Oroma 16:1 - Ala Wone Peenok Peebi Mbanak

¹ Nit niniri kwe Pebe nogo nen Ala apuri kuwak eeppunuk tamban eeko menggam o Kenggereya time mondok iya negen yeenggwaarage menggerak me, kinom logobagip nduk, nappi wagi ti o.

Oroma 16:1 ပူးပေါင်းရင်းမြစ်များ

Matiyut 12:50

Yi aap ndi aap an nogoba mbogut paga mendek iniki mbake ndak-ndak eeko menggaarak kenok ti, nagalo-nawurilogwe it aret o,” yinuk, yoragagerak.

Marakut 10:30

aakumi nen piyakkinakwi tit iigak kwe, o yogondak mbo pumonggotak obaane'me kinagalomini inom, kinowe-kinawot inom, kinapurilogwe inom, kinawi wurik inom, kineyabu aago inom, apit aret 100 lombok oba lunogo wokkirage, ndi, peebi ee'ninabi woroorak eyom nogo paga kineenik mondok-mondok logomunggup nduk, eerogo pinagage, eerigin o.

Lukat 8:3

at Keroret ame arum waka endage Kutat akwe Yokana nogo inom, kwe Tutana inom, ndi, kumi alik apit inamendek paga Yetut at oreewi inom inake eeko nogogwaarak nogo inom, Yetut inom nogogwaarak.

Nappiigak 18:18

At Pawulut o Korindut time logonet, nogo ambik yege nagagerik, ti'nuk, ninoreewi Ala apuri time iigak, at Akwila akweeluk Piritikila imbirak inom yiiro paga o Tiriya woraawok nduk, eeko logonet, at Pawulut nen ambi eeriyak Ala enggaanom yoreegerak nogo ndak-ndak o Kenggereya taati at eeruwak mbaneegerak.

2 Korindut 3:1

Wone yokkirogoorak ti, nit ambinom wogoppatuwok nduk yokkirogwe mbakop? It ando nen ineebe wogonabuwak nduk, eeko menggaarak liiru mbanak wonok wokkirogwe iinok, wogonako monggotak kwak, nit togop aret wokkiroorak mbakop? Ndi, aakumi alik nen nit wo'ninabuwak nduk, kit nen liiru mbanak wo'niroorak op mbakop?

1 Timotiyut 5:2

it kumi inanggok ti, kagalomini kokwak, ndi, kumi tawe ti, kat kiriwi kokwak me, it paga kiniki me maluk mondok abeka'lek logonet, yorage logot o.

Pilemon 1:2

nit niniriluk kwe Apipiya inom, aap Ala wone ninom piyanggo monggoorak ninore Arikiput nogo inom, Ala apuri kat kame kuwak eeko menggaarak inom, abok aret wone ambi yokkiraawi o.

Yakobut 2:15

Kiniriluk ambi ilik, kinoreeluk ambi a, ayum inom, ko'lu-kii'me noorak mendek inom, wonage lek kagak,