe inigen neyoolik kwe,

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Pilipi 2:22

Aap ambi apuluk nen ogoba yeenggwaage menggi kwak, an obeelom wone yoranet nage neegak, at ko'lu-kii'me yeenggwaanege nagagerak ti paga, at obaabut kineenu aret me,

1 Timotiyut 3:10

It aap yeenggwaaragak logorak ti, aa'nduk inabut mbambunuk, inoone inoba piigulik kenok, mippiyoorak op o.

2 Timotiyut 4:19

Kwe Piritikila aap Akwila imbirak inom, ndi, aap Onetiporut aaganapuri inom, keyage wappiyaanok nduk yokkigi o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.